Kitoblarda(n)..📚

Ular hokimiyatga xalq saylovi orqali erishishdi. Biroq ular o'zlarini saylaganlarni haqqiga xiyonat qilish yo'lini tanlashdi. Mamlakatni talon-taroj qilish maqsadida istalgan ishga qo'l urishdi. Ular qonunni ma'lum bir shaxslarning manfaatiga ishlaydigan qilishdi. O'z atroflariga barcha yaqinlarini, quda-andadan tortib, toki otaning to'gasini eng kichik nevarasigacha mansab tutqazishdi. Ular pul oqib keladigan birorta sohani qo'ldan boy berishmadi. Barcha huquqlardan "huquqiy" uslubda foydalanib, mamlakatni eng yirik kapitallarini o'zlashtirishdi. Mamlakatda qarindoshlar aralashmagan birorta soha qolmadi. Hukumatning odilona siyosati sababli manapoliya kuchaydi. 30 yillab faqat ulargagina tegishli bo'lgan kompaniya xalqqa xizmat qildi yoki aksincha xalqni xizmatkor qildi. Ular ta'limni o'yinchoq qilishdi. Umuman yod bo'lgan g'oyalar bilan bir mamlakatni oson aldashdi. Ularning say-harakatlari bilan mamlakatni ta'limni rivojlantirish uchun milliardlab pullar osmonga uchib ketdi, deyolmaymiz, ba'zi qarindoshlarni cho'ntagiga kirib ketdi. Ular mamlakatda yangi xususiy maktablar, universitetlar, kollejlar qurib ta'limni rivojlantirishmoqchi bo'lganday ko'rinish bilan o'z qabihliklariga "rivojlanish" muhrini bosdilar. Sud tizimini to'liq o'zlashtirdilar. Hukumatga qarshi gapirgan har qanday shaxsni, hatto chet elda bo'lsada jazoga hukm qilishdi. Yer osti va yer usti boyliklarini mo'maygina daromad uchun pullashdi. Xalq 10 yillab mayda ijtimoiy masalalar bilan band bo'lib yuraverdi. Ular bu ishni ham juda silliq uddalashdi. Medianing ko'zga ko'ringan mashhurlari bilan har oyda shov-shuvli trendlarni amalga oshirib, hammani miyyasini band qila olishdi. Orqa fonda esa, jimgina mamlakatni yeb bitirishdi. Xalqning bo'yniga sirtmoqday million dollarlik qarzlar ilindi. Jamiyatda boylikka intilish hirsi juda kuchaydi, bu yo'lda har qanday ishga tayyor bir qatlam yuzaga keldi. Jamiyatda o'rta qatlam umuman yo'qolib ketdi va eng quyi nochorlar va yuqori elita vakillarigina qoldi. Eng quyidagilar uchun yoqilg'i masalasi kunning dolzarb mavzusiga aylantirildi. Xalq ishsiz qoldi, va bu tabiiyki ochlikni yuzaga keltirdi. Och qolgan xalq bosh ko'tara olmasligini ular yaxshi bilishardi, yokida bosh ko'tarolmasligi uchun kichik-kichik luqmalar berib turishardi. Och olomonni bir burda non bilan boshqarish osonligini tarixda juda ko'p hukmdorlar isbotlaganini ular yaxshi bilishardi. Shu zaydla ular mamlakarni barcha boyliklarini o'zlashtirishdi va uni mustaqil bir mamlakat sifatida e'tirof etishdi. Ular bugun ham o'sha o'zlari bilgan yo'ldan shaxdam yurib kelishmoqda. Yuqoridagilarning barchasi El Salvador respublikasi haqida.

© bir g'arib

@booktional

Gonduras* mamlakati MYU'ga o'xshaydi. O'tmishi jimjimador. Buguni rasvo. Kelajagi noma'lum.

#kelganda

@booktional

#sarhisob_yil

Mart

7.Muvozanat - Ulug'bek Hamdamni nodir romanlaridan biri. Inson hayotidagi kerakli muvozanatni topishi kerakligi haqida.

8. Tarixiy Muhammadiy - bu kitobga ortiqcha ta'rifning keragi yo'qdir. Siyrat haqidagi eng yaxshi kitoblardan biri. Yaxshiligi qaysi yoshda bo'lsangiz ham bemalol tushunib o'qib keta olishingizda.

9. Ramazon kundaligi - bu kitob bir kundalik. Boshqa narsa emas.

Aprel

10. Almanac of Raval Navikant - bu kitob menimcha, men uchun eng katta darslardan birini bergan kitob. Haligacha darslarimda o'sha jumlalardan foydalanaman. Bu dunyoda hech kim hayotini "skip" qilib boy bo'lmagan. Bundan tashqari juda ko'p foydali narsalar topish mumkin. Qayta-qayta o'qish mumkin bo'lgan kitob.

11. Yosh yigitga nasihatlar - yigitlar va o'smirlar bilishi shart bo'lgan narsalar haqida to'g'ri, tushunarli, muluhazali tavsiyalar va hadislardan namunalar. O'qishga arziydigan kitob.

12. Masnaviy terapiya - bu yil ruhiy olamimga yaxshigina ta'sir o'tkaza olgan kitob. Turk yozuvchisidan hayotda kerak bo'ladigan nasihatlar.

13. Kreytser sonatasi - Tolstoyning eng sara uchta hikoyasi o'rin olgan kitob. Hamon "Ivan ota" hikoyasini o'ylab yuraman. Naxotki deyman ba'zan. Juda qadrli kitob.

May

14. G'arbiy frontda o'zgarish yo'q - Remarkdan. Urushning eng qora yuzlari, oqibatlari ochib berilgan kitob.

15. Lev Tolstoy hikmatlari - bu kitob ham juda yaxshi tuzilgan. Juda ko'p iqtiboslar olish mumkin. Zeriktirmaydigan kitob.

16. The history about just everything - 7 yillik maktab darsligidan ko'ra tarixni yaxshiroq va qiziqarliroq o'rgata olgan kitob, men uchun.

17. Qarzga olingan umr - bu kitobni ham to'liq ma'nosini tushunolmaganman. Qayta o'qishni rejalab qo'ydim, balki shunda yaxshiroq tushunarman.


@booktional

#sarhisob_yil

(bu milodiy sana o'qilgan kitoblarni qay darajada eslab qolganim, va ular haqida hozir nimalar bilishimni ochiq yozishga qaror qildim. bunda xatolar qilib qo'yishim ehtimoli yuqori.)

Yanvar

1. Sivilizatsiyalar to'qnashuvi va yangi dunyo tartibi - ta'siri va olgan ma'lumotlarim hali ham menga asqotayotgan kitoblardan biri. Umuman sivilizatsiya nima, dinlarning o'zaroq bog'liqligi, dunyoning ishlash sxemasi va boshqa zarur ma'lumotlarga boy bo'lgan kitob.

2. Odam bo'lish qiyin - uncha katta ta'sirga ega bo'lmagan bir asar sifatida yodimda qoldi. Hozir ham voqealar ketma-ketligini zo'rg'a eslayman. Muhim kitobmas, bundan tashqari kuchli va kitobxonga foydali nimadir yozilmagan.

Fevral

3. Bemahal aytilgan azon - kichik hikoyalardan iborat kitob. Ishonch bilan o'qilish kerak deyman. Chunki ba'zi mubolag'ali vaziyatlar bor bu hikoyalarda.

4. Ayrilmas er - bu kitob men uchun eng qadrli sovg'alardan biri. Biroq, asarni to'liq nima demoqchi ekanligini hamon tushuna olmay sarsonman. Yoki men o'sha davr ruhiga uncha kirishib keta olmadimmi, xullas, men uchun yana bir necha bor o'qishli kitob.

5. Man's search for meaning - kitob nomidan ham tushunish mumkin aslida kitob nima haqida ekanligini. Menga eng kuchli ta'sir qilgan joyi shunda bo'ldiki, yozuvchi eng qiyin pallada ham hayotda yashab qolishni uddalagani va hayotni kelgan joyidan davom ettirib ketgani bo'lgan. Og'ir qiyinchiliklarga mardonavor turib bergani haqiqiy kuch.

6. Boqiy darbadar - yaxshi kitob. O'zbek romanchiligida hali uchramagan uslubga qo'l urilgan. Kelajak tasavvurlari va fantastikaga yaxshi sayqal berilgan asar.


@booktional

....

VATAN
Suriyalik yozuvchi va adib Muhammad Mogʻutning “Vatanimga xiyonat qilaman” degan kitobi bor. Oʻsha kitobida shunday yozadi:
“Unda uyim, yeydigan ovqatim boʻlmagan vatanni himoya qilishni men ahmoqlik deb bilaman.
Mendan keyin bolalarim qochqin boʻlib yashashi uchun oʻzimni qurbon qilishim ahmoqlikdir.
Oʻzimdan keyin xotinimni itlarga oʻlja qilib qoldirishim sharafsizlikdir.
Vatan bu oʻlim sabablari mavjud boʻlgan joy emas, aksincha tirikchilik manbalari bor boʻlgan makondir.
Bir makon yoki zaminga mansublik siyosatchilar va hukmron elita tomonidan ular yashashi yoʻlida biz oʻlishimiz uchun oʻylab topgan yolgʻondir.
Men ”vatan uchun jon berish“ degan fikrga ishonmayman. Vatan hech qachon zarar koʻrmaydi, zararni doimo biz koʻramiz.
Vatanning boshiga ish tushib urush boshlanganda uni himoya qilish uchun avvalo faqirlarni safarbar qilishadi. Urush tugaganda esa oʻljalar va mansablarni taqsimlab olish uchun masʼullarni chaqirishadi.
Vatanda urush boshlanganda haqiqiy sharafli qahramonlar doim oddiy xalq boʻladi. Oʻqlarni ular oʻz koʻksiga qabul qilib oladi. Masʼullar va xoinlar esa qorinlarini toʻldirishadi.
Vatanda urush boshlanganida oʻlishi kerak boʻlmagan insonlar yashashi kerak boʻlmagan insonlar uchun jon berishadi.
Vatan tushunchasi bu yolgʻon tushuncha. Buni oʻzlari ixtiro qilishdi, oʻzlaricha chegaralar qoʻyishdi. Biz esa ishondik!”.

Suriyadagi voqealarni boshdan oyoq, to bugungacha kuzatib Muhammad Mogʻutning gaplariga ishongim kelayapti!


#abdulqodir Samarqandiy

@booktional

Qorninglar och bo'lsa, ovqatlaninglar. Narsalar qimmat bo'lsa, ko'proq pul topinglar.
Uyinglar sovuq bo'lsa, issiq uyga ko'chinglar. (yoki metan zaprafkalarda moshinani ichida isinib turinglar)
Qish buyil kutganimizdan sovuq keldi, nima desa bo'ladi, xullas, sovuqda. Aprelgacha sabr qilinglar hammasi yaxshi bo'lib ketadi.

Xorijdagi o‘zbekistonlik hukumatni tanqid qilsa, "duxing yetsa keb gapir" deyishadi. O‘sha gapni aytadiganlar Suriyani tanqid qilyapti. Elektrsiz uyda o‘tirib, yoki metanga navbat kutib. Juda kulguli!

© Sanjar xo'ja

Nega baʼzi yoshlar tushkun kayfiyatda va nima qilish kerak?

Birinchi sabab – internet. Bugun kechagidan koʻra koʻproq imkoniyatlarga egamiz va toʻrt tomondan maʼlumot bilan qurshab olinganmiz. Yoshlar bosim ostida qolgan. Koʻplab yutuqlarga erishgan insonlarni koʻrib, yoshlarning oʻziga boʻlgan talablari haddan ziyod koʻpaygan. Oʻz-oʻzidan qoniqmaslik tuygʻusi esa odamni yeb bitiradi.

Yana bir sabab, ular oʻz yoshlariga mos boʻlmagan kitoblar oʻqishyapti. Izohlayman. Badiiy kitob inson his-tuygʻulari bilan oʻynashadi. Quvonch, tushkunlik kabi hissiyotlar badiiy kitob oʻqish orqasidan kelib chiqadi. Biroq, non-fiction (nobadiiy) kitob oʻqib, tushkunlikka tushayotgan yoshlar ham bor. Bunga sabab, yoshlar ideallar bilan yashaydi, orzu-istaklarga ega boʻlishadi, ularning dunyosi real dunyodan farq qiladi. Oʻzi kishi hayoti xayoldan realikka qadam-qoʻyib borish jarayoniga oʻxshaydi. Bolalikdan shakllangan sof tasavvur adolat, tenglik, ezgulik kabi tuygʻularni doimiy kutib yashaydi. Oddiy, Harari, Bill Brayson, Hoking yoki Mensonni oʻqigan oʻsmirning dunyo haqidagi tasavvurlari buziladi. Biroq, ayb kitoblarda emas, balki tasavvurda, oʻsmirning tasavvuri va reallik oʻzaro zid kelganida. Yoshga mos kitob oʻqish esa hayotiy tajribaga muvofiq ravishda kitob oʻqib borishdir.

Keyingi sabab – dangasalik. Hozirgi jamiyat kamharakat jamiyat. Harakatsizlik esa mahzunlik keltirib chiqaradi.

Nima qilish kerak?

Avvalo, tushkunlik sabablaridan biri bilim va tajriba oʻrtasidagi nomutanosiblik ortidan kelganligini tushunish kerak. Koʻp tajriba koʻrmagan kishi koʻp bilimga ega boʻlsa, bilim yukini koʻtarish uchun qiynalishiga toʻgʻri keladi. Buni tabiiy qiyinchilik sifatida qabul qilish lozim. Tushkunlik yoki iztirob hech qanday yomon hissiyot emas, u tabiiy, hayotning bir qismi. Baxtning ham baxtsizlikning ham oʻz vazifasi bor. Iztirobning vazifasi juda foydali natijalarga yetaklaydi. Gʻamdan foydalanishni bilish kerak. Undan yaratuvchanlik yoʻlida foydalaniladi. Iztirobdan hosil boʻladigan energiyani turli mashgʻulotga yoʻnaltirib, undan foydalanib qolish mumkin. Yozuvchilarning koʻpi tushkunlikni boshdan kechirgan va bundan toʻgʻri yoʻlda foydalana olgan. BoDjekdagi Dianeʻi zoʻr gapi bor edi, mazmuni: “Men iztiroblarim toʻgʻrisida yozishim va shu orqali kelajakda gʻam kutayotgan boshqa insonlarga hamdardlik bildirishim kerak. Men tushkunlik davrim haqida yozib, nimagadir erisha olmas ekanman, shuncha chekkan iztiroblarim behudaga boʻlib chiqadi. Bu esa – dahshat!” Siz ham tushkunlik va iztiroblar havoga sovrilishiga yoʻl qoʻymang.
Endi oʻn yetti yoshli Dostoyevskiyni gapini eshiting: “Aka, meni tushkunlik kayfiyati qamrab olgan. Bilmadim, umrim davomida bu meni hech tark etarmikin?”
Nima deb oʻylaysiz? Dostoyevskiyni tushkunlik ruhi tark etdimi? Asarlaridan koʻrish mumkinki, yoʻq, tark etmadi. U esa mana shu iztiroblardan kelib chiqqan energiya orqali butun umrini insonlarni noxush hislardan, yanglish fikrlardan ozod etishga bagʻishladi.

Diqqat! #Yechim_emas.

Boshqa ishlarga chalgʻib, fikrlardan umuman voz kechish. Masalan, uylansang, tinchib ketasan, ortiqcha oʻylar va tushkunlikka vaqt qolmaydi, deyishadi. Bu esa javob emas, javobdan qochish, suniy ravishda oʻzini fikrlashdan toʻxtatish.
Undan koʻra, fikr bosimiga chidam berishni, fikrlarni tartiblashni, ularni oʻzgartirib turishni, ularning yukini koʻtara olishni, ularga qaram boʻlmaslikni oʻrganish lozim. Kamyu suitsid absurdni yengish emas, undan qochish, degandi. Hayot oqimiga kirib ketib, fikrlardan qochib qolish ham xuddi mana shu suitsidga oʻxshab, yasama yoʻl - qoʻrqoqlikdir. Agar fikrlashni istamasangiz, albatta, shu yoʻl siz uchun. Biroq, oldinda turgan keyingi bosqichlarni ham koʻrishni istasangiz, hali oldinda koʻp yangiliklar kutib turgan boʻlishi mumkin. Irodangizga ozgina iroda qoʻshing va tushkunlikdan zavqlanib qoling)

Rahimjon Qudratov

@booktional

Bu gapni yozishga yozib qo'ydimu, keyin chuqur o'ylab qoldim...

O'zbek bozori hamma turdagi mahsulot uchun juda ochiq. Bizda bugun "intizom" darslaridan boshlab, "kelin-kuyovlik" kurslarigacha sotilyapti. Bittasi chiqib, "Qanday baxtli bo'lish kerakligini" o'rgatsa, boshqasi "maqsadlarni to'g'ri shakllantirish" to'g'risidagi motivatsion video bilan hammani o'ziga jalb qilmoqda.

To'g'ri, bularni qaysidir ma'noda bilish muhimdir, biroq kimnidir maqsalarini qolipi boshqa birisiga tushmay qolish ehtimoli yuqori.
( Hamma aqlli bo'lib ketdi va hammaning o'z "baxt formulasi" paydo bo'ldi (bu azaldan bo'lgan, biroq oldin hech kim buni pullamasdi, farq shul erur) . Bizga "mana bu haqiqiy BAXT!!! " deb, singdira boshlashdi. Biz baxtni ko'rinadigan narsa kabi qabul qila boshladik. Ushlab ko'rmagunimizgacha uni bizda borligini his qilmaydigan qilishdi bizni. Baxtli bo'lish emas, "baxtli ko'rinish", "baxtni (aslida bu baxt emasligini juda kamchilik biladi ) ko'z-ko'z qilish " norma bo'ldi . "Hashamatli hayot" - baxtning asosiy mezoni bo'lib bormoqda... )

Kimnidir intizomni shakllantirish kursi sizni "intizomli" qilib qo'ymaydi. Agarda o'zingizda o'zgarishga kuch bo'lmasa. Kimnidir hayotdagi to'g'ri yashash formulasi - sizning to'g'ri yashash formulangiz bo'lolmaydi. Toki o'zingiz formulani aqlan tushunib yetmaguningizgacha. Kimdir sizni maqsadli qilib qo'ymaydi. Kimdir sizga 3o daqiqada ingliz tilini o'rgartib qo'yolmaydi, kimdir sizni hayotga qiziqtirolmaydi, qachonki o'zingiz o'z yo'lingizni topmaguningizgacha. Va kimdir (hatto eng yaxshi tutor bo'lganda ham) sizga imtihoningizda baland ball olib berolmaydi. Bularni barchasini qiladigan o'zingiz.

(hech kim sizni kelib qutqarmaydi, o'zingizdan boshqa)

Aslida juda kam narsa yozmoqchi edim. Chunki ta'siri yo'q yozuvlardan charchaganimga ancha bo'ldi. Yozmoqchi bo'lganim "ota-onalikni o'rgatadigan" kurslar yaqinda ochilib, olomon yoppasiga kurslarni sotib ola boshlasa hayron bo'lmang, deyish edi.

(Yoki allaqachon bormi?! )

@booktional