РЕСПУБЛИКА ҲУДУДЛАРИ КЕСИМИДА САВДО ДЎКОНЛАРИДА СИФАТСИЗ МАҲСУЛОТЛАР СОТИЛАЁТГАН ҲОЛАТЛАР ЮЗАСИДАН ТЕГИШЛИ ЧОРАЛАР КЎРИЛДИ

✈️ Рақобатни ривожлантириш ва истеъмолчилар ҳуқуқларини ҳимоя қилиш қўмитаси бошқа ҳамкор ташкилотлар билан биргаликда мамлакатимиз аҳолисини асосий турдаги истеъмол товарлари сифати ва хавфсизлигини таъминлаш юзасидан тасдиқланган чора-тадбирлар дастурига асосан мунтазам равишда назорат хариди тадбирларини ташкил этиб бормоқда.

Наманган вилояти мисолида
Ҳудудий бошқарма томонидан Наманган шаҳридаги “Сардоба” бозорида назорат харидлари учун пахта ёғи ва колбаса маҳсулотлари намуналар сотиб олинди ва “Ўзбекистон илмий-синов ва сифат назорати маркази” давлат муассасаси (Uztest DM)га юборилди.

Лаборатория натижаларида “Aziya gold” пахта ёғи “Ёғ-мой маҳсулотларининг хавфсизлиги тўғрисида”ги умумий техник регламент талабларида белгиланган рангда эмаслиги аниқланди.
Шунингдек, “Chimkentskaya” колбаса махсулоти “Озиқ–овқат махсулотларини тамғалаш юзасидан унинг хавфсизлиги тўғрисида”ги умумий техник регламент асосида ёрлиқланмаганлиги маълум бўлди.

Ҳудудий бошқарма Махсус комиссияси томонидан “ALI ABDULLO BRAND” МЧЖ сифатсиз пахта ёғини сотиб, 4 млн сўмга яқин асоссиз даромад олгани ҳамда “ANKABUD SANOAT SAVDO” МЧЖ тамғаланиши амалдаги меъёрий ҳужжатларга номувофиқ бўлган колбаса маҳсулотини сотиб 3 млн сўмга яқин асоссиз даромад олиб, Ўзбекистон Республикасининг “Истеъмолчилар ҳуқуқларини ҳимоя қилиш тўғрисида”ги Қонуннинг 9-11-13-20-моддалари талабларини бузган деб топилиб, белгиланган тартибда иш қўзғатилди ва камчиликларни бартараф этиш юзасидан бажарилиши мажбурий бўлган кўрсатма берилди.

Қашқадарё вилояти мисолида
Ҳудудий бошқарма томонидан ҳамкор ташкилотлар билан вилоятдаги йирик савдо дўконларидаги озиқ-овқат (кефир, сметана ва туз) маҳсу

лотларининг назорат хариди ўтказилганлиги ҳамда таҳлил ўтказиш учун тегишли ташкилотларнинг лабораторияларига тақдим этилганлиги маълум қилинган эди.

Олиб борилган таҳлил натижаларига кўра сут ва сут маҳсулотлари Ўзбекистон Республикасининг “Сут ва сут маҳсулотлари хавфсизлиги тўғрисида”ги ва “Озиқ-овқат маҳсулотларини тамғалаш юзасидан унинг хавфсизлиги тўғрисида”ги техник регламенти талабларига мос келмаслиги аниқланди.

Аниқланган камчиликларни бартараф этиш бўйича ҳудудий бошқарманинг Махсус комиссияси томонидан тадбиркорлик субъектларига тегишли кўрсатмалар берилди.
Фарғона вилояти мисолида
Ҳудудий бошқарма томонидан жорий йилнинг август-сентябрь ойлари давомида 8 та (болалар учун салқин ичимлик маҳсулотл

ари (3 турдаги), идиш ювиш гел маҳсулотлари (3 турдаги), болалар учун озуқалар ва қандолат маҳсулотлари бўйича назорат хариди ўтказилди.

Жумладан,
“Asl Choy”, “Severon” va “Aqlvoy” салқин ичимлик маҳсулотлари “UzTest” ДМдан синовдан ўтганда микробиологик кўрсаткичлар талабларига кўра номувофиқ деб топилган. Шунингдек, “Woom” идиш ювиш воситаси маҳсулотлари бўйича Фарғона филиали синов лабораторияси берган таҳлилига кўра, водород ионларининг кўрсаткичлари бўйича номувофиқ деб топилган.

Мазкур ҳолат ю

засидан ҳудудий бошқарманинг Махсус комиссияси томонидан мазкур тўртта ишлаб чиқарувчи корхона томонидан Ўзбекистон Республикаси “Истеъмолчилар ҳуқуқларини ҳимоя қилиш тўғрисида”ги Қонуннинг 4-6-11-12-20-моддалари талаблари бузилган деб топилиб, белгиланган тартибда иш қўзғатилди ҳамда корхоналарга нисбатан бажарилиши мажбурий бўлган кўрсатмалар берилди. Сифатсиз маҳсулотларни ишлаб чиқарилиши тўхтатилди.

Маълумот ўрнида. “Болалар озуқалари” ва қандолат маҳсулотлари маҳсулотлар намуналари бўйича лаборатория таҳлил ишлари давом этмоқда.

🔝 Батфсил

Каналга уланиш 🔝 https://t.me/RaqobatGovUz

веб-саҳифа | facebook | telegram | youtube | instagram | X