Nashidani pastroq qil,
Ovozini ko'tarma,
Eshitganga - o'n besh yil,
Tarqatganga - yigirma.

Maruzani o'zing bil,
Do'stlaringa ko'rsatma,
Klass bossang - o'n besh yil,
Da'vat qilsang - yigirma.

Soqolingni toza shil,
Qalinlatib o'stirma,
Qo'yib olsang - o'n besh yil,
Sunnat desang - yigirma.

Xijobingni yech singil,
Shariatga berilma,
Qora kiysang - o'n besh yil
Niqob taqsang - yigirma.

Xaqni aytma, tishla til,
Dinga chuqur berilma,
Alloh desang - o'n besh yil,
Islom desang - yigirma.