* * *
Кўзни қамаштирган қуёшнинг нури
Юракка етмади бугун. Руҳ - совуқ.
Бу музли ҳолатнинг ғамгин сурури
Шеъру қалб оралаб кезинди ёвуқ.

Ғуссага кўмилиб ўлтирдим сенсиз,
Найнинг ноласидай оғриди юрак.
Сени соғинмоқнинг азоби - тенгсиз,
Сен деб йиғламоқнинг ҳасрати - ипак.

О, ғусса юракни этди парвариш!
Бу дамда - ёшини тиёлмаскан кўз,
Ҳатто мумкин эди тангрига бориш...
Тилимга келмади "кел" деган бир сўз.

Усмон Азим

https://t.me/UsmonAzimijodi