Психолог минбари: Муҳаббат ва севгидан қийналган қалблар

"Севган йигитим ўйланмас экан, мен тушкунликка тушиб қолдим, ҳаётдан зерикдим, маслаҳат беринг” деган саволлар жуда кўп келган. Бундай саволлар гирдобида яшаётган қизларимизга энг аввало “Қиз боланинг ғурури, ори ва нозик ниҳол” эканини унутмаслигини, севган йигити ўйланишини рад этган пайтда ундан тушкунликка тушиш, биргина алдамчи муҳаббатни деб яқинлар меҳрини ҳам ҳис этмаслик, ҳақиқий севги ва ёлғон севги орасида сарсон бўлишлик инсоннинг ўзига жабр эканлиги айтишим мумкин деб гап бошлайди психолог Гулбаҳор Юсупова.

Ҳар қандай вазиятда қизлар унутмаслиги лозим бўлган тавсиялар:

👉Сиз гулсиз, беғуборсиз, сизнинг бутун ҳаётингиз олдинда, сиз бўлажак бир оиланинг севимли келини, меҳрибон фарзандлар онаси бўла оласиз.

👉Сизнинг елкангизда ота-онангизнинг обрўси, ака-укангизнинг ори, опа-синглингизнинг фахри туришини эсингиздан чиқарманг.

👉Йигит киши сизга ўйланолмаслигини айтдим-и, шукр қилинг вақтида сизнинг турмуш чораҳаларингиз ёлғон муҳаббат қурбонига айланмади.

👉Арзимаган муносабатларнинг дарз кетиши сизнинг ҳаётингизга нуқта қуйилиши керак дегани эмас.

👉Сиз бир оиланинг орастаси, эркатой ишончисиз, наҳот бир йигитнинг эътиборсизлиги сизни ғам-андуҳга дучор қилса, сиз сабр қилинг, кутинг, қадрингизга етадиган инсон учрайди.

👉Қиз йигитнинг орқасидан юрмаслиги, аксинча йигит қизга эътиборли бўлиши лозимлигини уйлаб кўринг.

👉Сиз қалбан, жисмонан, виждонан ўзингизга ишонсангиз, албатта сизга муносиб севгига эришасиз.

👉Сизни дейдиган, сиз учун қайғурадиган инсон албатта учрашига ишонинг!

Психологик мотивацион тавсиялар