TKT sertifikati endi o‘tmaydimi? Tarqalgan xabarlar rostmi?

4867-савол:

Assalomu aleykum yaxshimisiz menda bir savol bor edi TKT imtihoniga birinchi modulga 17dekabrga to'lov qilib qo'ygandim ammo bazi bir o'qituvchilarimiz TKT sertifikatlari endi o'tmaydi 29iyulda shunaqa qonun chiqdi shu rostmi endi o'tmaydimi sertifikati maktabgayam ishlash huquqini bermadimi  Band 2 tktdan Tkt sertifikatlari maktabda ishlash huquqini beradimi? Iltimos pulni tashladim savollarimga javob bersagiz

YURIST JAVOBI:

O‘zbekiston Respublikasi Oliy ta’lim, fan va innovatsiyalar vazirligining 2024-yil 4-apreldagi 4-q/q-son va Maktabgacha va maktab ta’limi vazirligining 2024-yil 2-apreldagi 3-mh-son qarori (ro‘yxat raqami 3515)ga ilovada Xorijiy tillar va umumta’lim fanlarini bilish darajasini belgilovchi milliy va xalqaro tan olingan sertifikatlar Ro‘yxati tasdiqlangan.

Uning 3-bobida Umumiy o‘rta, o‘rta maxsus, professional va oliy ta’lim tizimida faoliyat yuritayotgan pedagog xodimlarga ustama belgilashda qo‘llaniladigan xorijiy tillarni bilish darajasini belgilovchi milliy va xalqaro tan olingan sertifikatlar Ro‘yxati belgilangan.

✅ Unda TKT sertifikati mavjud.

💁‍♂️ Unga berilgan izohga muvofiq   Umumiy o‘rta, o‘rta maxsus, professional ta’lim muassasalarida faoliyat yuritayotgan pedagoglardan:

🔘Teaching Knowledge Test (TKT),
🔘Teaching English for Speakers of Other Languages (TESOL),
🔘Teaching English as a Foreign Language (TEFL),
🔘Teaching English as a Second Language (TESL) sertifikatlari
🔘Common European Framework of Reference (CEFR) tizimining B2 sertifikati bilan birgalikda qabul qilinadi va ularga ustama belgilangan tartibda to‘lanadi.

✅ Shunga ko‘ra siz ham TKT sertifikati bilan birga B2 sertifikatini ham taqdim etsangiz, ustama olishingiz mumkin. Ishlash huquqi ham shunday vujudga keladi.

@magistrlarofficial
@magistrlarofficial_group