Fevral va Mart
 
Buyumlarin yig‘ib, otlanib ildam,
qalin sharflarini o‘rab bo‘yniga.
Fevral chiqib ketdi shahd bilan uydan,
biroz kutmoqlik ham sig‘may ko‘ngliga.
 
Axiyri, Mart keldi quchoq gul misol,
Eng go‘zal ko‘ylagin kiygandi atay.
Lek Fevral ketgandi…
suluv Mart esa
derazadan kulib boqdi indamay.
 
(Qiziq, ular yo‘lda uchrashmabdi ham)
 
Fevral  ketgan edi ancha olislab,
Sog’indi. Yuragi qoldi huzunda.
Taqqa to‘xtadi-yu, afsusga botdi –
Eh, Martning suvrati yo‘q edi unda...  
 
Mehrinoz Abbosova