Ruslan Xudayorov | BLOG

Bilasizmi agar bitta chelakka qisqichbaqa solinsa u qiyinchiliksiz undan chiqib ketishi mumkin. Ammo qisqichbaqalar bir nechta bo‘lsa unda ularning birortasi ham idishdan chiqolmaydi. Chunki, biri chiqayotganda boshqalari unga osilib tushirib yuboradi. Oqibatda barchasi idishdan chiqolmay qolaveradi.

Psixologiyada bu qisqichbaqa mentaliteti deyiladi. Bunday dunyoqarash bizda deyarli milliy mentalitetga aylangan desam, adashmasam kerak. Bir biridan ayb qidirish, bir-birini "kiydirish" hech bo‘lmasa tanqid qilish bizning qon qonimizga singib ketgan.

Qisqichbaqa effekti ta’sirini shifokor Ignas Zemmelveys hayoti misolida ko‘rish mumkin. U tug‘ruq payti ko‘plab onalar o‘limiga oddiygina dezinfeksiya qoidalariga rioya qilmaslik sababligini aniqlagan. Va o‘zi ishlagan kasalxonada barcha shifokorlar tug‘ruq oldidan qo‘lini yaxshilab yuvishi kerakligini talab qilgan.

Ammo, doktorlar bu yangilkka qarshi chiqib yakunda uni Venadagi Dyobling ruhiy xastalar uyiga qamab qo‘yishgan. Oradan 2 hafta o‘tib u vafot etgan.

Onalar va bolalar o‘limi ko‘payavergach, 18 yil o‘tib uning nazariyalari amaliyotga tadbiq qilina boshlangan. Zemmelveys sharofati bilan o‘sha paytlar onalar va chaqaloqlar o‘limi 7 martaga kamaygan. Bugun Budapeshtda unga qo‘yilgan haykalga "Onalar haloskori" deb yozilgan.

Nima demoqchiman g'oya 10 ta odamdan 1 tasiga yoqsa ham uni yashashga haqqi bor, uni yashab qolishi va rivojlanishi uchun 1 kishini muhabbati ham yetadi aslida. Hech kim ishonmagan va hamma yuz o'girgan paytlardagi saqlanib qolgan yetuk g'oyalargina, kelajak hayotga o'z ta'sirini ko'rsatadi oladi.

@magnitofficial

Xato qilishga barcha haqli

Har bir rejaning eng muhim qismi — ishlar ko'ngildagidek ketmagan vaziyat uchun tayyorlangan rejadir.

Morgan Hauzel — Pul psixologiyasi

@jahongir_juraqulov