Oldin hamisha kitob ko'tarib yurganim uchunmi yoki menga oid bo'lgan jihozlarda kitoblarga aloqador nimadir borligi uchunmi ko'pchilik mendan o'qish uchun kitob so'rardi. Hech qaytarolmasdim. Imkon qadar kitoblarimni o'qish uchun berib turardim. (ularning ko'pchiligidan aynan ana shunday usulda ayrilganim boshqa bir postlik hikoya 😂)

O'zim shu vaqtdagacha deyarli hech kimdan kitob so'rab o'qimagan ekanman. Asosiy sabablaridan biri yaqinimda kitoblari ko'p odam yo'qligi. Bundan tashqari men har doim qaysi kitobni o'qimoqchi bo'lsam, u meniki bo'lishi kerakday bo'lgan. Ya'ni, o'zimniki bo'lganida bemalol bosimlarsiz, kerakli joylarini belgilab, stikerlar yopishtirib o'qiy olishimni bilardim. Va yillar davomida kitoblarni shunday o'qidim, to'pladim. Dastlab, o'n-yigirma kitob uchun kichik javonim bo'lardi. Keyinchalik kitoblar soni ortdi. Tabiiyki, azaliy orzularimdan biri kichik bo'lsa ham kutubxonam bo'lishi edi. Kitoblar soni ortishi bilan kitob javoni yasattirdim. Bugunga kelib bu kitob javon ham to'lib bo'ldi. Kitoblar ustma-ust, bir-biri bilan tiqilishib turibdi. 🧑‍🚀

Demoqchi bo'lganim, imkoningiz boricha kitoblarni o'z mablag'angizga sotib olib o'qing. Ham qadrli bo'ladi, ham o'zingizni bo'lgani uchun mehringiz bo'lakcha bo'ladi. Bundan tashqari yillar davomida sekin-sekin to'planib, mo'jazgina kutubxonaga aylanadi. Kitobga mehrli insonni bundan ortiq narsa xushnud qilolmasa kerak, albatta. ❤️

Rahmat. 🪐

#me

@booktional