Transport va logistika fakulteti

🟥🟥🟥

☑️Bugun Andijon mashinasozlik instituti 2-talabalar turar joyi ishchisi Muxabbatxon Karabayeva, Umumtexnika fanlari kafedrasi stajo'r-o'qituvchisi Zafar Mamajonov, Materialshunoslik va yangi materiallar texnologiyasi kafedrasi mudiri Maxammadjanov Xusanboy, Buhgalteriya hisobi va menejment kafedrasi laboratoriya mudiri Musajon Parpiyev, Transport vositalati muhandisligi kafedrasi stajo'r-o'qituvchisi Javoxirbek Xalimov hamda Muqobil energiya manbalar kafedrasi assistenti Utkirbek Axmadaliyevning tavallud topgan kuni.

🎉Ushbu sana munosabati bilan institut jamoasi tug‘ilgan kunini nishonlayotgan hamkasblarimizni tabriklab, unga uzoq umr, sihat-salomatlik, oilaviy baxt tilaydi!

💫Tavallud ayyomingiz muborak bo'lsin!
Rasmiy sahifalarimizga a'zo bo‘ling👇🏻
Sayt | Telegram | Facebook | Instagram | YouTube

Prezident belgilab bergan vazifalar ijrosiga kirishildi

Andijon mashinasozlik institutida joriy yilning 20-iyun kuni davlatimiz rahbari raisligida muhandislik kadrlarini tayyorlash tizimidagi ustuvor vazifalar yuzasidan oʻtkazilgan uchrashuvda ilgari surilgan tashabbuslarning mazmun-mohiyatiga bagʻishlangan yigʻilish oʻtkazildi.

Unda prorektorlar, fakultet dekanlari, kafedra mudirlari, boʻlim boshliqlari va professor-oʻqituvchilar ishtirok etdi.

Yigʻilishda institut rektori, texnika fanlari doktori Umid Turdialiyev prezidentimiz tomonidan berilgan topshiriq va vazifalarga birma-bir toʻxtalib, ularning ijrosini taʼminlash masalalariga eʼtiborini qaratdi.

Yigʻilishda amalga oshirilayotgan islohotlarni amaliyotda qoʻllash, korxonalar bilan samarali hamkorlikni davom ettirish, yetuk kadrlarni yetkazib berish borasida manzilli ishlar tizimli davom ettirish kabi jihatlarga eʼtibor qaratish lozimligi taʼkidlandi. Ilmiy faoliyatni yangi bosqichga olib chiqish oldimizda turgan ustuvor vazifa ekani uqtirildi.

Videoselektorda taʼkidlanganidek, “tarmoq – korxona – oliygoh” zanjiri asosida har bir oliygohga sanoat hamkori belgilab beriladi. Barcha muhandislik oliygohlari hamkor korxonalarida kafedralar ochadi va dual taʼlimni yoʻlga qoʻyadi. Bunda korxonalar kafedralarni jihozlash, oʻqituvchi va talabalarni ragʻbatlantirishga har yili mablagʻ berishga tayyorligi maʼlum qilindi. Shundan kelib chiqib, institutda amaliy jarayonlarni boshlash boʻyicha masʼullarga tegishli koʻrsatmalar berildi.
Rasmiy sahifalarimizga a'zo bo‘ling👇🏻
Sayt | Telegram | Facebook | Instagram | YouTube

Yoshlar oyligida institutimiz talabalari Koʻhna va navqiron Xorazm viloyatida ichki turizm doirasida sayohat qilishmoqda!

O‘zbekiston Respublikasi Prezidentining “O‘zbekiston Respublikasi turizm salohiyatini rivojlantirish uchun qulay shart-sharoitlar yaratish bo‘yicha qo‘shimcha tashkiliy chora-tadbirlar to‘g‘risida”gi 2018-yil 3-fevraldagi PF-5326-son Farmoni ijrosini ta’minlash, shuningdek, ichki turizmni jadal rivojlantirish, fuqarolarni mamlakatimizning madaniy-tarixiy merosi hamda tabiiy boyliklari bilan tanishtirish maqsadida Andijon mashinasozlik instituti rahbariyatini tashabbusi bilan Xorazm viloyatiga uyushtirilgan sayohatda 50 yaqin talabalar va ishchi hodimlar Xorazm vilyatining Urganch tumanidagi va Xiva shahrining boy tabiati, insonni maftun etuvchi qadimiy obidalarini ziyorat qilishmoqda.

O‘zbekiston azal-azaldan o‘zining milliy an’anasi, urf-odatlari va madaniyati bilan boshqa mamlakatlardan ajralib turishi hech kimga sir emas. Buyuk Ipak Yo‘li markazida joylashgan O‘zbekistonda ichki sayyohlikni rivojlantirish borasida juda katta imkoniyatlar mavjud.

Xususan sayohatdan ko‘zlangan maqsad, jonajon Vatanimizning turizm salohiyatidan keng foydalangan holda, talabalarning jamoasini bilimga chanqoqligini oshirish, ularni xalqimizning boy madaniy tarixi haqida hikoya qiluvchi qadimiy obidalar, ziyoratgohlar bilan yaqindan tanishtirish va dunyoqarashlarini kengaytirish hamda ichki turizmni rivojlantirishga bevosita hissa qo‘shishdan iborat.

Sayohatni bobolarimizdan qolgan Markaziy Osiyodagi yirik noyob me’moriy yodgorlik sanalgan Ichan qal’ada joylashgan asori atiqalar, qadimiy madrasalar va boshqa diqqatga sazovor joylarga tashrif bilan boshlab, ushbu tarixiy obidalar bo‘yicha batafsil ma’lumotlar berildi.

Shu bilan birga, sayohat jamoasi mo‘jizaviy shahar sifatida e’tirof etilayotgan Xorazmning boshqa ko‘plab tarixiy obidalarini ham ziyorat qilishdi, jumladan buyuk ajdodlarimiz sanalmish Jaloliddin Manguberdi ziyoratgohlarini hamda Avesto majmuasini tomosha qilishdi.

- Mazkur sayohatni tashkil etishda imkoniyat yaratgan institut rektori Turdialiyev Umid Muhtaraliyevichga samimiy tashakkurimni bildiraman, - dedi Mashinasozlik texnologiyasi fakulteti birinchi bosqich talabasi Ahrorbek Dehqonboyev. –Sayohatimiz davomida mutaxassislar bizga me’moriy obidalarning tarixi haqida so‘zlab berishdi. Biz sayohat asnosida betakror qadimiy ziyoratgohlar, tarixiy obidalarni o‘z ko‘zimiz bilan ko‘rib, ochig‘ini aytsam, mazza qilib hordiq chiqardik.

O‘ylaymizki, mazkur sayohat talabalarimiz qalbida olam-olam taassurotlar qoldirish bilan birga, buyuk ajdodlarimiz merosi va madaniyatiga hurmat-ehtirom tuyg‘usining yanada ortishiga hissa qo‘shadi. Ayni vaqtda ham Xorazm viloyatiga sayohat davom etmoqda.

✅️Bizni kuzatishda davom eting!
@andmiyoshlari