СЕВМА ЮРАК


Бевафонинг ишқида
Кўксимни ўйма юрак,
Вафо йўқ гўзалларда,
Қўй энди севма юрак.


Кўзларимни зор қилиб,
Кенг дунёни тор қилиб,
Мажнундан ҳам хор қилиб,
Қўй энди севма юрак.


Учиб тилда болига,
Кўнгил қўйма холига,
Ким куяр аҳволима,
Қўй энди севма юрак.


Севги деб урма фарёд,
Ҳисларингни юлиб, от,
Кўксимда тош бўлиб қот,
Қўй энди севма юрак.


Шаҳло, шаҳло кўзларни,
Ойдин, сулув юзларни,
Зарни севар қизларни,
Қўй энди севма юрак.

Гўзалларда бор фириб,
Алдаб кетади кулиб,
Қадримни бир тийин қилиб,
Қўй энди севма юрак.


Дунё бевафо, бир кам,
Вафо қилмас сенга ҳам,
Раҳминг келсин менга ҳам,
Қўй энди севма юрак.

Бўлди бас севма юрак




t.me/Xurshid_Karim