#тиббиётдан ташқари мавзу

✍Электр энергия ошгач энди нималар ўзгариши керак?

1. 220 волт сифатли токни тўлиқ қувватда етказиб берилишини таъминлашлари керак. Кўпинча ток 170-160, қишлоқларда помидор лампочка бўлиб ётади. Энг қизиғи шу паст қувватга ҳам ўша нархда пул тўланиши адолатсизлик. Қиммат нарса сифатли бўлиши керак.

2. Узлуксизлик. Қиммат нархда пулини аввалдан тўлаб қўйяпмизми марҳамат узлуксиз, сифатли токни етказиб бер. Сабабсиз уздингми, Электр Вазиринг тиз чўкиб халқдан твда узр сўрасин. Узоқ вақт узулиш бўлса пулимизни қайтариб компенсация тўласин.

3. Газлаштириш оширилсин. Электрни асосий кетадигани иситишга. Муаммони хал қилмай тарифларни оширдингларми газ бормаган жойларда электрни ярим нархида тўлаши керак.

4. Электр тармоқларини судга бериш механизмлари халққа тушинтирилсин. Айниқса колл центрлардаги 100 соатлик ожиданияларга жарималар тайинлансин. Мижоз нега пул тўлаб қўйиб, ёқишларини сўраш учун 3-5 соатлаб телефондаги очередини кутиш керак.

5. Аввалдан тўлаш тизимига ўтмаган жойларда "каттаконлар" "зўравонлар" қарзлари оддий ахолига бўлвориш механизмлари илдизи тубдан қирқилсин.

6. Счётчикларни текшириш имконини берувчи очиқ лабараториялар бўлсин. Балки 1 кв га беряпмиз деб 0.7 кв бераётгандирсиз. Хам устидан хам остидан ейиш бўлмасин.

7. Қиш ойларида халқни электр билан таъминлаш 100 фоиз бўлсин. Чет эллерга электр экспорт қилиш қиш ойларида буткул тўхтатилсин.

8. Эски трансформатор ва кабеллар халқ чўнтагидан янгиланиши бас қилинсин.

Халқ соғиладиган сигир эмаслиги эсдан чиқмасин. Адолат йўқолмасин.

Доктор Акрамов

@acramov 👈 обуна бўлинг