"Малави – қашшоқ, лекин қул эмас. Одамлар демократия учун оёққа турган давлат – олдинга томон энг катта қадам ташлаган давлатдир", – деб ёзади The Economist.
Бу йил энг катта ўсишга эришган давлат сифатида Африка жанубидаги Малави давлати эътироф этилди. The Economist Малавида сайлов натижаларини сохталаштиришга қарши ҳаракатларни эътироф этган.
The Economist турли мамлакатлардаги вазиятни, коронавирус пандемияси даврида тутилган йўлни таҳлил қилган. Нашр Янги Зеландияда коронавирус билан боғлиқ ҳолат барқарор бўлгани, фақатгина 25 киши инфекция туфайли вафот этганини қайд этади. Тайван эса сезиларли иқтисодий ўсиш кўрсатгани, коронавирусга қарши самарали кураш олиб боргани учун эътироф этилади.
Нашрга кўра, гарчи АҚШ коронавирусга қарши курашда Италия, Испания ва Буюк Британия каби ёмон ҳаракат қилган бўлса-да, штатларда вакцина дастури аҳамиятга эга бўлди. Шунингдек, АҚШда сайловчилар ноябрда Дональд Трамп номзодини рад этиб, популизмнинг, яна бир глобал табиий офатнинг, тарқалишини тўхтатишга муваффақ бўлдилар.
«Бироқ йил мукофоти бу сафар Африка жанубидаги давлатга насиб қилди. Таҳлилларга кўра, дунёнинг 80 давлатида инсон ҳуқуқларига бўлган ҳурмат пасайган бўлса, биз танлаб олган давлатда эса, аксинча, инсон ҳуқуқлари яхшиланди. Бу – Малави давлатидир.
Малавида 2019 йилда президентликка сайлов ўтказилгач, унда Питер Мутарика ютиб чиқади. Бироқ сайлов натижалари сохталаштирилган эди. Сайловчилар эса «штрих билан ўзлаштирилган» ғалабага қарши намойишга чиқдилар ва суд сайлов натижаларини бекор қилди. Шу йил июнь ойида ўтган сайловда оппозицион партиядан номзод Лазарус Чаквера президентликка сайланди.
Kun.uz
@diktatoruz
