EKOLOG.UZ| UZ🇺🇿

Ayni paytda ekolog.uz xodimi Feruzbek Sayfullaev AQShda bo'lib, u yerdagi daraxtlarga qanday munosabatda bo'lishlari haqida o'z taassurotlari bilan o'rtoqlashmoqda:

AQShda qurilish yoki ta’mirlash ishlari olib borilayotgan hududlarda daraxtlarni himoya qilish uchun maxsus choralar ko‘riladi. Bu ekologik normalarga rioya qilish va yashil hududlarni saqlab qolish maqsadida amalga oshiriladi.

Daraxt atrofini maxsus to‘siqlar bilan o‘rab qo‘yish.

Ko‘pincha sariq lentalar yoki oddiy panjaralar emas, balki mustahkam yog‘och yoki metall panjaralar ishlatiladi. Ushbu to‘siqlar:
• Og‘ir texnikalar va qurilish materiallarining daraxt ildizlariga zarar yetkazishini oldini oladi;
• Qurilish ishchilari daraxtlarning ildiz zonasiga yaqin joyda ishlamasligini ta’minlaydi;
• Kimyoviy moddalarning tuproqqa tushishini cheklaydi.

Daraxt ildizlari odatda daraxt tanasidan kamida uch barobar kengroq joyga tarqalgan bo‘ladi. Shu sababli, ko‘pincha to‘siqlar daraxt tanasidan ancha uzoqda o‘rnatiladi.

Nima uchun bu muhim?
• Daraxtlar shahar muhitida havo sifatini yaxshilaydi va issiqlik orolini kamaytiradi.
• Ular binolarga soya solib, energiya samaradorligini oshiradi.
• Daraxtlar ekologik muvozanatni saqlashga yordam beradi va yashil hududlar jozibadorligini oshiradi.

AQShning ayrim shtatlarida daraxtlarni himoya qilish qonun bilan mustahkamlangan. Masalan, ba’zi joylarda qurilish uchun daraxtni kesishdan oldin maxsus ruxsatnoma olish kerak bo‘ladi.

O‘zbekistonda ham shunday himoya tizimlarini joriy qilish foydali bo‘lishi mumkin. Agar shunday tashabbus ilgari surilsa, shaharlarning ekologik barqarorligi oshardi. ☘️Atrof-muhitga oid soʻnggi yangiliklarni @ekologuz sahifasida oʻqing. Bizni kuzatib boring va taklif va tilaklaringizni @eklguz_bot orqali yuboring

Instagram | Facebook | Twitter | Sayt | Youtube

O‘zbekistonda “Yashil Makon” umumxalq harakati qizg‘in davom etmoqda, uning dasturiga nafaqat daraxt, balki butalarni ekish kiradi, chunki ular tuproq unumdorligini saqlab qolish bilan birga, hasharotlar, mayda hayvonlar uchun maskan bo‘lib xizmat qiladi, eng muhimi, kislorod bilan ta’minlaydi, chang va chiqindi gazlarni saqlaydi. Ammo Yangiyo‘l shahridagi “Mevazor” mahalla fuqarolar yig‘ini raisi yurtimizda bo‘layotgan voqealardan bexabar shekilli.

"Kecha mahalla raisi to‘liq yashil butalarni kesib tashlashni buyurdi. Murojaat bo‘lsa ham ekologiya yordam bermadi.Vaholanki, O‘zbekiston Prezidenti Shavkat Miromonovich 2025 yilni "Yashil iqtisodiyot va atrof-muhitni muhofaza qilish yili" deb e'lon qilgan va yashillikni ko‘paytirishni aytgan edilar", - deb yozmoqda murojaatchi. ☘️Atrof-muhitga oid soʻnggi yangiliklarni @ekologuz sahifasida oʻqing. Bizni kuzatib boring va taklif va tilaklaringizni @eklguz_bot orqali yuboring

Instagram | Facebook | Twitter | Sayt | Youtube

#Qonun #Закон

🔰Ekologik ekspertiza xulosasi: talablar, tamoyillar va rad etish sabablari

24-fevral kuni “Ekologik ekspertiza, atrof-muhitga ta’sirni baholash va strategik ekologik baholash to‘g‘risida”gi 1036-sonli Qonun qabul qilindi. Qonunga ko‘ra, ekologik ekspertiza davlat va jamoat ekologik ekspertizasi tarzida amalga oshiriladi.
https://gov.uz/oz/eco/news/view/37669

Matbuot anjumaniga taklif etamiz!

Bugun, 27-fevral kuni soat 12:00 da Axborot va ommaviy kommunikatsiyalar agentligida “Yoshlarda ekologik ta’lim va madaniyatni rivojlantirish” va “Yashil makon” umummilliy loyihasi doirasida amalga oshirilayotgan ishlar yuzasidan matbuot anjumani bo‘lib o‘tadi.

Ishtirok etadi: Yoshlar ishlari agentligi, “Ekolog” jamoat birlashmasi mas’ullari va eko faollar.

✅Barcha OAV vakillari va blogerlarni matbuot anjumanida ishtirok etishga taklif etamiz.

“O‘zbekiston“, “Uzreport“ telekanali va Yoshlar ishlari agentligining Facebook sahifasi orqali anjumanni to‘g‘ridan-tog‘ri kuzatishingiz mumkin.

#matbuotanjumani

Bizning sahifalarimiz:
🕊Telegram 📱Instagram 📺YouTube 🌍Veb sayt

#Samarqand_viloyati Zarafshon Milliy tabiat bog‘i fan-atrof tabiiy muhit monitoringi bo‘limi mutaxassisi Erkin Xolmanovning xabar berishicha, “Zarafshon Milliy tabiat bog‘ining ro‘parasida, Zarafshon daryosining o‘ng qirg‘og‘ida qazish tekislash ishlari og‘ir texnikalar yordamida amalga oshirilmoqda. Daryoning o‘zani o‘zgarib ketadiku. Zarafshon Milliy tabiat bog‘ida yuzlab daraxtlar qurib ketayotgan bir vaqtda mazkur ishlar bioxilmaxilikka salbiy ta'sir ko‘rsatishi aniq. Bu qanchalik to‘g‘ri?
Mazkur holat yuzasidan mutaxassis va mutasaddilarning fikrini kutib qolamiz. ☘️Atrof-muhitga oid soʻnggi yangiliklarni @ekologuz sahifasida oʻqing. Bizni kuzatib boring va taklif va tilaklaringizni @eklguz_bot orqali yuboring

Instagram | Facebook | Twitter | Sayt | Youtube

#O‘zbekiston_Qizil_Kitobi

ShARQ ChINORI
Platanus orientalis L.
Maqomi Areali ajralgan kamyob, relikt tur.
Qisqacha tavsifi. Bo‘yi 30 m ga yetadigan keng shox-shabbali daraxt. Bargi panjasimon qirqilgan, 5–7 bo‘lakli, eni 12–18 sm. Bo‘laklari cho‘ziqroq, o‘yilgan, yirik tishchali. Gullari bir jinsli, sharsimon to‘pgulga
yig‘ilgan. Mevali kallakchasi 2–7 tadan, diametri 2–5 sm atrofida. Mevasi yong‘oqchasimon, tumshuqchali,
yotiq qalin tuklar bilan qoplangan. Aprel' oyida gullab, mevasi avgust–sentyabrda yetiladi.
Tarqalishi. Surxondaryo, Qashqadaryo viloyatlari:
Hisor tizmasida Sangardak, To‘palang, Qashqadaryo, Obizarang daryolarining havzalarida o‘sadi. O‘rta Yer dengi-
zi – Bolqon yarimorolidan Himolaygacha tarqalgan.
O‘sish sharoiti. Tog‘larning o‘rta qismida, daryo bo‘ylarida, buloqlar atrofida, toshloqlarda o‘sadi.
Soni. Odatda yakka-yakka holda o‘sadi. Ba'zan kichik chinorzorlar tashkil qiladi.
Ko‘payishi. Urug‘idan va vegetativ yo‘l bilan (ildizi va bachkisidan) ko‘payadi. O‘simlik soni va arealining o‘zgarish sabablari. Turli ehtiyojlar uchun kesib ketilishi tobora kamayib ketishiga sabab bo‘lmoqda.
Madaniylashtirilishi. Juda qadimdan manzarali daraxt sifatida barcha sug‘oriladigan yerlar (Markaziy Osiyo va boshqa joylar)da ekib kelinadi.
Muhofaza choralari. Asrga tengdosh yirik chinorlarning har biri nazorat ostiga olingan va davlat tomonidan qo‘riqlanadi. ☘️Atrof-muhitga oid soʻnggi yangiliklarni @ekologuz sahifasida oʻqing. Bizni kuzatib boring va taklif va tilaklaringizni @eklguz_bot orqali yuboring

Instagram | Facebook | Twitter | Sayt | Youtube

#Qonunchilik

O‘zbekistonda xiyobon, park va skverlarni xususiylashtirish taqiqlanadi Senatning navbatdagi yalpi majlisda “Yer uchastkalaridan foydalanish tartibi yanada takomillashtirilishi munosabati bilan O‘zbekiston Respublikasining ayrim qonun hujjatlariga o‘zgartirish va qo‘shimchalar kiritish to‘g‘risida”gi Qonun ko‘rib chiqildi.

Mamlakatimizda yer uchastkalaridan foydalanish tartibini takomillashtirish, atrof-muhitning muhofaza qilishni kuchaytirish, ekologik vaziyatni yaxshilash, yashil maydonlarni kengaytirish orqali aholiga qulay ekologik muhit yaratish bo‘yicha izchil chora-tadbirlar amalga oshirilmoqda.

Shu bilan birga, hozirda yer va shaharsozlik to‘g‘risidagi qonunchilik, shaharsozlik reglamentlari talablariga rioya etilishini taʼminlash, yerdan foydalanuvchilar, ijarachilar va mulkdorlarning yer uchastkalaridan foydalanish tartibi to‘g‘risidagi xabardorligini oshirish maqsadida yer uchastkalaridan ruxsat etilgan foydalanish turlarini aniqlashtirish zarurati yuzaga kelmoqda.

Shuningdek, respublikada skverlar, istirohat bog‘lari, xiyobonlar, sayilgohlar hududlarini hamda ularda ekilgan daraxtlar muhofaza qilinishini kuchaytirish, ular yerlarida bino va inshootlar qurilishini oldini olish choralarini ko‘rish lozim.

Qonun bilan yer uchastkalaridan ruxsat etilgan foydalanish turlari joriy etilishi, aholining madaniy-maishiy ehtiyojlarini qondirish va dam olishi uchun foydalaniladigan yerlarni xususiylashtirish yoki begonalashtirish, hududlarini qisqartirish, ularda bino va inshootlar qurish taqiqlanishi qatʼiy belgilanmoqda.

Ushbu cheklovlarni buzganlik uchun jinoiy javobgarlik kuchaytirilishi, botanika bog‘larini xususiylashtirish va ularning hududlarida qurilishni amalga oshirish taqiqlangan holda botanika bog‘larining muhofaza etiladigan tabiiy hududlar ro‘yxatiga kiritilishini nazarda tutuvchi o‘zgartish va qo‘shimchalar kiritilmoqda.

Xususan, Qonun bilan Yer kodeksi alohida bob bilan to‘ldirilib, yer uchastkalaridan ruxsat etilgan foydalanish tizimini joriy etish, ularni belgilash va o‘zgartirish tartibi tatbiq etilmoqda.

Senatorlar taʼkidlanganidek, Qonunning qabul qilinishi yer resurslaridan oqilona foydalanish va boshqarish samaradorligini oshirish, yer fondining barcha toifalaridagi yer uchastkalarini bozor va kadastr baholash sifatini yaxshilash, yerdan foydalanuvchilar, ijarachilar va yer uchastkalari mulkdorlarining yer uchastkalaridan ruxsat etilgan foydalanish turlari bo‘yicha xabardorligini oshirish va sohada nazorat samaradorligini oshirishga xizmat qiladi.

Shuningdek, madaniy hordiq maskanlari va ularning hududlarini saqlab qolish, botanika bog‘lari va ularning yerlarini begonalashtirish, hududida bino-inshootlar qurish yoki qurilish osti maydonlarini kengaytirishni taqiqlaydi hamda mansabdor shaxslarning masʼuliyatini oshiradi.

Muhokama yakunida Qonun senatorlar tomonidan maʼqullandi. ☘️Atrof-muhitga oid soʻnggi yangiliklarni @ekologuz sahifasida oʻqing. Bizni kuzatib boring va taklif va tilaklaringizni @eklguz_bot orqali yuboring

Instagram | Facebook | Twitter | Sayt | Youtube