* * *
Қисматни тортқилаб гувлади шамол,
Онлар тошқинланди,
мавжланди аср:
Кузак бир лаҳзада кетди бемажол –
Дунёда оқибат қолдим бефасл.

Тўфонли тақдирдан кетиб ихтиёр,
Беқадр тўзганда бу дам ”оҳ”ларим,
Безамон яшашга айладим қарор –
Руҳни озод этсин
вақтнинг чоҳлари!

Чунки жон озурда
йўқотишлардан –
Ногаҳон вақт яна кажлиғ этмасин:
Мени айирмасин гўзал тушлардан –
Сени ҳам,
армонга олиб кетмасин…

Усмон Азим

https://t.me/UsmonAzimijodi