Футбол+ радиошоусидан аввал, анча йиллар олдин ТВда Ёшлар каналида "Футбол плюс" кўрсатуви бўлган. Буни ҳозирги авлод вакилларининг ҳаммаси ҳам билавермаса керак. Биз ана шу кўрсатувларни томоша қилиб катта бўлганмиз.

Кўрсатувни интиқ кутар, ёзиб олар, эртасига такрори узатилганда ҳам ҳамма ишимизни ташлаб кўришга ҳаракат қилардик. Эсимда, газета-журналлар сотадиган киосклардан "программа" сотиб олганимда биринчи ишим "Футбол плюс"ни қидириб топиш ва қизил ручка билан белгилаб қўйиш эди.

Ўша вақтларда телевидениега ёриб кирган, янги эпкин олиб кирган Хайрулла Ҳамидов миллионларни ром этганди. Мавзусидан қатъи назар унинг ҳар бир чиқишини ўтказиб юбормай томоша қиладиган, унга ўхшашга интиладиган, тақлид қиладиганлар кўп эди. Лекин акага тақлид қилиб бўлмайди. Хайрулла аканинг овози ҳам, услуби ҳам уникум. Унга бироз ўхшаш мумкиндир, аммо буткул яқинлашиш иложсиз.

Бу видео мени бир муддат ўсмирлигим, ёшлигимга қайтарди. Сиз ҳам баҳра олинг. Носталгия!

@boburakmalov