O'quv kurslari yoki ustoz-shogird asosida o'qiyotgan juda ko'pchilikda kuzatiladigan bitta xato fikr mavjud.
Bu — mo'jiza kutish.

Bu qanday bo'ladi?
O'quv kurslariga qatnashni boshlagan ko'pchilik unga dars berayotgan o'qituvchisini qilgan ishlariga havas qiladi, hayolida u ham tez orada shunaqa darajada ishlar qilishini o'ylab shirin hayollar og'ushida yuradi. Aslida buni aybi yo'q. Lekin masalani boshqa tarafi ham bor.

O'qituvchi sizga o'zidagi tajriba va ko'nikmalarni berishga harakat qiladi, kasbdagi qoidalar va yo'nalishlarni tushuntiradi. Qolgan 90% shaxsiy rivojlanish esa sizga bog'liq.

Unutmang, boshqalarda ko'rganingiz yutuqlar, muvaffaqiyatlarni asosida juda katta shaxsiy tajriba va izlanishlar yotadi. Hech qachon o'quv kurslaridan yoki o'qituvchilardan mo'jiza kutmang. Ular sizga to'g'ri yo'nalish berishi mumkin, lekin muvaffaqiyat kalitini qo'lingizga tutqazib qo'ya olmaydi.

Qolgan hamma ish sizga va sizni izlanishingizga bog'liq. Biz yo'l qo'yadigan xato shundaki, hamma narsani 100% tayyor olishga intilamiz, o'zimizdagi ichki istak, potensial juda past. Birorta mavzuda dars olsak, o'sha bilan chegaralanib olamiz. Aslida izlansak, o'qituvchi bergan ma'lumotga qo'shimcha minglab yangiliklarni topishimiz mumkin. Bu esa shaxsiy tajribani rivojlantirishda muhim omil hisoblanadi.

Portfolio | Dizayn blog | Instagram | Contact