#Расулуллоҳ_мўъжизалари
Расулуллоҳ соллаллоҳу алайҳи ва салламга ёлғон тўқигани учун Аллоҳ ҳалок қилди

Саид ибн Жубайрдан ривоят қилинади:
«Бир киши Ансор қишлоқларидан бирига келиб, Расулуллоҳ соллаллоҳу алайҳи ва саллам мени сизларга жўнатди ва мени фалончига уйлантириб қўйишларингни буюрди”, деди. Қишлоқ аҳлидан бир киши туриб: “Бу одам биз Расулуллоҳ соллаллоҳу алайҳи ва салламдан ҳали билмаган нарсани келтирди. Унинг ҳурматини жойига қўйиб туринглар, мен бу ҳақда суриштириб келай”, деди. Кейин Расулуллоҳ соллаллоҳу алайҳи ва салламнинг олдиларига келиб, бу хабарни етказди. Расулуллоҳ соллаллоҳу алайҳи ва саллам Али ва Зубайрни розияллоҳу анҳумо жўнатиб, дедилар: “Боринглар, уни ушласангиз, ўлдиринг!»
Саид айтади:
Али ва Зубайр келганида уни илон чақиб ўлдирган ҳолида топдик. Улар Расулуллоҳ соллаллоҳу алайҳи ва салламга бориб, воқеани айтишди. Расулуллоҳ соллаллоҳу алайҳи ва саллам: “Ким мен айтмаган нарсани Расулуллоҳ айтди, деб менга гап тўқиса, жойини жаҳаннамдан ҳозирлайверсин”, дедилар.

✍️Имом Фахриддин ар-Розий ислом билим юрти матбуот хизмати.

🌐@arroziyuz |📲 Обуна бўлинг ва яқинларингизга улашинг🗣

📝Telegram •🎞 YouTube •📝 Facebook •💻 Instagram