Яхшилар сиз омонми?

Айтай соғинчли салом
Кўнгилда ширин калом
Айлаб ҳуш бир эҳтиром
Яхшилар сиз омонми?

Юзларида бор сеҳри
Булоқдек тошган меҳри
Тоғдан баландир қадри
Яхшилар сиз омонми?

Қишни қиш демай қишлаб
Чарчоқни билмай ишлаб
Келинг бир кўнгил ҳушлаб
Яхшилар сиз омонми?

Байтим ўқиб кулганлар
Мусофирда юрганлар
Рисқ-рўзини терганлар
Яхшилар сиз омонми?

Тилай энг эзгу тилак
Дуода толмай билак
Музлаб қолмасин юрак
Яхшилар сиз омонми ?

Оқибат ҳеч ўлмасин
Сўрашинг кеч бўлмасин
Сўнг пушаймонтўлмасин
Яхшилар сиз омонми?

Сўзланг сўзнинг нақшини
Сизланг, ёмон-яхшини
Шомуроддек баҳшини
Яхшилар сиз омонми?

Шомурод Ахмад

Каналга обуна бўлиш учун ушбу
линкни босинг 👇🏻👇🏻
https://t.me/+3DY3uc9J-j04YmNi