Sayxunobod tuman hokimligi | RASMIY

O‘zbekiston mahallasi aholisini elektr energiya bilan barqaror ta’minlash maqsadida tizimli ishlar amalga oshirilmoqda

Sayxunobod tumani "O'zbekiston" mahallasi aholisi uchun elektr energiyasi ta'minoti sifatini yaxshilash maqsadida eski simyog'och ustunlar yangilanmoqda.

Yillar davomida xizmat qilgan va eskirib qolgan simyog'ochlar ko'pincha noqulay ob-havo sharoitlarida elektr uzilishlariga sabab bo'lar edi. Mahallaga yangi, mustahkam beton ustunlar olib kelinib, mahalla aholisining elektr energiyasidan uzluksiz foydalanishini ta'minlaydi.

|Telegram | Web-site | Instagram | YouTube |

⚡️ Hashar - elga yarashar!

Sayxunobod tumanida davom etayotgan keng ko'lamli obodonlashtirish va tozalik ishlarida tuman aholisi, jumladan, ta'lim muassasalari hodimlari ham faol ishtirok etmoqda.

Shu jumladan, 20-umumta'lim maktabi o'qituvchilari birgalikda hashar ishlarida faol ishtirok etib, yaxshi misol bo'lishdi. Maktab jamoasi, maktab atrofidagi hududni tozalash, ko'kalamzorlashtirish va obodonlashtirish ishlarida birgalikda mehnat qilib, o'zlarining birdamligini namoyish etishdi.

|Telegram | Web-site | Instagram | YouTube |

Sayxunobod tumani "O‘rikzor" mahallasida Tomorqadan samarali foydalanish maqsadida bir qator ishlar amalga oshirilmoqda.

Sayhunobod tumanining "O‘rikzor" mahallasida yashash sharoitlarini yaxshilash va aholining turmush darajasini oshirishga qaratilgan faol ishlarni amalga oshirmoqda. Yaqinda mahallada amalga oshirilgan eng muhim loyihalardan biri bu issiqxonalar barpo etilishidir. Mahallada avval issiqxona degan narsa umuman yo‘q edi. Bugungi kunda esa, 30 dan oshiq issiqxonalar qurildi.

Bu loyiha mahalla aholisi uchun nafaqat qo‘shimcha daromad manbai, balki yashash sharoitlarini yaxshilashga ham xizmat qiladi. Har bir issiqxona zamonaviy texnologiyalar asosida qurilgan bo‘lib, ichiga limon, pomidor, bodring va bolgar qalampiri kabi turli xil sabzavot va mevalar ekilmoqda. Bu bo‘lsa mahalla aholisiga yil davomida yangi va sifatli mahsulotlar bilan ta’minlanish imkoniyatini beradi.

Loyihaning muvaffaqiyati, avvalo, mahalla faollarining tashabbusi va aholining faol ishtirokidadir. Mahalla aholisi issiqxonalarning qurilishi va ularga parvarish qilishda faol qatnashmoqda. Ularning mehnati va harakatlari tufayli mahalla ko‘rkamlashmoqda, odamlarning turmush darajasi o‘smoqda.

Kelajakda bunday loyihalarni amalga oshirish orqali mahalla yanada rivojlanib, aholining hayotini yanada yaxshilash mumkin. Ushbu tashabbus boshqa mahalla va qishloqlar uchun ham o‘rnak bo‘lishi mumkin. Chunki tomorqadan samarali foydalanish – bu nafaqat qo‘shimcha daromad, balki mahalla taraqqiyoti va aholining farovonligi uchun juda muhim omildir.

|Telegram | Web-site | Instagram | YouTube |

Sayxunobod tumanidagi qabristonlarda hashar o‘tkazildi.

Sayxunobod tumanining 26 ta qabristonida Ramazon oyining muborak kunlari hamda Navro‘z bayrami arafasida o‘tkazilgan umumxalq hashari nafaqat obodonlashtirish ishlarini o'z ichiga oldi, balki xalqimizning ezgulikka, hurmatga va ajdodlar xotirasini ulug‘lashga bo‘lgan chuqur munosabatini ham namoyish etdi.

Tuman aholisining faol ishtiroki bilan o‘tkazilgan ushbu umumxalq hashari, o‘zining samimiyligi va keng qamrovliligi bilan yuraklarga yo‘l topdi.

Qabristonlarga ko‘chatlar ekilib, har bir qabr tozalandi, mangu uyquga ketganlar xotirasi hurmat bilan yodga olindi.

Ushbu umumxalq hasharida 10 ming dan ortiq tuman aholisi faol ishtirok etdi. Hasharda faol ishtirok etgan barchaga chuqur minnatdorchilik bildiramiz!

Sizlarning ezgulikka bo'lgan intiluvchanligingiz, jamoatchilik ruhi va birdamligingiz bizni behad quvontiradi. Ushbu harakatimiz kelajak avlodlarga o'rnak bo'lib, yillar o'tib ham yodga olinib, ezgulikka yo'l ochib beradi.

|Telegram | Web-site | Instagram | YouTube |

Ezgulikka yo'l: Xotira va kelajak uchun investitsiya

Sayxunobod tumani hokimligi Axborot xizmati rahbari Esirgapov Muzaffarning o'zining o'qigan maktabiga kitoblar sovg'a qilishi shunchaki xayriya aksiyasi emas, balki ta'limga bo'lgan chuqur hurmat va kelajakka investitsiyaning yorqin namunasidir. "Maktab uchun ming kitob" loyihasi doirasida amalga oshirilgan bu ezgu tashabbus, yosh avlodning bilim olishga bo'lgan intilishini qo'llab-quvvatlashning ajoyib ifodasidir.

Esirgapov Muzaffar o'zining maktab yillariga, ustozlarining mehr-muhabbatiga va o'rtoqlarining do'stligiga bo'lgan iliq xotiralarini eslab, o'zining bilim olgan muassasasi uchun kitoblar sovg'a qilish orqali nafaqat o'quvchilarga, balki o'zining o'tmishidagi o'qituvchilariga ham hurmatini bildirdi. Bu harakat oddiy xayriya emas, balki o'tmish bilan hozirgi kunning uyg'unligi, yoshligidagi orzular bilan bugungi kunda erishilgan natijalarning o'zaro bog'liqligidir.

Taqdim etilgan kitoblar shunchaki qog'oz varaqlari emas, balki yangi dunyolarga eshik ochuvchi kalitlardir. Ular o'quvchilarning intellektual rivojlanishiga, bilimlarining boyishiga, dunyoqarashining kengayishiga xizmat qiladi. Bu kitoblar yosh avlodning kelajakdagi muvaffaqiyatlariga investitsiya bo'lib, ularning o'z potentsialini ro'yobga chiqarishiga turtki bo'ladi.

Sizchi, o‘zingiz o'qigan maktab uchun kitob sovg‘a qildingizmi?

|Telegram | Web-site | Instagram | YouTube |

💐 Sayxunobodlik Zanjiloy Abdusalomova “Zulfiya” mukofoti bilan taqdirlandi

Prezident qarori asosida 28 nafar iqtidorli qizlar Zulfiya nomidagi Davlat mukofoti bilan taqdirlandi. G’oliblar orasida Sayxunobod tumanidan bo'lgan Abdusalomova Zanjiloy Farhod qizi ham bor.

Zanjiloy Abdusalomova bugungi kunda O‘zbekiston davlat jahon tillari universitetining xalqaro jurnalistika fakulteti 3-bosqich talabasi.

Sayxunobod tumani hokimligi Zanjiloy Abdusalomovani ushbu yuksak mukofot bilan muborakbod etib, kelgusi ishlarida ham muvaffaqiyatlar tilaydi.

|Telegram | Web-site | Instagram | YouTube |