Maʼlumki, hoizirgi kunda Oʻzbekistonda amalga oshirilayotgan tibbiyot islohotlari doirasida tez tibbiy yordamni takomillashtirishga katta eʼtibor qaratib kelinmoqda.

Oʻzbekiston Respublikasi Prezidentining 2022-yil 16-iyundagi “Aholiga tez tibbiy yordam koʻrsatish tizimini takomillashtirish toʻgʻrisida”gi PQ-283-son qaroriga muvofiq mamlakatimizda tez tibbiy yordamni islohot qilishga qaratilgan vazifalar belgilangan.

Mazkur qarorga muvofiq joylarda va hududlarda ham aholiga tez tibbiy yordam koʻrsatishni yanada yaxshilash va yaqinlashtirish boʻyicha qator ishlar amalga oshirilib kelmoqda.

Xususan, joriy yilning 28-yanvarida Samarqand viloyatining Qoʻshrabot, Payariq va Samarqand tumanlari tez tibbiy yordam xizmati binolari qayta qurilib, foydalanishga topshirildi.

Shuningdek, mamlakatimizning olis va chekka hududlarda olib borilayotgan ishlarni alohida taʼkidlash lozim. Samarqand viloyatining Urgut tumanidagi Bobur tez tibbiy yordam shahobchasi ham obod boʻldi.

Mazkur muassasalarga Sogʻliqni saqlash vazirligi hamda Respublika tez tibbiy yordam markazi tomonidan zamonaviy “Volkswagen Caddy” avtomashinalari topshirildi.

#tez_tibbiy_yordam #islohot #Samarqand

✅ Telegram💬 Facebook 📹 Youtube 🌐Instagram