БАЙРАМ КУНИДАГИ АРМОН

Тасбеҳ олиб, жойнамоз билан,
Гуллик рўмол - сарандоз билан.
Ширинлигу, бир ниёз билан,
Гуллар тутай десам, Онам йўқ.

Уйлар солдим, гиламлари бор,
Хизматга шай санамлари бор.
Қалбимнинг лек аламлари бор -
Сийлаб кутай десам, Онам йўқ.

Дил овунмас, тутатиб шамин,
Билдиради ҳар замон камин.
Бу дунёнинг бор дарду ғамин -
Чин унутай десам, Онам йўқ.

Оталиклар савлату, шаҳдли,
Оналиклар давлату, тахтли.
Кунларимни - шафқату бахтли -
Шеърда битай десам, Онам йўқ...

БОБУР БОБОМУРОД

9.3.2025. 07:27.

@bobur_bobomurod