Dostonbek

Amerikadagi sayloylar har doim butun dunyo etiborini tortib kelgan, ular shunchaki bu ishni judaham mukammal shaklda bajaradilar va "demokratik" davlatlarga haqiqiy demokratiya qanday bo'lishini ko'rsata olishadi.

Bu jarayonlar bizga(kamida menga) kimlar kim tarafda ekanligini bilib olishimizga yordam beradi. Men shaxsan siyosatga qiziqanligim uchun ko'plab Youtube dagi blogerlarni kuzataman va shu kunlarda kimlar demokratik partiyaning azosi va kimlar respublikachilar ekanligini bilib olish juda oson bo'lyabdi.

Keyinchalik nima bo'ldi? Qisqa qilib aytsam, biz tarixda yerlarini tortib olgan insonlar, biz o'rgangan bilimlarni davom ettirib ularni hayotga tatbiq qilib bizdan o'zib ketdi, shunchalik o'zib ketishdiki bizni ularning maxsulotlariga qaram qilib qo'yishdi yoki biz ishlab chiqarni boshlagan narsalarni sifatlisini bizga sotishni boshlashdi, bunga qog'oz sanoati misol bo'la oladi. Qog'oz Xitoyda o'ylab topilgani malum, lekin birinchi katta hajmda ishlab chiqarganlar musulmonlar bo'ladi va birinchi qog'oz ishlab chiqaradigan zavodlar bizning yurtlarda qurilgan. Yevropaliklar keyinchalik bu sanoatni o'zlashtirdi va bozordagi eng sifatli qo'g'ozni chiqarib bizga sotishni boshladi.

Bu jarayon nafaqat qog'oz industriyasida balkim barcha jabhalarda sodir bo'ldi, natijada ular ancha bo'y bo'lishdi. boshqa narsalarga fokus qaratishdi va qudratli bo'la boshlashdi. Bizda esa haliham o'rta asrlar tafakkuri qolib ketgandi.

Yerlaridan mahrum bo'lganlar albatta u ishlarni unutmagan va bizdan qasd olishni hohlashardi va yetarlicha qudrat yig'ganlaridan keyin, o'z qasdlarini olishni boshlashdi. Menimcha yaqin 150 yillik tarix hammaga malum bo'lsa kerak, bu davrda eng horlangan millat, genotsid bo'lgan, quvilgan, yerlari tortib olingan, yerlari birovga berilgan, o'zligini yoqotishga urinilgan va yana ko'plab rasvoliklarni boshdan kechirgan millat musulmon millati bo'lsa kerak. Bu ishlar Allohni bir sinovlari ekanligiini zarracha inkor qilmagan holatda, bu ishlarni sabablari ancha oldinlarga borib taqailishini bildirmoqchiman.

Yaqinlargachaham, balkim hozirhamdir, biz taraflarda, dinni faqat soqol, salla, va shu kabi narsalarda ko'radigan insonlardan diniy maruzlar qilishga "huquqi" borlar bor edi. Hech kim hech narsani inkor qilmayabdi lekin bu narsalar asosiy narsalar emas, xullas gap ko'p.

Fikrlar algo'v dalg'ov bo'lgan bo'lsa uzur, oralarda tanafus bilan yozdim.

Boshqa tarafdan qaralsa

Musulmonlar amalga oshirgan renasanslarning barchasi ular dunyodagi qudratli kuch bo'lgan paytda amalga oshirilgan, qudratli bo'lganlari uchun o'z g'oyalarini ko'p hududlarga yoya olishgan. Aynan o'sha davrlarda ko'plab yahudiy yoki xiristianlar uchun qadrli, muqaddas bo'lgan hududlarni egallashgan masaln Quddus, Konstantinopal, Misr, Iroq, Suriya. Bundan tashqari otashparastlarning qudratli davlati bo'lmish Eron va bizning hududlarni ham.

Albatta bu fatxlarda qonlar to'kilgan, qarshi tarafning huquqlari barbod qilingan, yerlari tortib olingan, o'zlari uchun maqul kelmagan ishlarga majbur qilingan. Bilaman hozir salbiy taraflariga etibor qaratyabman chunki ijobiy taraflari haqida malumotllar tiqilib yotibdi. Lekin biz faqat bu ijobiy taraflarni eshitaverib, bizikilar umuman xato qilishmagan ekanda degan hayolga borib qolishimiz mumkin.

Dastlab aytganimdek, musulmonlar qudratli bo'lganda kimlargadur tegishli bo'lgan hududlarni egallashgan. Keyinchalik esa, tomonlar joy almashishni boshladi, biz tarafdagilar o'tmishda qilgan ishlariga mahliyo bo'lib bugungi kunni unutishdi, o'zlarini har bir sohada daho deb o'ylashdi va bu ishlarini "halolashtirib" beradigan insonlar topishdi. Natija esa aytganimdek tomonlarni o'rin almashishligiga olib keldi.

O'tmishda yerlari tortib olingan millatlarni albatta adovati bo'ladi va bu ishlari uchun, bu ishlarni qilganlarni jazolashni hohlashadi. Va bunday insonlar ko'p edi, bir tarafda o'z poytahtini yo'qotgan sharqiy Rim, boshqa tarafda katta hududlarini boy bergan G'arbiy Rim imperiyalari. Bular(aslida bir bo'lgan) o'sha davrning eng kuchli imperiallari bo'lgan(Amerika) va ularham ko'p hududlarni bosib olgan.

Bu davlatlar qudratli bo'la boshlashdi va musulmonlarning biz dunyoning eng kuchli, aqilli millatimiz deb g'aflatda qolgan paytda, ular yani musulmonlar to'plagan bilimlarni hayotga tatbiq qila boshladi va natijada bir necha asrlarda juda katta yutuqlarga erishdi vaholanki bu vaqtda ikkinchi taraf haliham o'rta asrlar aqlli bilan lekin dunyo leaderlari kayfiyati bilan yashardi.

Bu davrlarda yevropaliklar(sobiq Rim imperiyalarining avlodlari) bir qancha urushlar Salib yurishlari nomi bilan mashhur urushlar qilishdi va ko'p hududlarini qaytarib olishdi. Davrlar o'tdi, ixtirolar qilindi, yangi narsalar o'ylab topildi faqat ular "kofirlar" tominidan o'ylab topilgani uchun bizning judayam dindor avliyolar ularni inkor qilishdi, men havodan olib gapirmayabman, misol bersam birgini yozuv mashinasi ixtiro qilinganda, yani 15-asrda, biznikilar hali dunyoda qudratli degan nomga haqiqatda munosib bo'lgan davr, uni ommaviy ishlatish yevropada ancha rivojlanib ketgan bir yilni o'zida juda katta miqdorda kitoblar bosib chiqarilgan, umuman insoniyatning shu davrgacha bo'lgan kitob chop qilish sanoati tubdan o'zgargan, lekin bu texnoligiyada Quronni chop etishni Usmonli hududida cheklashgan, va albatta boshqa turdagi kitoblar ham shunga kiradi.

Lekin boshqa din vakillari unda o'zlarining kitoblarini chop etish mumkin bo'lgan.

Bu kabi ko'rlarcha bo'lgan qarshilikga tarix to'lib ketgan, birinchi mikrofonlar chiqqanda ularni ham cheklashgan, sabab bu narsalar Islom dini vakillari tomindan ishlab chiqilmagan.

Ota - oʻzi shahar koʻrmay seni shaharda oʻqitishdir.

Yonmas edik

Ko’zlarim ko’rmasdi. Doim orqa qatorda o’tirardim. Menga e’tibor berishmasdi.

Do’stlarim yo’q edi. Hayotimda ma’no ko’rmasdim. O’zimni yo’qdek his qilardim.

Bir kuni sinfxonamizda sichqon ovozi eshitilib qoldi. Hamma qo’rqib ketdi. O’qituvchimiz tinchlantirdi:

-Bolalar jim bo’lamiz. Sinfxonada sichqon bor. Biz uni topishimiz kerak. Uni topishda bizga Stivi yordam beradi. Uning qulog’i hammadan yaxshi eshitadi!

Bu gaplar menga tok urgandek ta’sir qildi. Men kerakmanmi? Iqtidorim bormi? Sichqonni qayerdaligi topdim. Hamma qarsak chaldi. O’sha kundan men boshqa inson bo’ldim.

3-sinfidagi bitta maqtovi sabab hayoti o’zgargan bu bolakay Stivi Vonder edi. Kambag’al oila, kambag’al maktab, ko’zlari ko’rmas, qora tanli bolakay, bir marta maqtaldi. Yillar o’tib musiqasini yuz millionlab odam eshitadigan qo’shiqchi bo’ldi.

Ustozlar cho’g’ni olovga aylantiruvchi insonlar. Siz bo’lmasangiz yonmas edik. Ta’lim va tarbiyangiz uchun ming bora rahmat. Bayramingiz muborak.

@azizrakhimov_blog

SIz yashashni orzu qiladigan davlat qanday bo'lishi kerek?

#tahlil

Yaqinda bir maqola o’qidim, “Nimaga erkaklar kam yig’laydi?” maqolaning nomi shunday. Yozuvchi maqoli avvalida bazi sabablarni keltirib keyin ularni chuqurroq yoritib bergan, ko’z yoshning biolagik tushunchalari, evolutsiya omillar va ijtimoiy “normalar” maqolada yoritilgan asosiy sabablardir.

Mavzu qiziqarli yoritilgan va erkaklarning kam yig’lashi chuqur tanqid qilingan, va men bu tanqidlarga garchi yetarli, asosli sabablari bo’lsada qarshiman. Umuman tarixga nazar solinsa, boshqaruv, jang, o’g’ir mehnat, jazolash, qurbon bo’lish, qurbon qilish, aqliy mehnat, ixtirolarga oid va ko’plab shu kabi qiyin ishlarda, erkaklarni ko’p ko’zga ko’ringaniga guvoh bo’lamiz(99%). Va bu kabi ishlar odamdan, bir so’z bilan aytganda hissiyotsiz yoki hissiyotlarga berilmaydigan bo’lishlikni talab qiladi. Misol uchun, urush paytida hech kim hissiyotli, ruhan zaif odam bilan bir safda bo’lishni istamaydi.

Bir erkakning oilasigs musibat keldi deylik, oilada farzandlar va ayoli bor. But holatda erkakdan kutiladigan narsa, shijoatli, mativator bo’lishlik. Agar shu erkak hissiyotlarga berilib ketsa va uni ko’z yosh to’kayotganini oila azolari ko’rsa, hammasi tamom boshqalarda ham ishonch darajasi juda tushib ketadi. Bu narsa deyarli barcha joylarga to’g’ri keladi, urush payti safdoshlarini yarmini yo’qotgan sarkardadan kutilgan narsa emotional bo’lishmas balki uni aksi bo’lishlikdir. Sarkardaning dod faryod chekkanini ko’rgan oddiy askarlar ruhiyati cho’kib ular ham yig’lashni boshlashlari mumkin va natijada butun millat shu holatga kelib qolishi mumkin.

Ijtimoiy normalar o’zidan o’zi paydo bo’lmagan, erkaklarning har qanday holatda stoick tura olishligi bu huddiki gapira olish yoki boshqa insonda bo’lishi kerak bo’lgan hususiyatlardandir. O’sha maqolaning asosiy maqsadlaridan biri shu normalarga zarba berish deb o’yladim. Bugungi kunda zaif erkak bo’lishni oddiy hol qilishga urinayotgan butun boshli media imperiyalar bor, Yevropada bu harakatlar allaqachon natija bergan. Va bizdaham bunday harakatlar menimcha boshlangan.

Ayollar tabiatan judaham tasirchan bo’ladi va shuning uchun ularda yig’lash ko’p kuzatilinadi(boshqa sabablari ham bor). Bunda menimcha hech kimni muammosi bo’lmasa kerak.

Lekin qaysidur qizi tashlab ketganiga siqilib yomon odatlarni boshlagan, hayotim barbod bo’ldi deb hayotini barbod qilayotgan tengdoshlarimizni hech narsa oqlolmaydi. Bu nsarsalar albatta ommaviy propagandani natijalarir. Telvizorda yoshligimdan ko’rgan kinolar yoki serialarni barchasi muhabbat, o’ldim kuydim haqida edi. Turklarni “mashhur” seriallar ham shu mavzularda edi(menimcha hozir ham shunaqa). Ularni ko’rardik keyin hayotga qarasak umuman boshqa reality bo’lardi. Bu tizimli hujum.

Siz sevishib yurmasez, hayotiz rasvo bo’ladi degani emas. Yoshlik payti foydali narsalarni egallab, kerakli mutaxassis bo’lishlik payti. Yaqinda yozgandim, “lapashang romantikni hech kim yoqtirmaydi”. Va bu haqiqat. Jamiyat hissiyotlarini bir chetga surib kerakli narsalarga etibor bera oladigan, hissiyotlariga aldanmasdan to’g’ri qarorlar qila oladigan erkaklarga muhtoj, hech kimga yig’loqi lapashanglar kerakmas.

26.09.2024 Mirzo Ulug’bek | Toshkent.

Oila qurishdan oldin, qurganda, va keyin nimalarga qattiq etibor berish kerak deb o’ylaysiz?

Iloji bo’lsa umumiy fikrlardan ko’ra chuqquroq malumot bersangiz. Aytmoqchi bo’lganim, yaxshi inson bo’lish kerak, soliha juft topish kerak. Shu kabi narsalar umumiy va barcha ayta oladi.

How can she pass the test?

"Oddiylikda halovat bor" deyish uchun oddiylikdan chiqish kerak.

13.09.2024 Asaka | Andijon

#tabrik
Mustaqillik bayrami muborak bo'lsin, bu bayram shubhasiz biz uchun eng muhim bayramlardan biri, bu bayramni faqatgina qalbida kiri borlargini yaxshi qabul qilmaydi.
Alloh mustaqillikimizni abadiy qilsin bizlarni millatga ummatga xizmat qiladigan insonlardan bo'lishligimizni nasib qilsin.

«Qorni to‘qligida Xurosonning ko‘ppaklari ham shukr etadilar. Muhimi, och holingda ham shukr qilmog‘ingdir».

© Xoja Ahmad Yassaviy hazratlari

Koʻrar koʻzga ajab soʻfiynamoman, Nihonda nafs itiga mubtaloman.

“Alloh imtihon qilayabdi” deya sen tomosha qilib turgan insoninga yordam qilish qilmasliging sening imtihoningdir.

- Mehmet Yildiz Izlash

Золимга раҳмат оятларини ва мазлумга сабр оятларини ўқийдиган воизларни ҳурмат қилманг!

Айман Ёғий

Qadriyatlar

Har bir insonning o’zining prinsiplari bo’ladi, bularga ega bo’lmagan odamning hayoti juda yomon o’tadi chunki u har doim o’zgalarning prinsiplariga qarab yuradi. Lekin bu kabi odamlardan ham yomon ahvoldagilar bor, ular o’z qadriyatlarini yo’qotganlar yoki unutganlar.

Bir inson uchun malum bir ishlarni qilish juda ham jirkanch ko’rinsa va u aslidaham shunday bir jirkanch ish bo’lsa u odam bu ishlardan yiroq yurishga harakat qiladi. Lekin atrof muhit va insonlar tasirida asta sekin bunday ishlarni bajarish oddiylashib borsa va keyinchalik bu ishlar unga hech qanday noqulaylik tug’dirmasa, bu inson qachonlardir o’ziga munosib ko’rmagan ishni maqullashni boshlaydi va hattoki bunday qilmayotganlarni malomat qilishi ham mumkin.

Oramizda ko’plarimiz qadriyatlarni yo’qotganlardanmiz, chunki bizda qadriyatlarsiz ulg’ayish juda qiyin, oila qarindoshlar va ananalarimiz judaham ko’plab narsalarni bolalikdan bizga o’rganishlikni osonlashtiradi. Ularni yo’qotishlikning ko’plab sabablari mavjud va eng tasiri kuchlisi albatta bu ijtimoiy tarmoqdir.

Odamlar bugungi kunda hurmatlarini yo’qotish orqali etiborga(obunachilarga) ega bo’lishmoqda va bu etiborni saqlab qolish uchun barcha imkoniyatlarini ishga solishmoqda. Ular uchun normal bo’lib qolgan faxsh, uyatsiz narsalarni ommaga ko’rsatishmoqda va shu yo’l bilan jamiyatda bu kabi ishlarni yoyilishiga zamin yaratishmoqda.

Bu kabi videolar ko’rolmasligi kerak bo’lganlarga ham yetib bormoqda va ularga bir muddat “aha” bunday qilsa ham bo’larkanda degan narsani bermoqda. Biz bugungi kunda jegaralanmagan miqdordagi malumotlarga egamiz, birgini click orqali istalgan narsani topish mumkin, bizni “hursand” qiladigan narsalardan judaham turli xillari bor. Bunday holatda hech qanday tasirlarsiz o’zingizni boshqarish juda qiyin va yuqoridagi omillar bizni o’zimiz bilan bo’lgan kurashimizni yanada qiyinlashtiradi.

Qadriyatlar bu bir chegaralardir va ularni buzishlik yaxshi oqibatlarga olib kelmaydi, chunki oxiri borib hech qanday chegara qolmasligi mumkin. Chegarasiz qolgan qavmlar, yer yuzidan yo’q qilingan.

Bir narsani doim yodimizda tutishimiz kerak yani ko’pchilik biron ishni qilyabdi degani, bu ish to’g’ri yoki qilsa bo’luradi degani emas yoki aksincha juda kam odamlar bir ishni qilishligi bu uni noto’g’ri deyishlikka yetarli bo’lmaydi.

@dostonsulaymon

31.07.2024 Asaka | Andijon

Siz bilan ishlash statusga aylanadi

Yoshligimizda xitoyniki - sifatsiz degani bo’lardi. Original va xitoy so’zlari antonim edi.

Olishimizga yagona sabab narxi bo’lardi.

20 yil o’tdi.

Xitoy telefonlari, mashinalari, texnikalarini butun dunyo olyapti. Ustidan kulmay qo’yishdi.

Ba’zi xitoy mahsulotlari status ham bera boshladi.

Ishingizni endi boshlayotganda siz bilan ham shunday bo’ladi. Sizni tanlashlariga asosiy sabab - “arzon” bo’lasiz.

Boshqalar bilan solishtirib, ustun tomonlarini aytishadi. Ezilgandek bo’lasiz.

Xavotir olmang. Bu tabiiy jarayon. Hamma shundan o’tadi.

Muhimi Xitoyliklar kabi ustingizda ishlashdan to’xtamang.

Yillar o’tib “original” bo’lasiz. Siz bilan ishlash statusga aylanadi.

@azizrakhimov_blog

Bu bosqichdan o'tmasdan turib oxirgi yani natija qismi haqida o'ylash ahmoqlik. Bu yo'l har doim qiyin bo'lgan shunga yarasha unga beriladigan sovrin ham ancha baland(bu yerda haqiqiy mutaxasislik haqida gap ketyabdi). Biz hozirda yashab turgan jamiyatlarni, kunlik foydalanadigan narsalarni, hamma bosqichlardan o'tib o'sha sovrinlarga erishganlar qurgan, ixtiro qilgan. Mening ishonchim komilki ularda ham sizu bizda bo'lgan balki undan ham yomon to'siqlar bo'lgan lekin bu narsalar ularni to'xtatib qolmagan.

Demak erishish mumkin bo'lgan natijalar aniq ekan, yo'lda bazi to'siqlar bo'larkan, shularni bilgan holatda sabr bilan harakatda davom etish kerak va doim esda saqlash kerak bo'lgan narsa: Agar to'xtamasangiz sizda har doim yutish uchun imkoniyat bo'ladi.

@dostonsulaymon

2.07.2024 Mirzo Ulug'bek | Toshkent

Sabr

Biz har doim rejalar tuzamiz, o'zimizcha deadline lar qo'yamiz va qilishimiz kerak bo'lgan ishlarni belgilab chiqamiz. Va keyin rejalarni birin ketin amalga oshirishni boshlaymiz. Bir oy o'tadi, 2 oy, 1 yil va birdan qilayotgan ishlarimiz ancha ko'p vaqt olganday tuyiladi va erishgan natijalarimiz arzimasdek ko'rinadi.

Lekin bir narsaga etibor bermaymiz yani 1 yil oldingi hech narsani bilmaydigan, o'rganyotgan sohamizda yoki fanimizda odamlar bilan gaplashsak bir chekkalarda turadigan holatdan, shu narsada odamlarga malumot bera oladigan, shu tilda bemalol kunlik narsalarni tushanadigan darajaga erishdik.

Siz o'qish yo'lini tanlar ekansiz, uzoq samarasi keyin (ancha keyin) ko'rinadigan yo'lni tanlayotgan bo'lasiz. To'g'ri bazi istisnolar bo'lishi mumkin lekin aksariyat holatlarda yo'l uzun bo'ladi. Bitta chet tilini yaxshi darajada o'rganish uchun kamida 8 oy yoki 1 yil vaqt sarflash kerak. Tibbiyotda mutaxasis bo'lish uchun kamida 8 yil o'qish kerak. Jurnalist bo'lish uchun kamida bakalavr darajasi kerak(bu yerda rasmiy haqida gap ketyabdi).

Yani bu yo'lda vaqt siz to'lashingiz kerak bo'lgan eng birinchi to'lovdir, bir vaqtni o'zida siz bazi boshqa narsalar bilan kurashishingiz kerak masalan FOMO (Fear Of Missing Out), yani boshqalardan qolib ketganlik hissi, qizlarda bilmadim lekin erkaklarda bu narsa juda kuchli bo'ladi. Siz ulg'ayarkansiz, oiladagi masulyatlar yoki aniqrog'i oiladagi bazi rollar sizga o'tishni boshlaydi.

Hamma sizdan nimadur kutayotgandek his qilasiz(aslida bunday bo'lmasa ham) va sizni shunday vaziyatda bu masulyatlarni olishni o'rniga nimadirni o'rganyotganingiz sizga qandaydur noqulay hissiyotlar beradi.

Bu qilayotgan ishlaringizni yoki o'qishlaringizga halaqit beradi, boshingizni ichidagi, Mirshakar aytgandek, kichkina odamcha doim nimalarnidur pichirab sizni chalg'itishga harakat qiladi. O'zingizga shubha bilan qarashni boshlaysiz, huddika hamma qilgan qarorlaringiz xatodek ko'rinadi. Va bunday narsalarni menimcha ko'p insonlar boshdan kechirishadi, bazilar bu ichki ovozlarga quloq solib bu yo'ldan chiqishadi, bazilar esa nima bo'lgandaham davom etishadi va katta narsalarga erishishadi.

Dostoevskiyning Jinoyat va Jazo asarida o'sha davrdagi bir talabaning(umuman ko'p narsa aniq tasvirlangan) hayoti va holati tasvirlangan va undagi ko'p narsalar bugungi kundagi bizdagi talabalar hayotiga ham to'g'ri keladi.

Lekin bir narsa aniqki har doim yo'ldagi to'siqlarga qaramay davom etganlar, dunyoda katta ishlar qilishgan va har doim shular eslanadi. Bunday holatlarda omadni ham o'rni bor albatta va u boshqa bir katta post qilishga arziydigan mavzu.

Qanday eshitilinadi bilmadim lekin hayot o'sha yo'ldan qo'chib ketadiganlarga(quitters) to'la, bir narsani shu yerda ochiqlab ketish kerak. Chiquvchilarning darajasi bo'lmaydi yani siz yo'lni boshida chiqasizmi yoki eng oxiridan oldinmi farqi yo'q siz quitter deb belgilanasiz.

O'tgan yili Oktyabrda ingliz tili uchun bir guruh ochilgandi, dastlabki kunlar guruhda 40+ o'quvchi bor edi va Martning o'rtalariga kelib guruhda 7 ta odam qoldi va bu ko'plab boshqa guruhlarda ham takrorlangan. Bu holatda faqat o'quchilarni ayblash noto'g'ri bo'ladi albatta bunda ustoz, xona, tizim va boshqa narsalarning ham tasiri bor lekin baribir bu guruhdagi 33 ta o'quvchi shunchaki tilni o'rganishni to'xtatib qo'yishdi ular markazni yoki ustozni o'zgartirishlari mumkin edi.

Bunday holatlarda siz ega bo'ladigan eng yaxshi skillardan biri bu albatta sabrli bo'lish. Agar sizda sabr bo'lmasa 2 oy ingliz tilidan kurslarga qatnab hali ham bu tilda gapira olmaslikga yoki nimanidur o'qib tushunmaslikga bardosh bera olmaysiz. Agar sabrsiz bo'lsangiz umuman biron narsa o'rgana olmaysiz chunki o'rganish jarayonida har xil bosqichlar bor va har doim siz eng pastki yani juda ham noqulay bosqichni boshdan kechirishingiz kerak-tushunarsiz bosqich.

Odamlar

Andijonga har oyda kamida bir martta kelaman, har doim har xil odamlar bilan yo’ldosh bo’laman.

Bu keldi ketdilardan olgan darslarim juda ko’p, odatda sheriklar ijtimoiy qatlamni yuqori qismidan bo’lmagani va O’zbekistonda aksariyat vatandoshlar quyiroq qatlamdan bo’lgani uchun qanday muammolar odamlarimiz orasida ommabop ekanligini bilib olaman.

Bazilar hayotiy tajribalari bilan o’rtoqlashadi va ularni ko’plari aynan men javobini topa olmay yurgan savollarimga aniq yechim bo’ladi.

Ingliz tilini o’rganib ularning madaniyati haqida o’rganganim uchun, bizning asl qadryatlarimizni qanchalik muhimligini ajratish oson bo’ldi. Odamlardagi samimiylik juda ham o’zgacha.

Bazilarga havas qilasan, bazilarni ko’rib qanchalik noshukr ekanligingni bilasan. Sen Toshkentga borgan bo’lsang bu albatta Allohning senga bergan bir rahmati tufaylidir. Qanchadan qancha odamlar bor barcha narsa bor lekin borolmaydi, qanchasi bor masulyatlar tark etishiga qo’ymaydi.

@dostonsulaymon

20.06.2024. Angren | Toshkent