Magical ✨

Mana biz xam qariyb yashab o’tdik,
Tomoshaga o’xshar hammasi;
Yetmish betlik yoki sakson betlik
Shekspir dramasi.

Xa, eng yaxshi spektakl - inson,
Konfliktlar - uning shaxsida.
Ba’zan o’zi ustun, ba’zida shayton
Manfaat-u vijdon bahsida.

Teatr davom etar qishin-yozin,
Unga kirish bepuldir.
Hayhot,
Chiqish uchun bilet olish lozim.
Bilet bahosi - hayot.


Asqad Muxtor.

• Kelajagim uchun boshlangʻich maktabda oʻqidim.
• Keyin: “Kelajaging uchun oʻrta maktabda ham oʻqi”, deyishdi.
• Keyin:“ Kelajaging uchun litseydayam oʻqi”, deb aytishdi.
• Keyin: “Kelajaging uchun bakalavriatda ham oʻqi”, deyishdi.
• Keyin:“ Kelajaging uchun bir yaxshi ish top”, deyishdi.
• Keyin: “Kelajaging uchun oila qur”, deyishdi.
• Keyin: “Kelajaging uchun farzandlarni koʻpaytir”, deyishdi.
• Mana, yoshim 77 ga yetganda ushbu soʻzlarni yozyapman. Men hamon oʻsha kelajakni kutib yashayapman. Endi bilsam, oʻsha kelajak buqani quvlab yetish uchun uning boshiga qoʻyilgan bir parcha qizil latta ekan.
Ammo unga yetib boʻlmas ekan. Chunki kelajakka yetib borilsa, hozirga aylanar ekan. Hozir esa oʻtmishga aylanar ekan. Soʻngra yangi kelajakka toʻqnash boʻlinar ekan.
• Haqiqiy kelajak esa Alloh taoloning sendan rozi boʻlishi, doʻzaxidan omon qolib, jannatiga kirishing ekan.

✍Alloma Shayx Ali Tantoviy rohimahulloh

“FATVOTOPARGA”

Deding: “Ogʻzingni yum, ey betgachopar,
Hijob – arablarning milliy kiyimi”.
Xoʻp, mayli, ayt unda, ey “fatvotopar”
Azon – arablarning “milliy kuyi”-mi?

Nahot nozil boʻlgan “Allohning Nuri”
“Alloh soyasi”dan sen-chun quyidir?
Balki bilmaydi biz – omilar turi,
Kaʼba – arablarning oddiy uyidir?

Sening fatvolaring koʻngil ilitmas,
Bamisoli qishning qaxratonidir.
Balki rasulimiz, rasul ham emas,
Arablarning “milliy qahramoni”dir?

Qilmoq darkor emas, balki savobni,
Balki, zino halol, bizning mazhabda?
Balki, kofir dersan, Ibn Xattobni,
Balki, gunoh yoʻqdir, Abu Lahabda?

Balki, biz tabiat mahsulidirmiz,
Yoʻq Haqdan behuda qoʻrqib yuribmiz?
Oʻzi nima qilib, adashgancha biz,
Arablardek namoz oʻqib yuribmiz?

Balki ikki hayit, Laylat-ul Qadr,
Faqat arablarning “milliy bayram”i?
Balki bizning shior, yutguncha qabr,
Kayfu-safo ayla, oʻyna, yayra-mi?

Axir sen oqilsan, “toʻgʻri yoʻl” koʻrsat,
Axir bizlarning ong, mayib-majruhdir.
Balki livotaga topursan ruxsat,
Balki, nikohlanmoq butkul makruhdir?

Shuncha adashmoqqa koʻngil zormidi,
Behuda aytibmiz, Ismi Aʼzamni.
Muqaddas deyishga balo bormidi,
Arablar ichguvchi obi Zam-Zamni?

Yomon adashibmiz, musulmon boʻlib,
Oʻshal Mahmudxoʻja Behbudiylar-cha.
Oz-moz vijdonimiz, qolmasdan oʻlib,
Kel, unda yashaylik yahudiylar-cha!

Yashaysan mushk emas, yolgʻonlar sepa,
Koʻnikdik, zaboning oʻqligigayam.
Astagʻfirullohu, buyursa “tepa”
Fatvo topgung, Alloh yoʻqligigayam.

Lek oʻlsang netarmiz, oʻy shu – kunu tun,
Bir kun tugaganda Haqning atosi.
Kafanlay olmaymiz, axir sen uchun,
Kafan ham arabning “milliy mato”si...

Muallif: Abdurahmon Meshayan

Yo'lga chiqqaningizni bildiradi.

Ingliz tilini bilish kerak.

Kerak degani, yetarli degani emas.

IELTS olib hamma ishni qotirib qo’ydim deyayotganlarni kundan-kun ko’proq uchratyapman.

Bir nima desangiz - "Meni IELTSim nechiligini bilasizmi?" deb savol berayapti.

Tabriklayman. Siz ingliz tilini bilasiz. Dunyodagi 1,5 milliard(!) odam kabi.

Siz endi butun dunyodan ma’lumot ola olasiz. Til yordam beradi.

Bu ma’lumotlarga qanchalik amal qila olasiz? Bilmadim. Bunda tilni o’zi yordam bermaydi.

Siz endi millionlab odamlar bilan gaplasha olasiz. Til yordam beradi.

Gaplashadigan saviyali mavzuingiz bo’larmikin? Hayotiy tajribangiz? Qiziqarli voqealaringiz? Bunga tilni o’zi yordam bermaydi.

Ishlarni tezroq bitira olasiz. Til yordam beradi.

Qaysi ishlarni qilishingiz kerakligini, sizga qaysilari mosligini tushunib yetarmikinsiz? Bunga tilni o’zi yordam bermaydi.

Til bilmay, yuzlab ishlarni qoyil qilayotganlar bor. Til o’rganib shundan boshqasini eplay olmayotganlar bor.

IELTS manzilga yetganingizni bildirmaydi. Yo’lga chiqqaningizni bildiradi.

Safaringiz bexatar bo’lsin azizlar!

@azizrakhimov_blog

Gilamni kaltak bilan qoqmoq gilamga ozor bermoq uchun emas, gilamni poklamoq uchundir. Alloh senga tashvish berar ekan, seni imtihon qilib tozalar, changu gʻuboringni ketkazar.
Qaygʻurma ...


Jaloliddin Rumiy

Inson hech qachon oʻz onasini unutishi mumkinmi? Tugʻilib oʻsgan yer - ona! Eng past, jirkanch inson ham, juda boʻlmaganda, qazosi oldidan onasini eslaydi. Mutafakkir buni juda toʻgʻri aytgan...

© Mirmuhsin
📚 Xoʻjand qal'asi

Ey inson!
Dunyo Allohning saroyidir. Saroydagi xizmatkor esa sensan! Bajarishing kerak boʻlgan ish - qullikdir. Qilgan ishing uchun toʻlov sifatida jannatni qozonasan!

© Imom Abu Homid Gʻazzoliy

#shaxsiy_fikr

Avtobusda onalar bolalarni o'tirgizib, o'zi tik turib ketishini ma'qullamayman.

Bolani yaxshi ko'rish - unga u istagan narsani muhayyo qilib berish emas. Balki, bolani yaxshi ko'rish - u uchun eng muhim, kerakli, foydali narsalarni o'rgatish. Shirinlik yegisi kelishi mumkin. Lekin meyorini bilsa, o'ziga foyda. Bolada to'ydim degan tushuncha yo'q, yegisi kelyapti deb harbaloni berish tog'ri emas. Balki, nima foyda va nima zararligimi anglatish kerak.

Ha va yo'q, mumkin va mumkin emas, to'g'ri va xato kabi tushunchalarni o'rgatish kerak. Tabiiyki, bola bu bola va u o'ynagisi keladi, injiqlik, xarxasha qiladi. Kattalar aytgandek, yurakka tosh bog'lab 1-2 marta yig'lashiga ham ko'nish kerak.
Shundagina bolada "yig'lasam, xarxasha qilsam, baqirsam aytganim bo'ladi" degan formula tashkil topmaydi.

Avtobusda tik turishga kelsak, bola yoshligidan kattalarga joy berishni, jamoat oldida o'zini tutishni o'rganishi kerak. 1-2 marta yiqilsa, zarari yo'q, mustaqil turishni o'rganadi, yiqilish katta fojea emasligini, yiqilsa, orqa oldinga qaramay turishi kerakligi, yiqilsa, odamlardan uyalish kerakmasligini anglaydi

Onalik - bolasini oposh-oposhlash emas, yoki qattiqqo'l bo'lish kerak ekan deb o'lguncha urish, har ishida ayblab, savalash emas. Onalik - bolani mustaqil hayot kechirishi, to'g'ri yo'lni tanlay olishi va oq-qorani farqiga borishga tayyorlash.
Hozircha shunday fikrdaman va umid qilamanki, bu fikrim hech o'zgarmaydi

*Bintu Malik

Nafsga xush yoqadigan ibodat insonga juda ham oson tuyuladi. Nafs zavqlanmaydigan ibodat oʻziga ogʻir yukdir. Misol uchun: nafl haj uchun ajratilgan pullarni miskinlarga berish nafsga juda ham ogʻir keladi. Chunki haj zohiriy ibodatdir. Sadaqani esa yashirin berish lozim. Alloh taolo rizosidan oʻzga niyat ila olingan ilm ham shundaydir. Butun kechani dars berish bilan oʻtkazish nafsga zavq berishi mumkin, lekin oʻsha kechada ikki rakat namoz oʻqishlik insonga juda ham ogʻir keladi. Chunki namoz Alloh bilan sening orangdadir, nafsning bundan foydasi yoʻqdir. Dars berishlikda nafsning nasibi bordir, shu sababli ilm bilan mashgʻul boʻlishlik nafsga xush yoqadi.

Abu Homid Gʻazzoliy

Har bir insonni yomg’ir bilan bog’liq shaxsiy va unutilmas xotirasi bor.

Balki shu sababli har yomg’ir yog’ganda jilmayib qo’yarmiz..?

Yomg’ir emas,xotiralar osmondan yog’ib hayolot dunyosini ho’l qilayotgandek.

Ayollarning eng go'zali - tili qisqa sukuti uzunidir!
Ayollarning eng latofatlisi - sabrida mahoratli, o'zgalarni baxtiyor qiluvchidur!
Ayollarning eng nodoni - yuzi go'zal ammo amali qabihidir!

@qaalbdaftari

Fikrlamaydiganga yashash oson. Fikrlaydigan esa o'zini yeb bitiradi.

©