1967-yilda Olti kunlik urush natijasida Isroil armiyasi G‘arbiy Sohil, G‘azo va Sharqiy Quddusni bosib oldi. Shundan so‘ng, yahudiylarning Radikal guruhlari Al-Aqso masjidi va uning atrofidagi hududni yahudiy ma’badi sifatida ko‘rib, unga da’vo qila boshladilar.


21-avgust 1969-yilda Al-Aqso masjidida katta yong‘in sodir bo‘ldi. Uni avstraliyalik ekstremist Maykl Denis Roxan uyushtirgan. U o‘zini "Xudo tomonidan tanlangan" deb hisoblagan va yahudiylarning Sulaymon ma’badini qayta qurishiga yordam berish uchun masjidni yoqishga qaror qilgan.

Yong‘in natijasida Solahiddin Ayyubiyning minbari butunlay yonib ketgan. Ushbu minbar 1187-yilda Quddus musulmonlar tomonidan qayta fath etilgach, Solahiddin Ayyubiy tomonidan o‘rnatilgan edi. Minbar juda nafis yog‘och o‘ymakorligi va nozik islimiy naqshlari bilan mashhur edi.

Yong‘in, shuningdek, masjidning ichki qismiga ham katta zarar yetkazgan. Keyinchalik Roxan ruhiy kasal deb topilib, Avstraliyaga ekstraditsiya qilingan.

Bugungi kunda Salahiddinning asl minbarining o‘rniga Iordaniya tomonidan yasalgan nusxasi o‘rnatilgan.

@Tarix_va_biz_official