ZIYO IZLAB | Расмий Канал

МУҲТОЖЛАРНИ КИЙДИРГАН КИШИГА АЛЛОҲ ҚАНДАЙ МУКОФОТ БЕРАДИ?

Ибн Аббос розияллоҳу анҳу шундай ривоят қилади: Ёнимга бир тиланчи келиб савол берди:
- Аллоҳдан бошқа илоҳ йўқлигига ва Муҳаммад соллаллоҳу алайҳи васаллам Унинг элчиси эканлигига гувоҳлик берасанми?
- Ҳа! - дедим.
- Рўза тутасанми?
- Ҳа!
Шундан кейин Ибн Аббос: "Сен сўрадинг. Сўраганнинг бир ҳаққи бордир. Бизнинг ҳам сўраганга бериш зиммамиздаги вазифадир", дейди ва унга бир либос ҳадя қилади. Сўнг шундай қўшимча қилади: "Расулуллоҳ соллаллоҳу алайҳи васалламнинг шундай деганларини эшитган эдим: "Бир мусулмонга либос кийдирган ҳар бир мусулмон, албатта, Аллоҳнинг паноҳидадир. То у кийдирганидан бир бўлак мато ҳам унинг эгнида бўлгунга қадар" (Термизий ривояти).

️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️️♻️ Улашинг
https://t.me/ziyoizlab_uz

Telegram  / Yootube  /  TikTok   /  Instagram

#дуо
Набавий дуо

Абдуллоҳ ибн Умар розияллоҳу анҳумодан ривоят қилинади: «Пайғамбаримиз алайҳиссалом ифторликда:

ذَهَبَ الظَّمَأُ وابْتَلَّتِ العُرُوقُ وَ ثَبَتَ الْأَجْرُ إِنْ شَاءَ اللهُ

“Заҳабаз зама‘у вабталлатил уруқу ва сабатал ажру, иншааллоҳ”, (Маъноси: “Чанқоқ кетди, томирлар намланди, иншоаллоҳ, савоб ҳосил бўлди”) деб дуо қилганлар.

Имом Абу Довуд ва Имом Насоий ривояти.

️♻️ Улашинг
https://t.me/ziyoizlab_uz

ҚАБРИСТОНДА ТАОМ ПИШИРИБ ЕЙИШ ЖОИЗМИ?
#жаноза

❓430-CАВОЛ: Қабристонда таом пишириб ейиш мумкинми? Бизда маҳалла йиғилиб эрта баҳор ҳашар қилиб, жонлиқ сўйиб таом пишириб ейилади. Шу жоизми?

💬 ЖАВОБ: Бисмиллаҳир Роҳманир Роҳим. Қабристонга борган киши ўша жойда ётганларнинг ҳолидан ва ўзи ҳам бир кун келиб уларнинг қаторига қўшилишидан ибратланиши лозимдир. Уларнинг ҳақларига дуои хайрлар қилиши, истиғфор айтиши мақсадга мувофиқдир. Қабристон еб-ичадиган, ўйин- кулги қиладиган, жой эмас. Ҳатто у ерда баланд овозда гапиришдан ҳам қайтарилган. Аммо фавқулодда, қабристонда бирор нарса ейиш ёки ичиш зарурати туғилса, бу жоиздир. Аммо одамлар тўпланиб, жамоа бўлиб, зиёфат уюштиришлар мумкин эмас. Бурайда разияллоҳу анҳудан ривоят қилинган ҳадисда Пайғамбаримиз алайҳиссалом:

إني كنتُ نَهيتكم عن زيارة القبور، فزوروها؛ فإنها تُذكِّركم الآخرة وفي رواية: ولا تَقولوا هُجْرًا

яъни: “Албатта мен сизларни қабрларни зиёрат қилишдан қайтарган эдим. Энди зиёрат қилаверинглар. Зеро у сизларга охиратни эслатади!”. Яна бир ривоятда: "Ботил гап гапирманглар!” – деганлар. (Имом Муслим ва Имом Термизий ривоятлари).

Муҳаммад ал-Ходимий ал-Ҳанафий “Бариқатул Маҳмудия” китобида айтадилар:

ويكره الأكل عند المقابر والضحك أيضاً عندها، لأن مثل هذا محل اعتبار وتذكر الآخرة والأكل والضحك منافٍ لهما.

яъни: “Қабрлар олдида еб-ичиш макруҳ ҳисобланади. Шунингдек кулиш ҳам макруҳ. Чунки бу каби жойлар ибратланиш, охиратни эслаш ўрнидир. (Қабристонда) ейиш ва кулиш эса охиратни эслашга зид келади”. Валлоҳу аълам.

Ўзбекистон мусулмонлари идораси
Фатво ҳайъати.

️♻️ Улашинг
https://t.me/ziyoizlab_uz

#ramazon_keça_rahmat_mağfirat

🌙 ОХИРГИ ЎН КУНЛИКДА ҚАЙСИ АМАЛЛАРНИ КЎПРОҚ ҚИЛИШ КЕРАК?

Ассалому алайкум ва раҳматуллоҳи ва баракатуҳу азизлар. Кўпчилик "Қори ака, охирги ўн кунликда қайси амални кўп қилайлик?", деб сўраяпти. Кўпчиликка манфаатли бўлиши учун бу саволга жавобни мақола тарзда ёзишга қарор қилдим.
Аслида Рамазон ойининг охирги ўн кунида мана бу ибодат қилинади, деган махсус ибодат йўқ. Лекин имкон қадар динимиз кўрсатмасининг умумий мақсадларидан келиб чиқиб қуйидагиларни қилишга уриниш ва ҳаракат қилиш мўмин учун фойдадан холи бўлмайди:
Бу кунларда имкон қадар кундузи бироз бўлсада қайлул қилиб, тунги ибодатга куч йиғиш керак ва охирги ўн кунни саҳарликка қадар тоат, ибодат, тиловат, дуо ва зикрлар билан бедор ўтказиш керак.

Пайғамбаримиз соллаллоҳу алайҳи васаллам Оиша онамиз қадр кечасини топсанг мана бу дуони айт, деб: "Аллоҳумма иннака афуввун туҳиббул афва фаъфу анна" яъни "Аллоҳим Сен афв қилувчи зотсан, авф қилишни севасан, мени афв қил", деган дуосини ўргатганлар.
Нега шунча дуо турганда айнан авф ҳақидаги бир қаторлик дуони айтишни Пайғамбаримиз соллаллоҳу алайҳи васаллам Оиша онамизга таълим бериб, бошқа дуоларни ўргатмадилар, деб кўп ўйларди. Кейин билсам, афв сўзининг жуда кўп маъноси бор экан.
Афв гуноҳлар кечирилиши, бадандаги касалликлар ариши, молнинг зиёда бўлиши, ҳар қандай ёмонликлардан муҳофаза қилиши тушуниларкан.
Қадр кечаси катта эҳтимол билан охирги ўн кунликда бўлишини ҳисобга олсак, ҳар тунда таҳажжудда сажда қилган пайтда айнан мана шу дуони такрор ва такрор айтиш керак.

Олимлардан бири бундай деган экан:
"Вақтинг озу, ичинг тўла эҳтиёж ва ҳожатлар бўлганда дуо қилсанг Аллоҳдан сени авф қилишини сўра. Агар Аллоҳ сени авф қилса, барча ҳожат ва истакларинг сўрамасанг ҳам олдинга келади", деган. Шунинг учун "Аллоҳумма иннака афуввун туҳиббул афва фаъфу анна" дуосини айтаётганда мана шу манаънони қалбдан ўтказиб туриш керак.
Афв билан мағфиратни орасидаги фарқ, мағфират бу қилган гуноҳингиз ҳақида номаи аъмолда маълумот туради, лекин Аллоҳ уни кечирган бўлади.
Афвда эса кечириш билан бирга, номайи аъмолдан ҳам ўчирилади.
Тунги зикрларга энг камида 100 та салавот, 100 та истиғфор, "Субҳаналлоҳи ва биҳамдиҳи, субҳаналлоҳил аъзийм"ни 100 та, "Лаа илаҳа иллаллоҳ" ни 100 та айтишга ҳаракат қилиш керак.

Қуръонни хатм қилиш. Қодир бўлмаса, ҳеч бўлмаса эътибор билан эшитиш.
Бу амалларни қилиб бўлгач: "Аллоҳим агар Сенинг тавфиқинг ва менга куч-қувват беришинг бўлмаганида, мен бу солиҳ амалларни қила олмасдим" деб ўзини ужубга кетиб қолишдан сақлаш.

Эслатма!
Ота-онани дуо қилиш ҳар бир фарзанд учун доимий зарур нарса, бу амални охирги ўн кунда янада кўпроқ қилинг. Зеро, Аллоҳ бандаларини бир ишга буюрса, "бажаринглар", дея хитоб қилади. Аммо ота-онани ҳақига дуо қилишга амр қилганда, "дуо қилинглар", дейиш билан кифояланиб қолмади. Аксинча нима деб дуо қилишни лафзларини ўргатди: "Роббирҳам ҳума кама роббаяни соғийро" яъни "Аллоҳим ота-онам мени ёшлигимда қандай шавқат билан парвариш қилишган бўлса, Сен уларни мана шундай раҳм ва мағфират қил". Мана шу дуони ҳар доим айтиб юриш, хусусан охирги ўн кунда кўпроқ айтиш.

Аллоҳ барчамизга қадр кечасини топиш ва уни тоат билан ўтказишни насиб айласин!

️♻️ Улашинг
https://t.me/ziyoizlab_uz

ФИТР САДАҚАСИНИНГ СОҚИТ БЎЛМАСЛИГИ

❓1589-САВОЛ: Фитр садақаси уни бера олмаган кишининг зиммасидан соқит бўладими?

💬 ЖАВОБ: Бисмиллаҳир Роҳманир Роҳим. Маълумки, фитр садақаси зиммасига вожиб бўлган кимса, уни Рамазон ҳайити намозини адо қилишдан аввал чиқаришлиги лозим эди. Лекин шу вақтга қадар улгурмаса ҳам у соқит бўлмайди, балки уни қачон бўлса ҳам бериш керак. Ҳаттоки, узоқ йиллар, масалан, ўн, йигирма йиллардан бери зиммаларига вожиб бўлган фитр садақасини ўз вақтида бериб келмаганлар ўтган йилларнинг ҳаммаси учун уни адо қилишлари лозим бўлади. Вафот этгунича ҳам бера олмаган киши эса меросхўрларига бу ҳақда васият қилиши вожиб бўлади. Валлоҳу аълам.

Ўзбекистон мусулмонлари идораси
Фатво маркази

️♻️ Улашинг
https://t.me/ziyoizlab_uz

Нақадар буюк ажр❗️




Энг афзал ва энг осон амаллардан бири — зикр!
Хусусан, Рамазон кечаларида, агар киши ушбу амали билан Қадр кечасига муваффақ бўлса, бунинг ажри бир неча ўн минг баробар кўпайтириб берилиши кутилган.

Зикрларнинг энг афзали — тавҳид калимасидир. Унинг энг афзал сийғаси:

(لَا إِلٰهَ إِلَّا اللَّهُ وَحْدَهُ لَا شَرِيكَ لَهُ، لَهُ الْمُلْكُ وَلَهُ الْحَمْدُ وَهُوَ عَلَى كُلِّ شَيْءٍ قَدِيرٌ)
(Ла илаҳа илла Аллоҳу ваҳдаҳу ла шарика лаҳу, лаҳул мулку ва лаҳул ҳамду, ва ҳува аъла кулли шай’ин қодир.)

Набий саллаллоҳу алайҳи васалламдан ривоят қилинади:

“Ким бу зикрни 100 марта айтадиган бўлса, 10 та қул озод қилгандек ажр олади.”
(Бухорий ва Муслим ривояти)

Агар банда ушбу зикрни Рамазоннинг охирги ўн кунларида ўқиб, шу зикри билан Қадр кечасига муваффақ бўлса, унинг савоби Қадр кечасининг фазли ва баракати билан 300 000 қулни озод қилгандан ҳам зиёдароқ бўлади.

Биргина қулни озод қилишнинг ўзи ҳам кишини жаҳаннамдан қутқариб қолади!

Имом Бухорий ва Муслим ривоят қилган ҳадисда Росулуллоҳ саллаллоҳу алайҳи васаллам шундай деганлар:

“Ким бир мусулмон қулни озод қилса, Аллоҳ таоло қул озод қилган кишининг ҳар бир аъзоси баробарида уни жаҳаннамдан озод қилади.”

Нақадар буюк ажр!

Шундай экан, бу каби фазилатли амаллардан ғафлатда қолиш — айниқса ушбу муборак кечаларда — жуда катта йўқотишдир!

️♻️ Улашинг
https://t.me/ziyoizlab_uz