Men qachondir mamlakatimizda bunday hodisa sodir bo'lganini eslolmayman. Katta auditoriyaga ega blogerlar qamalganda ham bo'lmagandi. Ammo, bitta farqli tomoni unda xalq jim turgandi, bunda hech kim jim turmadi. Unda muammolar shaxsnikidek ko'ringandi, aslida blogerlar ham bekorga ozodlikdan mahrum bo'lmagandiyu, mayli bu boshqa masala. Bu muammo esa butun xalqni birlashtirdi. Hamma nima topsa, shu bilan bu adolatsizlik ekanligini tushuntirishga kirishdi.

Bundan tashqari ijtimoiy tarmoqlarning haqiqiy kuchini ko'rdik bu hodisa ortida. Tarmoqlar "Cancel culture"ni boshqacha bir ko'rinishi bilan hokimiyatga ko'zgu tutdi. Hukumatning qo'pol xatosi tufayli yuzaga kelgan chellenjlar qaysidir ma'noda yordam berdi. Inson haq-huquqlari g'alaba qozondi. Fuqarolik jamiyati mana shunday quriladi, azizlar.

Bugundan "Kar bo'l, ko'r bo'l, tishla til" bo'lmaydi. Jilla qursa o'z haqlarimizda. Bugundan nohaqlik qilinsa, xalq ortiq jim bir chetda kuzatmasligini bilamiz. Davlatlarni boshliqlar emas, xalq paydo qiladi. Xalq bo'lmasa, davlat degan narsa ham bo'lmaydi. Va bugundan har birimizning haq-huquqlarimizga adolatsizlik bilan uzatilgan qo'llar parchalanishini bilamiz.

Va bu hodisalarning hech biri ortiq oddiy kichik mashmasha emas.

© To'pori

@booktional