Манбага кўра, мазкур ҳолат яқинда Сурхондарё вилояти Қумқўрғон туманида содир бўлганмиш. Видеода ҳокимлик масъуллари назоратида ишчилар арчаларни юк машинаси билан ағдаришаётгани тасвирланган. Адашмасам, президент Мирзиёев чинорга нисбатан арчани кўпроқ яхши кўрарди шекилли. Бу янги усул - уни босқичма-босқич чора-тадбирлар асосида республика миқёсида жадаллаштириб жорий қилиш зарур.

Унинг афзал томони шундаки, қийналиб вақт кетказиб ётмайсиз, ишингиз тез битади. Битта кичкина муаммо бор - дарахт ўлиши мумкин, бироқ бу унчалик ваҳимали нарса эмас. Одам қадри бўлмаётган юртда флора ва фаунага йўл бўлсин! Яна бир гап, Карфагендан кейин бизга қарғиш тегмаганмиди?

M: Zafarbek Solijonov.

@diktatoruz