Arroziy.uz

#қисқа_савол_жавоблар

ҚУРЪОНИ КАРИМ МУСҲАФИНИ СОТИШ ЖОИЗМИ?

CАВОЛ: Қуръони каримда “Менинг оятларимни арзимас матоҳга алмаштирманглар…” қабилида оят бор. Шу оятга амал қиладиган бўлсак, муқаддас Қуръони карим китобини сотиш жоизми?

ЖАВОБ: Бисмиллаҳир роҳманир роҳим. Ҳанафий мазҳабимиз ҳамда моликий, шофеий мазҳаби олимларининг якдил фатволарига кўра, Қуръони карим мусҳафини сотиш жоиздир. Чунки сотиладиган нарса қоғоз, сиёҳ, жилд ва шу кабилардан иборатдир. Аллоҳ таоло Қуръони каримнинг Бақара сурасида: “Аллоҳ савдо-сотиқни ҳалол қилди”, деган (275-оят).

Саволда зикр қилинган Аллоҳ таолонинг: “Оятларимни озгина баҳога сотмангиз ва Мендангина қўрқингиз!” (Бақара сураси, 41-оят) мазмунидаги ояти каримаси Бану Исроил қавмига хитобан нозил қилинган бўлиб, улар ўзларининг муқаддас китоблари “Таврот”нинг айрим оятларини пул эвазига ўзгартиришган эдилар. Валлоҳу аълам.

Манба: Ўзбекистон мусулмонлари идораси Фатво ҳайъати

✍️Имом Фахриддин ар-Розий ислом билим юрти матбуот хизмати.

🌐@arroziyuz |📲 Обуна бўлинг ва яқинларингизга улашинг🗣

📝Telegram •🎞 YouTube •📝 Facebook •💻 Instagram

#Ибрат_рукнида

ИБРАТ РУКНИДА

Султон Абдулҳамидхоннинг бойлиги.

Ҳар сафар пойабзали йиртилганда султон Абдулҳамидхоннинг ўзи қайтадан тикиб, таъмирлаб олар эди. Сарой хизматчилари ундан "Нега янги пойабзал сотиб олмайсиз, мамлакатнинг бойлиги ўз қўлингизда-ку?” - деб сўрашганида, султон: "Хазинадаги бойлик меники эмас, халқники! Мен мусулмонларни ҳақини ўз эҳтиёжим учун сарфлай олмайман, ахир мен бу ерга уларни беҳуда сочиш учун эмас, уни муҳофаза қилиш учун келганман!" - дер эди.

Шу сабабдан у ўз касби бўлмиш дурадгорлик билан шуғулланиб, ёғочдан ҳар хил буюмлар ясар, хизматчилар эса, буюмларни бозорда сотиб келишар, бундан тушган пулни ўзининг ва оиласининг эҳтиёжи учун сарфларди.

Султон Абдулҳамидхонни тахтдан ағдаришгач, талончилар унинг саройига ишонч билан, катта бойлик умидида "Ҳойнаҳой султон чексиз бойликни яширган бўлса керак" - деган ҳаёлда киришади. Талончилар бирор тешик туйнукни ҳам қолдирмасдан, ҳаммаёқни тинтув қилиб чиқишгач, у ердан бор йўғи таҳорат қилиш учун сув тўлдирилган обдаста, сочиқ ва жойнамоздан бўлак ҳеч нарса топа олмай, ноумид ҳолда қайтиб чиқиб кетадилар.

✍️Имом Фахриддин ар-Розий ислом билим юрти матбуот хизмати.

🌐@arroziyuz |📲 Обуна бўлинг ва яқинларингизга улашинг🗣

📝Telegram •🎞 YouTube •📝 Facebook •💻 Instagram

ҚАНДАЙ ҚИЛИБ...

#Албатта_ўқинг

Савол: Қандай қилиб Жаннатда уйингиз бўлиши мумкин?
Жавоб: Ихлос сурасини 10 марта ўқинг.

Савол: Қандай қилиб Жаннатда хазинангиз бўлиши мумкин?
Жавоб: “Лаа ҳавла ва лаа қуввата илла биллаҳ” ни айтинг.

Савол: Қандай қилиб сизга Жаннатда хурмо дарахти экилиши мумкин?
Жавоб: “Субҳаналлоҳил Азим ва биҳамдиҳ” деб айтинг.

Савол: Қандай қилиб ҳар бир калима учун сизга Жаннатда дарахт бўлиши мумкин?
Жавоб: “Субҳаналлоҳи валҳамдулиллаҳи ва лаа илаҳа иллаллоҳу валлоҳу Акбар”ни айтинг.

Савол: Қандай қилиб гуноҳингиз денгиз кўпигича бўлсада мағфират қилинади?
Жавоб: “Субҳаналлоҳи вабиҳамдиҳи”ни 100 бор айтинг. (ва гуноҳларга қайтманг)

Савол: Қандай қилиб Аллоҳ таоло ғам-қайғуларингизга кифоя қилиши мумкин?
Жавоб: “Ҳасбияллоҳу лаа илаҳа илла ҳува Алaйҳи таваккалту ва ҳува Роббул АршилАзим” ни 7 марта айтинг.

Савол: Аллоҳ сиздан қандай рози бўлиши мумкин?
Жавоб: “Розийту биллаҳи Роббан Ва бил Ислами дийнан Ва би-Муҳаммадин соллоллоҳу алайҳи васаллама набиййан ва росулан” деб 3 марта айтинг.

Савол: Аллоҳ қандай қилиб гуноҳингизни мағфират этишимумкин?
Жавоб: “Астағфируллоҳал Азималлази лаа илаҳа илла ҳувал Ҳаййул Қойюм ва атубуилайҳ”ни 3 марта айтинг.

Савол: Қандай қилиб 1000 яхшиликка эришиб, сиздан 1000 ёмонлик ўчирилиши мумкин?
Жавоб: “Субҳаналлоҳ”ни 100марта айтинг.

Савол: Қандай қилиб Роҳманнинг арши мисолидек ҳасанотга эришиш мумкин?
Жавоб: “Субҳаналлоҳи ва биҳамдиҳи ва зината аршиҳи” деб айтинг.

Савол: Қандай қилиб махлуқотлар ададича, арш оғирлигича, Аллоҳнинг ризоси ва У Зотнинг сўзларининг сиёҳи мисолича ажрга эришиш мумкин?
Жавоб: “Субҳаналлоҳи вабиҳамдиҳ адада холқиҳи ва ризо нафсиҳи ва зината аршиҳи ва мидада калиматиҳи” ни 3 марта айтинг.

Савол: Қандай қилиб ҳар бир муслим ва муслима, мўмин ва мўмина учун яхшилик қила олишингиз мумкин?
Жавоб: “Аллоҳуммағфир лий валил муслимина вал муслимат вал муъминина вал муъминат ал-аҳяу минҳум мамат” ни ўқинг.

Савол: Қандай қилиб Қуръони каримни тўлиқ қироат қилганнинг ажрин олиш мумкин?
Жавоб: Яна Ихлос сурасини 3 марта ўқинг.

Савол: Қандай қилиб шу амалларни ҳаммасини бир неча баробари савобига эришиш мукин.
Жавоб: Шу рисолани қўлингиздан келганча тарқатинг. Ҳар бир ўқиб амал қилганнинг савоби сизга келиб туради.

✍️Имом Фахриддин ар-Розий ислом билим юрти матбуот хизмати.

🌐@arroziyuz |📲 Обуна бўлинг ва яқинларингизга улашинг🗣

📝Telegram •🎞 YouTube •📝 Facebook •💻 Instagram

#сабоқ

Мен узоқ йиллардан бери ўзим ушлаб риоясини қилиб келаётган Раслуллоҳ соллаллоҳу алайҳи васалламдан келтирилган ҳадисга диққат эътиборингизни қаратмоқчиман.

Мен бу ҳадисни навқирон ёшлик давримдан бери ҳаётим учун дастур ва асос қилиб олганман. Мен ушбу ҳадисни кўрганимдан буён уни ҳаётим учун дастур ва асос қилиб олишни Аллоҳ азза ва жаллага ваъда берганман. Бунинг ортидан жуда кўп буюк натижаларни кўрдим.
Балки Расулуллоҳ соллаллоҳу алайҳи васаллам айтиб ваъда қилган сўзларининг тасдиғини кўрдим. Сизлардан ҳам ким буни ўз ҳаётида дастур қилиб олишни ҳоҳласа қилсин. Шубҳа йўқки мен кўрган нарсани у ҳам кўради. Кимки шубҳа қилмоқчи бўлса у ҳам хоҳлаганини қилсин.

“Кимнинг ташвиши дунё бўлса Аллоҳ таоло унинг бутунлигини турли томонга сочиб тарқатиб юборади. Фақирлигини икки кўзининг олдида пайдо қилиб қўяди ва унга битилган дунё етмайди.
Кимнинг ташвиши охират бўлса, унда тўпланганни бир жойга йиғиб қўяди. Қалбига беҳожатликни солиб қўяди. У хоҳламасада дунё унга келади”.

Бу ҳадис турли йўллар билан ривоят қилинган эй дўстим.
Бу Зайд ибн Собит, Абдуллоҳ ибн Умар, Абдуллоҳ ибн Масьудлардан ривоят қилинган ҳадисдир.
Бу ҳадисни имом Аҳмад, Ибн Можжа, ва Хоким ўзининг "Мустадрак" китобида ҳар-ҳил лафзлар билан ривоят қилганлар. Лекин маъно битта, Расулуллоҳ соллаллоҳу алайҳи васаллам бундай деганлар;
"Кимнинг ташвиши дунё бўлса Аллоҳ таоло унинг бутунлигини турли томонга сочиб тарқатиб юборади".
Яна бир ривоятда;
"Аллоҳ унинг чорбоғини тарқатиб юборади, ва фақирлигини икки кўзининг олдида пайдо қилиб қўяди.
Унга фақат ўзигагина ёзилган дунёни насибаси келади. “Кимнинг ташвиши охират бўлса унда тўпланганни бир жойга йиғиб қўяди".
Яна бир ривоятда;
"Аллоҳ унга дунё ва охират ташвишида етарли кифоя қилади ва қалбига беҳожатликни солиб қўяди. У ҳоҳламасада дунё унга келади".

Имом Мухаммад Саид Рамазон Бутий.

✍️Имом Фахриддин ар-Розий ислом билим юрти матбуот хизмати.

🌐@arroziyuz |📲 Обуна бўлинг ва яқинларингизга улашинг🗣

📝Telegram •🎞 YouTube •📝 Facebook •💻 Instagram

#ҳадис

Абу Ҳурайра розияллоҳу анҳудан ривоят қилинади:
«Пайғамбар соллаллоҳу алайҳи васаллам:
«Кишиниинг жамоат ила ўқиган намози унинг уйидаги ва бозоридаги намозидан йигирма беш баробар кўп бўлади. Бундоқ бўлишининг сабаби, қачон у яхшилаб таҳорат қилса, сўнгра масжидга чиқса.
Уни масжидга намоздан бошқа нарса чиқармаган бўлса, босган ҳар бир қадимида, албатта, бир даража кўтарилиб, бир гуноҳ ўчирилади.
Бас, қачон намоз ўқиса, мадомики намозгоҳида турар экан, агар таҳорати кетмаган бўлса, фаришталар унга саловот айтиб туради.
«Эй, бор Худоё, унга саловот юборгин. Эй, бор Худоё, унга раҳм қилгин», дейдилар.
Сизлардан бирингиз мадомики намозга интизор бўлар экан намозда турган ҳисобаланади», дедилар».

Бешовлари ривоят қилган.

✍️Имом Фахриддин ар-Розий ислом билим юрти матбуот хизмати.

🌐@arroziyuz |📲 Обуна бўлинг ва яқинларингизга улашинг🗣

📝Telegram •🎞 YouTube •📝 Facebook •💻 Instagram

Мен сенга турмушга чиқмайман, чунки мен ўқиган нарсалар бўйича сен мусулмон эмассан!

Бир мусулмон йигит ғарблик бир қизни яхши кўриб қолади. Отасидан унга уйланиш учун рухсат сўрайди. Отаси унга қиёмат қоим қилади ва унга уйланса ундан кечишини айтиб қўрқитади. У бир неча ойдан кейин масалага яна қайтади ва «Эй отажон! Агар у қиз Исломга кирса рухсат берасизми?» деб сўрайди.
Отадан ижобий жавоб келади. Йигит хурсандчиликдан ҳушини йўқотаёзади ва зудлик билан Исломга оид инглизча китобларни сотиб олади. Қизга у китоблар билан танишиб чиқишни таклиф қилади. Мақсади қиз Исломга кирсаю, отасига хабар бериб у билан турмуш қурса.
Қиз жуда заковатли қиз эди. Ҳеч қандай ташқи таъсирларсиз Ислом билан чуқур танишиш учун тўрт ой муҳлат сўрайди. Йигит учун тўрт ой тўрт йилдек чўзилади. Муддат ўтиб бўлгандан кейин у қиз билан боғланади. У қизнинг жавобини эшитиб ўзини йўқотади.
Чунки қиз Исломга кирганини айтади. У мақсадга етганидан масрур эди. Лекин қизнинг кейинги сўзлари умуман бошқача бўлди.
Кутилмаганда у «Лекин мен сенга турмушга чиқмайман. Чунки мен ўқиган нарсалар бўйича сен мусулмон эмассан!!» дейди…

Аллоҳга қасам. Мен бугун аксар мусулмонларнинг ҳоли шундай, десам муболаға қилмаган бўламан. Отаси мусулмон, онаси мусулмон. Намоз ўқийди, ҳажга боради. Лекин уларнинг хулқлари, хонадони, қилаётган ишлари, даромади, сарфи,бозорлари, орзулари, ўйин-кулгуси, принцип ва қадриятлари мусулмонга хос эмас…
Ислом гўзал ахлоқдир...
Ислом ҳалолликдир...
Ислом омонатдорликдир...
Ислом ростликдур...
Ислом илмдир...
Ислом покликдир...
хайрихоҳликдир...
Ислом ширин сўздир...
Ислом исломдир…

Шайх Муҳаммад Ротиб Нобулсий

✍️Имом Фахриддин ар-Розий ислом билим юрти матбуот хизмати.

🌐@arroziyuz |📲 Обуна бўлинг ва яқинларингизга улашинг🗣

📝Telegram •🎞 YouTube •📝 Facebook •💻 Instagram