МЕТАН ҚАНИ?

Оналар уйда ёлғиз
Заправкада дадалар,
Бултургидан беш баттар,
Қани ўша ваъдалар.

Ёқай десанг свет йўқ,
Кўрай десанг телевизор,
Печкани атрофида
Ўтирибмиз интизор.

Метан кутиб ётганлар,
Тош экан жону, тани,
Қани ўша ваъдалар,
Газ қани метан қани.

Қиш бунчалар ёмонсан,
Юрагим тўлиб кетди,
80 қуйиб машинам,
Мотори куйиб кетди.

Дардларга дармон қани,
Кўнгилларга малҳам йўқ,
Таксичилар дардини
Тинглайдиган одам йўқ.

Тирикчилик не бўлар,
Ўйлаб куяр жон тани,
Россияга боргани,
Билетга соққа қани.

Оналар уйда ёлғиз,
Заправкада дадалар,
Бултургидан беш баттар,
Қани ўша ваъдалар.

Хуршид Карим

22.12.2024



t.me/Xurshid_Karim