🏦 "Asakabank"да Касаба Уюшмалари ҳисобот-сайловларига тайёргарлик семинари ўтказилди

Ўзбекистон Касаба Уюшмалари Федерацияси тизимидаги ташкилотларда 2025 йилда бўлиб ўтадиган ҳисобот-сайловларга пухта тайёргарлик кўриш мақсадида "Asakabank" АЖда ўқув семинар ташкил этилди.

Мазкур семинар банк ходимларининг касаба уюшмалари фаолиятидаги иштироқини янада фаоллаштириш, уларнинг меҳнат ҳуқуқларини ҳимоя қилиш борасидаги билим ва малакаларини оширишга қаратилди. Унда тегишли мутахассислар томонидан ҳисобот-сайлов жараёнларининг моҳияти, ҳуқуқий асослари ва амалий жиҳатлари ҳақида батафсил тушунтиришлар берилди.

Семинарда қатнашган иштирокчилар ўзларини қизиқтирган саволларга жавоб олдилар ҳамда касаба уюшмаларининг самарали фаолият юритиши учун зарур бўлган тажриба ва билимларга эга бўлдилар.

🏦"Asakabank" касаба уюшмалари тизимини такомиллаштириш ва ходимлар манфаатларини ҳимоя қилиш йўналишида доимий равишда ишлашни давом эттиради.