Nega yozmay qo'ydim?

Xulosa olishga qo'rqa boshladim. Bugun bir tadqiqotga duch kelib, bir xulosaga kelsam ertasiga teskarisi chiqyapti.

Ular borasida chuqurroq izlansam, vaziyatlar, tadqiqotdan maqsadlar farqli bo'ldi.

29-may kuni "Maqsadlarni ommaga e'lon qilish, natija olish ehtimolligini oshiradi" haqida post yozgandim.

2 kun oldin o'qigan tadqiqotim:

"Universitetda talabalarga maqsadlarini qog'ozga yozdirishadi. Xohlovchilar minbarga chiqib boshqalarga o'qib beradi. Yillar o'tib kuzatishsa: Boshqalarga e'lon qilganlardan ko'ra, qog'ozga yozib, hech kimga aytmagan talabalar ko'proq maqsadga erishgan bo'ladi"

2 xil xulosa. Oshkor qilish kerakmi yoki yo'q?

1. Mumkin. Jamoaviy maqsadlarni. Fred DeLuca kompaniya maqsadini e'lon qilgan. Bosim yakka o'ziga emas, jamoaga tushganligi uchun bu ijobiy ishlagan. Harakatga undagan.

2. Shaxsiy maqsadlarni oshkor qilmang. Chunki bu miyada "erishdim" degan signalni berar ekan. Sekinlashsangiz ommaviy bosim bo'lib, yanayam ruhiy tushkunlikka tushirarkan. Indamang. Tezroq erishishga intilasiz.

Lekin, biror narsani tark etish (shakar, gazli ichimlik...) maqsadini oshkor qilish kerak degan tadqiqot ham bor:)

* Ingliz tilini biladiganlar uchun rasmda 2 tadqiqotning asosiy farqlari ko'rsatilgan.

@Sarvar_Nazarboyev