Seni  olib  kelgan  shamollar tanish,
Ular  meni  tashlab  ketgandi badar.
Ko‘ksimda  qovjirab  bitgan umidim,
Nahot  yetib  kelding qismatga  qadar.

Hammasi  chalkashdi  tug‘ilganimda,
Bilmam kelganimdan kim ko‘proq yutdi.
Umrim  shamol  kutib o‘tib ketganday,
Nahot  bir  shamolni  men  qirq yil  kutdim?!

Hadisini   oldim  yashamoqlikni,
O‘zim boshqadirman, boshqadir loyim.
O‘zgacha  bo‘lmog‘i mumkin edi, lek
Shamollar kechikdi menmas, Xudoyim!

Shuhrat  ORIF