Олмалиқдаги колониядан маҳкум ўлиги чиққани айтилмоқда

Ўзбекистон Республикаси ИИВ Жазони ижро этиш департаментининг Олмалиқдаги 14-сонли колониясидан 21 яшар маҳкум Муҳаммадқодир Пўлатовнинг жасади чиққан. Бу ҳақда Эзгулик жамияти раиси Абдураҳмон Ташанов ёзмоқда.

Фарғона шаҳрининг Темурмалик кўчасида яшовчи Нигора Қамбаровнинг айтишича, у ўғли Муҳаммадқодир билан шу йилнинг 26—28-январь кунлари узоқ муддатли учрашувларда бўлган.

Муҳаммадқодир спортнинг ушу йўналишида халқаро турнирлар ғолиби, болалигидан мазкур спорт тури билан шуғулланган. Бирор марта соғлиғидан шикоят қилмаган, унда бирор ёндош касалликлар кузатилмаган. Нигора опа безориликда айбланиб, 3 йилга қамалган ёлғиз ўғлининг шу йил августида манзил колонияга чиқиши, келин қидирганини айтади.

Аммо колония маъмуриятининг таъкидича, 14-февраль куни Муҳаммадқодирда миокрад инфарки ва панкреатитнинг оғир формаси кузатилиши оқибатида вафот этган.

Сурхондарёдаги тезкор янгиликлар каналига обуна бўлинг ❗️❗️❗️
👇👇👇👇👇👇👇👇👇👇
https://t.me/+jMR3Ru8Jf2s1NDky