Payme’dagi yo‘l
2022-yilda o‘rganish va o‘sishga chanqoq, ammo korporativ tajribasiz amaliyotchi sifatida Payme jamoasiga qo‘shildim.
Ikki yarim yildan ortiq bosib o‘tilgan yo‘lga qaraydigan bo‘lsam, ishonch bilan “Payme men uchun qiziqqon va tajribasiz amaliyotchidan javobgarlikni o‘ziga ola oladigan, yechimlar taklif qila oladigan va haqiqiy produktga o‘z hissasini qo‘sha oladigan dasturchiga aylantiradigan joy” deb ayta olaman.
Payme’da davom etayotgan tajribam davomida, men shunchaki kod yozishni emas, balki qanday qilib tizimlar qurishni, muammolarni yechishni va odamlar bilan ishlashni o‘rgandim.
Bir nechta olgan qiymatli tajribalarim bilan bo‘lishmoqchiman:
Katta va murakkab vazifalarni kichkina va oson yechiladigan qismlarga bo‘lishni.
“Clean” va “Scalable” arxitektura tuzishni.
Oson o‘qiladigan va qo‘llab-quvvatlanadigan kod yozishni.
Bajarilgan ishni taqdim qilishni va uni chiroyli dokumentatsiya qilishni.
Jamoada ishlashni va qanday qilib korporativ muhitda muloqot qilishni.
Eng muhimi - g‘oyalarni hayotiy va ishlaydigan produktlarga aylantirishni.
Bu yerdagi men qadrlaydigan yana bir jihat - bu tajribali va talantli odamlar bilan qalin aloqalar qilish.
Hozirgi vaqtda B2B yo‘nalishidagi bir servisni mustaqil ravishda "lead" qilyapman.
Payme’dagi maosh O‘zbekistonning tech bozoridagi yuqori maoshlardan deb o‘ylayman.
Payme menga imkoniyatlarni, chellenjlarni va o‘sishni berdi va men buni doim qadrlayman. Mening bu yerdagi sayohatim esa hali davom etmoqda.
Yaqin vaqtlar ichida Payme’da amaliyot imkoniyati paydo bo'lishi mumkin. Bu haqida esa boshqa postda yozaman. Kuzatishda davom eting. Balki bir nechta odamga jamoamizdan joy olishda yordam bera olarman.
@javlonbek_mi
