Andijonda “Yurtim qadriyatlari” tanlovining viloyat bosqichi bo‘lib o‘tdi!

🎉Mamlakatimizda yoshlarning milliy qadriyatlar, tarixiy tafakkur va milliy ongini rivojlantirish, ularni ma’naviy merosimiz bilan yaqindan tanishtirish maqsadida o‘tkazilayotgan “Yurtim qadriyatlari” respublika ko‘rik-tanlovining viloyat bosqichi Andijon davlat pedagogika institutida bo‘lib o‘tdi.

🗓27-fevral kuni Oliy ta’lim, fan va innovatsiyalar vazirligi huzuridagi Talaba va o‘quvchilarning ijtimoiy faolligini oshirish markazi tomonidan tashkil etilgan ushbu tanlovda viloyatimizdagi oliy ta’lim muassasalarining iqtidorli talabalari ishtirok etdi.

🖋Tanlovda “Milliy an’ana, qadriyat va urf-odatlar”, “Kompozitsion musiqiy chiqishlar” hamda “Jadidlar jasorati – millatimiz faxri” kabi shartlar bo‘yicha jamoalar bellashdilar. Har bir jamoa milliy an’analarimiz, tariximiz va madaniy merosimizni chuqur anglab, ijodiy chiqishlari orqali ularning ahamiyatini yorqin tarzda namoyish etdilar.

📊Natijalarga ko‘ra, Andijon davlat tibbiyot institutining “Shifokorlar” jamoasi g‘oliblikni qo‘lga kiritdi. Andijon davlat texnika institutining “Nihol” jamoalari ikkinchi oʻrin hamda Andijon davlat universitetining “Humo” uchinchi o‘rinlarni egallashdi.

🔃Mazkur tanlov talaba-yoshlar o‘rtasida milliy ongni rivojlantirish, ularning ijtimoiy-madaniy faolligini oshirish yo‘lida muhim ahamiyat kasb etmoqda. Respublikamiz bo‘ylab davom etayotgan tanlovning navbatdagi bosqichlari ham yurtimizning turli hududlarida o‘tkazilishi rejalashtirilgan.

🇺🇿Bizning sahifalarimiz:
📱Telegram📱Instagram📱Facebook