Davron Solijonov

Nega har kuni kitob o'qish kerak? (Miyadagi jonli kinoteatr) – Telegraph
https://telegra.ph/Nega-har-kuni-kitob-oqish-kerak-Miyadagi-jonli-kinoteatr-03-09

*Inson umrini oxirigacha bilimsiz bo'lib qoladi va buni tan olgan odamgina umrini oxirigacha rivojlanadi.
*Takabburlik esa katta ehtimol kibrga berilib rivojlanishdan to'xtatadi va ma'lum darajaga yetganda qotish kuzatiladi.
*Bilimsiz va naqadar ojiz ekanligimizni tan olish kibrdan xolos bo'lishimiz hamda shaxsiy va kasbiy jihatdan cheksiz o'sishimiz uchun eng to'g'ri yo'l deb hisoblanadi.
*Bilganiga javob berib,bilmagan narsasiga bilmayman degan insongina kibrdan holis bo'ladi.
*Butun umr talaba sifatida ma'lumotlar olishga intilgan insongina bir ilm egasi bo'lishi mumkin.

@davronsolijonov

Tahlil qilinmagan fikrlar,befoyda yoki zararliga aylanib ketadi.

Qisqa yozish uzun yozishdan qiyinroq.

Kam gapirish ko’p gapirishdan qiyinroq.

Maqtanishdan ko'ra maqtanmaslik qiyinroq.

Uyquga ketishdan ko'ra uyqudan turish qiyinroq.

Har bir eshitilgan,o'qilgan,ko'rilgan ma'lumotlarni,barchasini miya saqlab qo'yadi.

Eng yaxshi savol beruvchilar,eng yaxshi javoblarni ham bera olishadi.

Ilm bor joyni bilish ham ilm.

Atrofdagilarni kuzatishdan foyda yo'q,o'zingizni kuzating.

Haqiqiy ilm egalarini internetga chiqib,vaqt sarflashga vaqti yo'q.

O'zgarishdan qo'rqadiganlar,doimo o'zlarini aldash uchun nimadir bahona topishadi.

Aybdor odam, o'zini aybsizligini hammadan ko'ra ko'proq isbotlashga urinadi.

Toshga o'xshab qotib bir qobiqda umr kechirmoqchi bo'lganlardan uzoqroq bo'lgan yaxshi.

Ma'suliyatni ko'tara olmaydigan inson,doim qochishga yo'l qidiradi.

Ilm ko'p o'qishda emas,amal qilishda.

Do'stlar soni,mushkulotda bilinadi.

@davronsolijonov

Ramazon oyida.

Ey Robbim barchamizni isloh qil,nafs/qalb xotirjamligini bergin.
Amallarimizni ziyoda qilgin.

Ko'p insonlar placebo effektli umrda yashashga rozi.Ayniqsa Instagramda.

*O'zi bilgan foydali amallariga rioya qilib yashaydigan inson.

Yengil va sizni yo'q qiluvchi Dofaminlar

Dofamin- miyada ma'lum bir muddat ichida fiziologik yoki aqliy biron bir ishga nisbatan mukofot sifatida ajraladigan Eyforiyani(rohatlanish) chaqirib beradigan neyrotransmitter.

Bizning biron nimani o'rganishimizga bo'lgan qiziqishimiz,diqqatimiz, qisqacha qilib aytganda motivatsiya beradigan moddamiz bu dofamin.

Yengil dofamin nima?

Yengil dofamin - miyaga shu dofaminni qisqa vaqt ichida tezroq va osonroq stimullab ajratib beradigan barcha narsa.Xo'sh buni nimasi yomon.

Bu qisqa stimullar insonni qaramlikka olib keladi.Inson endi haqiqiy uzoq muddatda mukofot xissini beradigan stimullarni olishga kuchi yetmaydi.

Har kuni tayyor aslida yo'q bo'lgan mukofotlarni miyaga quyishni boshlaydi.
Ro'yhat:
-Ijtimoiy tarmoqlar
-Qisqa formatdagi Reels
-Musiqa
-Tayyor ovqatlar/Fast-food
-O'yinlar
-Sigaret
-Pullar
-Doimiy mashina haydash

Bunday hayot Zombi bo'lib yashashdan boshqa hech nima emas.
-Surunkali diqqat yetishmovchiligi
-Ilm olishda tez zerikish
-Uzoq muddatli ishlarga, ilmiy videolarni,suhbatlarni ko'rishga toqat yo'qolishi
-Real mukofotlar olish qiyinchiliklari
-Asabiylik,xohishlar yo'qolishi

Haqiqiy dofamin miqdori qachonki yaqin orada yutuq,marraga yetib kelish sezgisi paydo bo'lgandagina ortadi.

Oldindan biror ishni bajarmasdan, gapirib qo'ymang(ko'p gapirish dofamin markazini stimullaydi),soxta dofamin olib qo'ysangiz o'sha ishni oxirigacha bajarish foizingiz kamayadi.

Buni ham o'qib qo'ying.

@davronsolijonov

Balki tayyor emasdurmiz?

Aleksandr Fleming penitsilin ni tasodifan, omadi kelib ixtiro qilgan deyishadi.

Mendeleyev davriy jadvalni birinchi tushida ko’rib keyin ixtiro qilgan deyishadi.

Vilgelm Rentgen rentgen nurlarini(X-ray) tasodifan, omadi kelib ixtiro qilgan deyishadi.

Bu «omadli ixtirolarni» bir narsa bog’lab turadi.

Fleming 20 yil mobaynida mikroblar va infeksiyalarni o’rganish ustida ishlagan.

Mendeleyev 10 yil davomida kimyoviy elementlarning xossalari va ular orasidagi bog’liqlikni o’rgangan.

Rentgen esa 20 yildan ortiq elektromagnit nurlanishni o’rgangan.

Ixtiro egalarining miyasiga «evrika» kelguncha ular juda ham uzoq yillar davomida ishlashgan.

Ular omadga tayyor turishgan.

Omad - bu tayyorgarlik va imkoniyatlar bir chorrahada uchrashishi.

Kimdirga juda katta omad kelganini ko’rdikmi?

Bilaylikki, 99,9% holatda u shu katta omadga tayyor turgan.

Biz kutgan katta omad kelmayaptimi?

Bilaylikki, biz u omadga hali tayyor emasdurmiz. Bir ishni uzoqroq vaqt qilaylik, shunda balkim biz ham 5-10 yildan keyin «evrika» deb baqirarmiz.

Barchasiga vaqt kerak.

@davronsolijonov

G'olib va mag'lub

G'olib bo'lganimizda negadir barchasiga o'zimiz erishganimizni sababchi qilamiz,
Mag'lub bo'lganimizda esa o'zimizdan boshqa hammani aybdor deb bilamiz.

Qachonki mag'ubiyatlarni doim o'zimizdan,g'oliblikni shunchaki qilgan mehnatimiz bir natijasi,Ota-Onamiz,Aka-Uka, Do'stlar,Ustozlar qo'llab quvvatlashi deb tan olsak,doim yutamiz.

Bahonalar ko'p,xozir to'lov qila olmaydigan arzon(balkim qimmat)foydali narsalarimiz,kelajakda xozirgidan juda qimmatroq narx evaziga sotib olishga majbur bo'lamiz.

Biz ,insonlar ko'z oldida maqtanish uchun emas,insonlar oldida ilmsizligimizdan xijolat tortganimiz, ko'proq bizga ta'sir qilishi kerak.
(Eng avvalo Robbimiz oldidagi burchimizni ado etish )

Har qanday G'oliblikning ortida to'lovlar turadi,to'lovlardan qochganlar G'olib bo'lmaydi,
G'oliblik biz o'ylaganday yengil yuk emas,kerak vaqtda chidab turib berish kerak,yengil ko'ringanlariga esa aldanmaslik kerak.

Insonga muammolar va extiyojlar beriladi,inson esa o'sha extiyojlarni bartaraf etish uchun harakat qiladi.

Nima muammongiz bor bo'lsa, o'sha joyni to'g'irlashga, o'zgartirishga harakat qiling,qochish bilan muammolar hal bo'lmaydi.

@davronsolijonov

Tanqidiy fikrlash/Reytinglar

O'z fikrlarimizni shubha ostiga qo'yishimiz kerakmi ?

Har qanday tanqidiy fikrlash darajasiga erishmoqchi bo'lganlar,o'zini,fikrlarini, bilimlarini savol ostiga qo'ya olishi,izlanishdan,haqiqiy bilimlarni noto'g'rilaridan ajrata oladigan darajaga chiqishi kerak.

Shunda dalillar asosida muammolarga to'g'ri yechim topa olamiz.

Bilamizki eng maxshur universitetlar Top reytingdagi o'rnini saqlash uchun yil davomida,turli xil dissertatsiyalar,ilmiy maqolalar,talabalar natijalari bilan o'z o'rinlarini saqlab turishadi.

Endi esa dunyo Top universitetlari o'zlarining talabalari o'rtasida reytingda kim o'zarlik (alochilar sindromi) paydo bo'lgani uchun, yuqori reytingga kirish fokusi ortidan bilimlar soxtalashishi ortganini seza boshlashdi va bu Universitetlarni Top reytingni ushlash maqsadi plankadan tusha boshladi.

Yuqori ballar,5 baho olish uchun o'qish asosiy o'lchov mezoniga,fokusiga aylanmasligi kerak.

Tanqidiy fikrlash bu joyda ishlashni boshlaydi.
•Nega bu bilim menga kerak,muhimlik darajasi qanday?
•Yuqori baho olish fan mazmunini qolganlardan yaxshiroq o'rganganimni beradimi o'zi?
•Olayotgan ma'lumotlarim haqiqatdan to'g'rimi?
•Qanchalik to'g'ri tushundim?

Bu yerda reyting va baholash sistemasi haqida umuman o'ylanmaydi.

Hamma Universitetlar balkim kelajakda baholash sistemasidan qutulib,o'rgangan bilimlar haqida gaplashishar.

Biz esa top1000 reytingga kirish uchun hali ham pul sarflab yotibmiz.Bilim olingan olinmagani asosiy maqsadimiz emas.

Top1000 reyting kirish uchun kriteriylarni bajargandan ko'ra haqiqiy bilim bilan tepaga chiqishimiz haqiqatga yaqinroq bo'lardi.

Ko'proq savollar bering, o'zingizga, atrofdagilarga, shundagina dalillarga asoslangan bilim paydo bo'ladi.

@davronsolijonov

Birorta fandan kurs o'qimoqchi bo'lsangiz(2-3-4 oylik ~)xozirdan plan qilib harakatni boshlaganingiz yaxshi.

Sababi institut Imtihonlaridan keyin,vaqtingiz bo'sh bo'ladi, bahorgi semestr yakunigacha kamida 1-1.5 ta fanni tugatasiz xozir boshlasangiz,yozda esa yana 1-1.5 ta o'qib qo'yasiz,kuzda ham 1-1.5 ta fan o'qigan bo'lasiz

Yil oxirigacha 3-5 tacha fundamental fanni mukammal o'qib qo'yish,yil oxirida qanday o'zgarishlar bo'lganini sezishga yordam beradi.

Vaqt borida o'qish kerak,yildan yilga sizga bog'liq va bog'liq bo'lmagan sabablar ortaveradi.U vaqtda esa xozirgidan 3-4 barobar ko'proq mehnat,chalg'ishlar bilan kurashasiz.
(Yuqori kurslar buni tasdiqlasa kerak,ayniqsa vaqtini asosiy qismini ishda o'tkazadiganlar)

Ps/ Mustaqil o'qishda balkim vaqt tejalib,bundan ham tez o'qirsiz,lekin ma'lumotlarni esdan chiqarish faktorlarini ham unutmang,hech bo'lmasa self study ma'lumotlarni kimgadir tushuntirib bering.
Konspekt eng muhim qism.

2024

O'tkan yili 30-dekabr kuni shu maqsadlarni yozib qo'ygandim.
Har safar uyga borganda o'zimga shularni eslatib turdim.

Ko'p narsa yozganman,ko'pini qila olsa bo'lar edi,lekin proksinatsiya/dangasalik sabab ulgurmadim.

Boshidan boshlasak:
•2-3 hafta o'zim(jamoasiz) Online darslar o'tib ko'rdim,lekin to'liq yo'lga qo'yolmadim,nasib bunga hali qaytaman ✅

• 3ta videodars yozib ko'rdim(1ta video Anatomiya Uz ga kanaliga qo'yildi 9K),Canva dasturi va turli xil Su'niy intellektlar orqali ishlashni o'rgandim.Nasib qilsa hali ko'p videolar bo'ladi.

•25ta kitob o'qiy olmadim(adashmasam 5ta o'qildi) , lekin bu yil tahminan 30 ta eng top filmlarni tomosha qildim(deyarli hammasi kitoblar asosida olingan)
Eng yaxshilari:
-Forrest Gamp/-Green mile/
-Saving private Ryan/-Showshank/
-Dune 1-2/-Spirited away
-Tafakkur o'yinlari/-Good Will Hunting/
-Inception/-The Godfather 1-2/
-One flew over the cuckoo's nest/
-Lord of rings 1-2-3/
Kitob darajasini bermasada, o'zim xohlagan ba'zi narsalarni oldim.

• Xalqaro darajadagi Doctor bo'lish uchun qadamlar - qisman USMLE sistemasi manbaalari orqali o'qish,xalqaro talaba/shifokorlarni kuzatish ✅

• Noutbuk olish(juda katta ishlar osonlashdi) ✅

•3ta Fundamental fanni tugatish( to'liq 3ta bo'lmadi)
-Biochemistry (100%)
-Pharmacology (70 % davom etyapti)
-Sistema: Endocrine/Pulmonologiya (100%) yana ba'zilari davom etyapti

Nasib qilsa 2025 yilda Patologiya Mikrobiologiya va Immunologiya tugatish qoldi.

•Xalqaro Olimpiyadada g'olib bo'lish(qatnashishni xohlamadim,sal keyinroq chiqishni niyat qildim)

•Ielts tayyorgarlik boshlashga ulgurmadim, tibbiyotni o'rganishni tanladim(nasib qilsa qolib ketmaydi)

• Sport bilan muntazam shug'ullanish uchun dangasalik qildim(Ko'p kasal bo'lganim menga turtki bo'ldi,endi muntazamlikni yo'lga qo'yaman)

• O'zim uchun Intizomli hayotni to'liq yo'lga qo'yolmadim, lekin atrofdagilarga shunday ko'rinadi.

•Shaxsiy rivojlanish faktorlari ko'p ekanligini bildim,xatolar qildim,bundan xulosa chiqardim.

• Qolgan maqsadlar/harakatlarni ham maksimal unutmaslikka harakat qildim,qanchadir qism o'xshadi bu yil.

2025-yilga boshqacha tomondan rejalar qo'yish kerakligini tushundim
-Endi amaliy qismga o'tish kerak,o'rgangan nimaiki bilim/ko'nikma bo'lsa.(Buni ChatGPT ham aytdi)

Yuqoridagi xulosalar aslida o'zim uchun,xotira uchun yozib qo'ydim, balkim bir necha yillardan so'ng, ishlarim to'g'ri yoki notog'ri bo'lganligini anglarman.

Sizda ham maqsadlar amalga oshgan bo'lgan bo'lsa pastda yozib qoldiring ⬇️

Ps/ Shu kanaldagi barchaga kelayotgan yilda o'zi istagan maqsadlarni amalga oshirish nasib qilsin.

#2024maqsad

Oxirgi daqiqalar

Hech birimiz hayotimiz poyoni qayergacha ekanligini bilmaymiz,lekin hamma narsani kutib yashaymiz

Ibn Umar roziyallohu anhu:
Tong orttirsang,kechni kutma,
Kechga kirsang,tongni kutma.

Lekin butun umr shu hayotni zoe qilish bilan o'tkazvoramiz,aslida buni kech anglasakda

Ustozim o'rgangan nimaiki bilim,mahoratlaring bo'lsa uni ishlatib ko'rmasanglar u yoki befoyda yoki to'liq fikrlash darajasiga chiqmagan degandi
Fikrlash darajasiga chiqmaguncha yodlashdan foyda yo'q ekan

Hayotimiz ham shunday,fikrlamasdan,yuzaki yashab yuraversak,umr poyonida afsuslanishdan boshqa narsa topmaymiz.

Hammamizni hayotimizda bizni to'g'ri va notog'ri yo'llarga,fikrlarga olib boradigan insonlar chiqadi.
Ularni ajrata olish,qaysi fikrga e'tibor berish bermaslikni ajratolmas ekanmiz,doimo qalbdagi,ongdagi urushni to'xtata olmaymiz.

Masalan quruq o'qishdan foyda yo'q, USMLE yoki tibbiyotdagi biron o'qish sistemasi bilan qayergacha borasan,undan ko'ra buni qilsang zo'r bo'lib ketasan,deydiganlar doim bo'ladi,sizni bosishga harakat qiladi.

O'zgarish uchun barcha ziyoli insonlar bilan suhbatlashasizmi,kitoblar,ilmga undovchi marafonlarda qatnashasizmi, qalbda bo'lmasa foyda bermaydi.

Xozir kimdir atrofdagilarga maqtanyotgandir qator natijalar bilan,o'zini rejalari bilan,sizning natijalaringiz,rejalaringiz insonlarga ko'rinmayotgandir, lekin sabr bilan ovoza qilmay yurganlaringiz,sizni haqiqiy yutuqga olib boradigan yo'l,xaqiqatdan shu yo'lda bo'lsangiz.

Ko'ringan yuzlar, so'zlar,natijalar yolg'onga to'la.

Har kunimiz futboldagi yutqazayotgan jamoaning oxirgi daqiqalardagi harakatiday bo'lishi kerak.

Bo'lmasa butun umrimiz aslida zulmatda o'tib ketgan bo'ladi.

16.12.2024
@davronsolijonov

Himmat

5,000 yil avval bilimlar faqat og'izdan og'izga o'tib tarqalgan,keyinroq papirus ixtiro qilindi,qoramollar terisiga ham yozildi,qog'oz yaratildi,kitob shakllari paydo bo'ldi.

584 yil oldin Gutenberg yozuv mashinasini ixtiro qildi.Kitoblar yozilishi osonlashdi.

124 yil avval radio,keyinchalik televizorlar ixtirosi davri boshlandi,bilim va ma'lumotlar olish,eshitish,video shaklda ko'rish boshlandi.

20-25 yil oldin internet davri kirib keldi,bilim olish deyarli tekin narsaga aylanishni boshlandi.

Xozir YouTube va internet saytlari,Suniy intellektlar orqali har qanday bilimlarni soniyalari ichida topish mumkin.

Lekin gap bilimni qanday usulda olishda emas edi.

Insonning xohishlarida edi.

Avvalari ilm qadri,kitoblarni topish uchun dunyo kezish kerak edi.

Xozir esa bunga talab yo'q,inson xohishlari esa o'zgardi.

Kitob o'qish dunyoqarashni o'zgartirish uchun eng yaxshi vosita edi.Xozir esa Reels titkilash kitob titkilashdan osonroq.

Bilimlar tekin bo'lgani sari,qadri ham pasayib boraveradi.

Nimalarni bilmasligini bilish,nimalarni bilishidan ko'ra muhimroqligini unutish boshlandi.

Xozir aytishim mumkin,bilim olish rostdan insonlarga qiyin bo'lishni boshladi.Sababi biz atrofdagi oqim bilan yashashimizda.

1% insonlar qatoriga kirish uchun kuchli iqtidor,tinmasdan ishlash emas,vaqtni to'g'ri taqsimlab,shunchaki qolganlar qilmaydigan ishlarni bajarishni o'zi kifoya.

-reels ko'rmaslik
-kechqurungi uyquni to'g'irlash
-bo'sh vaqtda yolg'iz qolish
-shirin gazli,spirtli ichimliklar,sigaretlarni yo'q qilish
-noto'g'ri deb bilgan barcha narsani bajarmaslik

Aslida xozirgiday bilim olish oson bo'lgan davrlar bo'lmagan, imkoniyatlar kelganda uni ushlab qoling.

Himmat baland bo'lsa,umr oxirigacha talaba sifatida yangi ilmlarni o'rganib ketavering.

O'zingizni uyingizgni mustahkam quring.Puflasa sinib, uchib ketmasin.

Ps/ O'ziga kerak narsasini qidirgan inson,izlanib albatta topadi,har qanday zamonda.

@davronsolijonov