Uy-joy daxlsiz

Eshikni ochishga majbur emassiz. Masalan, men xech kimga eshik ochmayman. Kerak bo'lsa xat, telefon orqali aloqa o'rnatishi mumkin. Eshikni ochsangiz aksariyat holatlarda "muammo" turgan bo'ladi.

Konstitutsiyaning 31-moddasiga ko'ra:

Har kim uy-joy daxlsizligi huquqiga ega.

Hech kim uy-joyga unda yashovchi shaxslarning xohishiga qarshi kirishi mumkin emas. Uy-joyga kirishga, shuningdek unda olib qo‘yishni va ko‘zdan kechirishni o‘tkazishga faqat qonunda nazarda tutilgan hollarda va tartibda yo‘l qo‘yiladi. Uy-joyda tintuv o‘tkazishga faqat qonunga muvofiq va sudning qaroriga asosan yo‘l qo‘yiladi.

Yuqoridagi normada "qonunda" deyilganda qaysi qonun nazarda tutildi degan savol tug'iladi. Bu qonun Jinoyat-protsessual kodeksi hisoblanadi.

Kodeksning 18-moddasi:

Shaxs egallab turgan turar joy yoki boshqa bino va hududda tintuv o‘tkazish, olib qo‘yish, ko‘zdan kechirish, aloqa muassasalarida pochta-telegraf jo‘natmalarini xatlab qo‘yish va ularni olib qo‘yish, telefonlar va boshqa telekommunikatsiya qurilmalari orqali olib boriladigan so‘zlashuvlarni eshitib turish, ular orqali uzatiladigan axborotni olish faqat ushbu Kodeksda belgilangan hollarda va tartibda amalga oshirilishi mumkin.

Demak, kimdir turar joy daxlsizligi huquqingizni buzayotgan bo'lsa buni jinoyat protsessual kodeksida belgilangan hollarda va tartibda amalga oshirishi lozim.

P.s. Ijarada (birovni uyida) yashasangiz ham bu qoida amal qiladi.

@HuquqBroq