Номсиз пост

Қизиқ латифа эшитгандим. 

Журналист бодринг етиштирувчи фермердан сўрабди:

— Фермангизда ит боқишингизнинг яхши тарафи нима? 
— Бодринг емайди!

Журналист яна сўрабди:

— Фермангизда ит боқишингизнинг ёмон тарафи-чи? 
— Бодринг емайди..

Мендан инсон психологиясини ўрганиш ҳақида сўрашса, шунга ўхшаш жавоб берардим:

Яхши тарафи — инсонларнинг ичини ўқиб оласиз. 

Ёмон тарафи — инсонларнинг ичини ўқиб оласиз. 

Яъни инсонларни ўқиш бир томондан фикрлашингизни ривожлантирса-да, оғриқли томони ҳам бор:

Одамлардаги — ҳасад, ғараз, ўзини сиз билан солиштириш, сунъийлик, иккиюзламачилик, руҳий камчиликлар, хуллас, ҳамма ҳаммаси сизга кўринишни бошлайди.

Аксар инсонларнинг бахтсиз эканлигини англаб етасиз. Ҳақиқатлар — аччиқ.

Энг азоблиси, яқинларингизни ичини ҳам дарров «ўқиб» оласиз. Ўқийсиз-у ўзингизга "Қаерданам илм олдим. Мазза қилиб бахтли юравермайманми?", деб қоласиз. 

Хулоса

Илмнинг — тўлови бор. 

Постга қандай ном берган бўлардингиз?

@Ustoz_kundaligi