Arroziy.uz

Eng yaxshi ummat

Amr ibn Shuʼaybdan, u otasidan, u bobosidan rivoyat qiladi: “Rasululloh sollallohu alayhi va sallam: “Sizningcha, kimning imoni yaxshi?” deb soʻradilar.
– (Sahobalar:) “Farishtalarniki”, – deyishdi.
– “Ular osmonda, sizlar koʻrmagan narsalarni koʻrishadi, shunday boʻlgach nega imon keltirmasinlar?” – dedilar.
– “Nabiylarniki”, – deyishdi.
– “Ularga vahiy tushib turib ham imonga kelmasalar, qanday boʻladi? ” – dedilar.
– “Bizniki”, – deyishdi.
Rasululloh sollallohu alayhi va sallam:
“Men oralaringizda turib ham imon keltirmasalaringiz, qanday boʻladi?” dedilar-da, oʻzlari javob qildilar: “Men uchun xaloyiqning ichida imoni yaxshisi sizlardan keyin keladigan va sahifalarda kitobni (Qurʼonni) koʻrib, undagilarga imon keltiradigan qavmlardir”, dedilar”

✍️bilim yurti matbuot xizmati

🌐@arroziyuz |📲 Obuna bo'ling va yaqinlaringizga ulashing🗣

📝Telegram •🎞 YouTube •📝 Facebook •💻 Instagram

BIR KUN OCH, BIR KUN TOʻQ

Alloh taolo oʻz paygʻambari Muhammad sollallohu alayhi vasallamga katta boylik va ehtiyoj miqdori bilan kifoyalanish orasida ixtiyor berdi. Nabiy sollallohu alayhi vasallam toʻqlik bilan birga ochlikni ham tanladilar va: “Allohim, Muhammad oilasining rizqini yetarli qilgin”, – dedilar. Rabbilariga xitob qilib bunday deganlar: “Bir kun och qolib, Senga duo qilay, bir kun toʻq boʻlib, Senga shukr qilay”.

✍️bilim yurti matbuot xizmati

🌐@arroziyuz |📲 Obuna bo'ling va yaqinlaringizga ulashing🗣

📝Telegram •🎞 YouTube •📝 Facebook •💻 Instagram

“MEN UCHUN OʻRGANIB KEL!”

Nabiy sollallohu alayhi vasallam Madinaga oʻrnashgach, Bani Najjor urugʻi Zayd ibn Sobitni u zotning huzurlariga olib keldi. Oʻshanda Zayd roziyallohu anhuning yoshi oʻn birda edi. Ular:
– Ey Allohning rasuli! Bu bola sizni xursand qiladigan darajada Qurʼon yodlagan, – deyishdi.
Rasululloh sollallohu alayhi vasallam unga: “Oʻqi”, dedilar. Zayd Qof surasini oʻqib berdi. Rasululloh sollallohu alayhi vasallam uning zehnidan hayratlandilar. Unda zakiylik, nurli aql borligini ilgʻadilar va dedilar:
– Ey Zayd! Men uchun yahudiylar yozuvini oʻrganib kel. Men maktubimni yahudiylarga yozdirishga ishonmayman.
Oʻn besh kun ichida Zayd ibroniychani oʻrganib oldi. U endi Rasululloh sollallohu alayhi vasallam yahudiylarga maktub yubormoqchi boʻlsalar, yozib, u zotga yahudiylar maktub yozsa, ularning maktubini oʻqib berar edi.

Bu sayyorada biz yolgʻiz emasmiz. Bunda boshqa xalqlar, millatlar va madaniyatlar bor. Boshqa tillar bor. Oʻsha madaniyatni, oʻsha millatlar va ularning tillarini oʻrganish albatta lozimdir. Ammo bu ishni maʼrifat uchun qilish boshqa, faxr uchun qilish boshqa.

Bugun ingliz tili ilm tilidir. Talabalarimiz bugun shu til orqali ilmiy ixtisoslariga ega boʻlishmoqda.

Bu mutaxassisliklarni oʻrganish albatta vojib. Chunki vojibga olib boradigan narsa ham vojib.

Arab arab bilan gaplashganida farangcha yoki inglizcha soʻzlarni faxrlanib qoʻshib gapirishi ilmdan koʻra koʻproq noturgʻunlik va madaniy jihatdan tanazzulga yuz burishdir. Barchaning oʻziga yarasha qobiliyati bor. Qobiliyatsiz inson yoʻq. Bu bahslashilmaydigan mavzu. Baʼzi oʻquvchilarda til oʻrganish qobiliyati yuqori boʻladi, ammo matematikani yaxshi tushunmaydi. Baʼzi oʻquvchilar esa fizika va kimyodagi tenglamalarni osonlik bilan yechadi, ammo toʻrt qator narsani yod olishi qiyin. Baʼzilarga esa oʻn bet narsani yodlash geometrik masalalarni yechishdan osonroqdir.

Oilada ham, maktabda ham bolaning qobiliyatini aniqlab olish lozim. Soʻng oʻsha tomonga qarab yoʻnaltirish kerak. Nabiy alayhissalom Zayd ibn Sobitning til oʻrganishdagi qobiliyatini koʻra oldilar. Unga yoʻnalish berdilar. Natijada, juda qisqa muddatda ibroniy tili va yozuvini oʻrganib oldi. Bu mislsiz natija edi. Hali vaqtning qisqaligi maʼnosida hech kim bu natijani yangilagani yoʻq.

Ibn Kasir rohimahulloh oʻzining “Al-bidoya van-nihoya” asarida yozadi: “Zayd ibn Sobit roziyallohu anhu nihoyatda zakiy bola edi. Yahudiylarning tilini oʻn besh kunda oʻrgandi. Fors tilini Kisroning elchisidan oʻn sakkiz kunda oʻrgandi. Habash tilini, rumiylar va qibtiylar tilini Rasululloh sollallohu alayhi vasallamning xodimlaridan oʻrganib oldi”.

Tushunaman, shifokor odam farzandining ham shifokor boʻlishini istaydi. Ammo ular farzandlarini oʻz ragʻbatlariga boʻysundirishi, ularning istagini hisobga olmasligi zulmdir. Agar uni oʻzi mayl qilgan sohaga yoʻnaltirilganida mingta shifokordan ham oʻzib ketadigan daho boʻlishi ehtimoli bor edi.

Tasavvur qiling, agar imom Buxoriy rohimahulloh tabiblikka majburlanganida ummat qanaqa muhaddisdan mahrum boʻlar edi?!

Ibn Sino muhaddislikka majbur qilinsa, ummat qanaqa tabibdan mahrum boʻlar edi?!

Shoir Mutanabbiyni tikuvchilikka majbur qilishganida ummat qanaqa shoirdan mahrum boʻlar edi?! Va hokazo...
Bolalarga qobiliyati bor narsani oʻrgating!

✍️bilim yurti matbuot xizmati

🌐@arroziyuz |📲 Obuna bo'ling va yaqinlaringizga ulashing🗣

📝Telegram •🎞 YouTube •📝 Facebook •💻 Instagram

“Albatta,.. soʻralasizlar”

Rasuli akram alayhissalom uylarida ochlikdan qiynalganlarida, qorinlarini “aldash” uchun biror yegulik qidirib chiqdilar. U zotni qiynagan sabab Abu Bakr bilan Umar roziyallohu anhumoni ham qiynab, ularni ham tashqariga chiqishga majbur qilgan edi. Soʻngra oʻzlariga busr (gʻoʻra holidagi) xurmo keltirgan Ansoriy kishining uyiga borishdi. U mehmonlar uchun qoʻy soʻydi. Taomni yeb boʻlishgandan keyin Nabiy sollallohu alayhi vasallam: “Albatta, bu neʼmatlardan qiyomat kuni soʻralasizlar”, – dedilar.

✍️bilim yurti matbuot xizmati

🌐@arroziyuz |📲 Obuna bo'ling va yaqinlaringizga ulashing🗣

📝Telegram •🎞 YouTube •📝 Facebook •💻 Instagram

GʻULUV – DINDA HADDAN OSHISHNING ZARARLARIDAN

“Nazratun-naʼiym fii makorimi axloqin-nabiyyil kariym” nomli ensiklopediyani yozgan ulamolar guruhi dinda gʻuluvga ketishning zararlaridan, jumladan, quyidagilarni keltirganlar:

1. Gʻuluv Allohdan uzoqlashtiruvchi narsadir.

2. Gʻuluv doʻzaxni vojib qiluvchi narsadir.

3. Gʻuluv amaldan kesilish va unda bardavom boʻlmaslikka sababdir.

4. Gʻuluv aqli zaiflikning dalilidir.

5. Gʻuluv shaytonning hukmiga tobe boʻlish eshigidir.

6. Gʻuluv johillikning dalilidir.

7. Gʻuluv fahmi ozlikning dalilidir.

8. Gʻuluv vasvasani keltirib chiqaruvchi omildir.

9. Gʻuluv yurakni siquvchi omildir.

10. Gʻuluv davomli xafachilikdir.

✍️bilim yurti matbuot xizmati

🌐@arroziyuz |📲 Obuna bo'ling va yaqinlaringizga ulashing🗣

📝Telegram •🎞 YouTube •📝 Facebook •💻 Instagram

Birodaringga boʻyinsun, garchi u senga boʻyinsunmagan boʻlsa ham. Doʻstlik rishtalarini bogʻla, garchi u senga jafo qilgan boʻlsa ham.

Izoh. Birodarlik – ogʻa-inilikdir. Aka-ukalardan biri shafqatsiz boʻlsa, boshqasi rahmdil boʻlsin. Birining qahri qattiq boʻlsa, boshqasi kechirimli boʻlsin. Osmondan nurlar yogʻilib, yerning bir tekisda aylanib turishi, bogʻchalarimizda chechaklar yuz ochib, kecha-yu kunduzimizdan xush boʻylar taralishi ayni muvozanatning saqlanib turgani uchundir, balki. Aks holda, hikmatlarda aytilganidek: “Dunyo boshidan oxirigacha yirtilib, bittagina ipiga osilab qolgan kiyimga oʻxshaydi. Oxirgi ipning ham uzilishiga oz qoldi”. Bu ip qachon uziladi, qachonki birodarlar bir-biriga shafqatsiz boʻlsa, biridan oʻtganini boshqasi kechira olmaydigan holga kelsa, hamma bir-biriga dushmanga aylansa, ana oʻsha paytda Qiyomatni kutavering...

✍️bilim yurti matbuot xizmati

🌐@arroziyuz |📲 Obuna bo'ling va yaqinlaringizga ulashing🗣

📝Telegram •🎞 YouTube •📝 Facebook •💻 Instagram