"Сиз экологияга оид билимларни биласизми?"

Хабар берганимиздек, мамлакатимизда ёшларнинг экологик билимларини ошириш, уларнинг қалбида она табиатга меҳр-муҳаббат туйғуларини юксалтириш мақсадида мактаб ўқувчилари иштирокида "Сиз экологияга оид билимларни биласизми?" кўрик-танлови ўтказилмоқда.

Куни кеча Марғилон шаҳрида ушбу танловнинг сектор босқичи бўлиб ўтди.
Танловнинг мақсади ёш авлоднинг экологик билимларини ошириш, атроф-муҳитни муҳофаза қилиш бўйича қонунийликни чуқур ўрганиш ва амалий фаолиятга тадбиқ этишдан иборатдир. Тадбирда Экологик партия Марғилон шаҳар кенгаши раиси, Матлубахон Абдураҳмонова, партия фаоллари, шаҳар кенгаши депутатлари иштирок этишди.

Танловда Марғилон шаҳридаги умумтаълим мактаблари ўқувчилари иштирок этишди.
Тадбирда давомида унда иштирок этаётган ўқувчилар ўз билим ва қобилятларини намоён этиб, тўртта муҳим шарт асосида билимларини синовдан ўтказдилар.

Танловда иштирокчилар Она табиатни асраш, бу жараёнда ёшларнинг вазифалари, экологияга оид ҳуқуқий ҳужжатлар, бош қомусимизда бу борада белгилаб берилган ҳуқуқ ва мажбуриятлар, қоидалар ҳақида тушунтириб бердилар

.

Кўрик-танловни шаффоф ва адолатли ўтказиш мақсадида Фарғона давлат университети ва САМU хусусий тиббиёт университети ўқитувчи ва профессорлари ҳамда Марғилон шаҳридаги биринчи ва иккинчи тиббиёт техникуми ўқитувчиларидан иборат ҳайъат аъзолари шакллантирилди. Танлов якунида эса сектор босқичида ғолиб жамоалар аниқланди. Унга кўра 1-сектор ҳудудидан 19-мактаб, 2-сектор ҳудудидан 11-мактаб, 3-сектор ҳудудидан 16-мактаб, 4-сектор ҳудудидан эса 1-ИДУМ жамоалари ғолибликни қўлга киритдилар.