Adliya vazirligi yaxshi tashabbus boshlagani haqida eshitib qoldim. Respublikamizdagi barcha davlat xizmatlari markazlarida kitob ulashish tadbiri – “Ziyo ulash” nomli aksiya oʻtkazilmoqda ekan. Bugun men ham shu aksiyada ishtirok etib, oʻzim oʻqigan kitoblarimdan hamma foydalanishi uchun ulashib keldim.

Agar sizning ham uyingizda oʻzingiz oʻqib boʻlgan va boshqalarga manfaati tegishi mumkin boʻlgan kitoblar boʻlsa, istalgan davlat xizmatlari markaziga olib borib topshiring. U yerda mavjud kitoblardan xohlaganingizni olib, mutolaa uchun olib ketishingiz mumkin.

Yaxshi tarafi, aksiyada muddat yoʻq. Uning davomli boʻlishi esa siz-u bizga bogʻliq. Kitob ulashishdan toʻxtamaylik.