Alabayni Toshkent viloyati Bo‘stonliq tumanidagi Soyliq qishlog‘ida uchratdik. U juda holdan toygan, qovurg‘alari sanalib, zo‘rg‘a yurardi. Qishloq markazida kafe, kabobxona, do‘konlar borligiga qaramay, hamma uni quvib, tosh otishardi. Undan bir burda nonni ayashardi. Uning oldiga qo‘ygan ovqatimizni darhol yemadi, qo‘rqdi, ammo shirin so‘z, unga yomonlik qilmasligimizni tushungach, sekin yeya boshladi. Kechqurun markazga tushganimizda bizni o‘sha yerda kutib o‘tirganini ko‘rdik. Uni bu yerdan olib ketish kerak edi, chunki u bu qishdan omon chiqmasligi aniq edi. O‘zJOKU universiteti rektori Sherzodxon Qudratxo‘ja Facebook ijtimoiy tarmog‘idagi sahifamga qo‘ygan postdan so‘ng darhol qo‘ng‘iroq qildilar. Alabayni olishni, o‘zlari uni oyoqqa turg‘izishlarini aytdi. Yaxshi insonlarning boriga shukr.

To‘g‘risi xursand bo‘lib ketdim, chunki barcha boshpanasiz jonivorlarning priyutlari to‘lib toshgan, alabayni esa uzoq muddat davolab, unga ega topish kerak, vaqtincha qaergadir joylashtirish ham kerak edi.

Ertalab zootaksi chaqirdimu, ammo alabayni anchagina qidirishga majbur bo‘ldim. Chunki yomg‘ir yog‘ayotgan va u qargadir berkingan edi. Kecha qolgan non bo‘lagini olib ketgan tomonga yurib, uni topdim. Zootaksi alabayni Toshkentdagi Pulse veterinariya klinikasiga olib ketdi. Sherzodxon Qudratxo‘ja yordamchilari itni kutib olishadi....

Yangi yil arafasida mo''jizalar sodir bo'ladi, ishoning, shunchaki atrofga qarang va siz egalari tomonidan tashqariga uloqtirilgan bir juft mungli ko‘zlarning sizdan yordam kutayotganini ko‘rasiz. Ularga yashash imkoniyatini bering va mo'jiza ro'y beradi...


P/S. Alabayning keyingi taqdiri haqida sizni xabardor qilib boramiz. ☘️Atrof-muhitga oid soʻnggi yangiliklarni @ekologuz saytida oʻqing. Bizga obuna bo'ling va taklif va tilaklaringizni @eklguz_bot orqali yuboring!

Instagram | Facebook | Twitter | Sayt | Youtube