103_Press_Official

Respublika tez tibbiy yordam markazi xodimlarining malakasini oshirish va qayta tayyorlash maktabida birinchi tibbiy yordam boʻyicha oʻquv amaliy seminar oʻtkazilmoqda

Maʼlumki, Oʻzbekiston Respublikasi Prezidentining 2022-yil 16-iyundagi “Aholiga tez tibbiy yordam koʻrsatish tizimini takomillashtirish toʻgʻrisida”gi PQ-283-son qaroriga muvofiq tez tibbiy yordam xizmatida islohotlarni amalga oshirish, sohani butunlay transformatsiya qilish, yangi zamonaviy innovatsion yechimlarni joriy etish, tizimni yangi darajaga koʻtarish hamda aholiga tez tibbiy yordam koʻrsatishni yanada yaxshilash va yaqinlashtirish borasida keng koʻlamli ishlar amalga oshirilmoqda.

Tez tibbiy yordam xizmatini sifatli koʻrsatish boʻyicha doimiy ravishda kadrlar salohiyatini oshirish, yangi texnologiyalarga oʻrgatish nafaqat tez tibbiy yordam xizmati xodimlari, balki boshqa tashkilot, yaʼni notibbiyot tashkilotlar xodimlarini doimiy ravishda oʻrgatish lozim.

Kadrlar salohiyatini doimiy ravishda oshirish maqsadida yuqorida koʻrsatilgan Oʻzbekiston Respublikasi Prezidenti qaroriga muvofiq Respublika tez tibbiy yordam markazi xodimlariningmalakasini oshirish va qayta tayyorlash maktabi tashkil etildi.

Bugun Maktab Koreya milliy transport universiteti (KNUT) mutaxassislari bilan birgalikda birinchi tibbiy yordam koʻrsatish, kattalarda va bolalarda yurak-oʻpka reanimatsiyasini oʻtkazish hamda tez tibbiy yordam uchun moʻljallangan tibbiy jihozlardan foydalanish boʻyicha oʻquv seminarlar boshlandi.

Seminarlar joriy yilning 6-10-fevral kunlari Toshkent va Samarqand shaharlarida oʻtkazilish rejalashtirilgan boʻlib, tez tibbiy yordam xodimlari bilan bir qatorda Ichki ishlar vazirligi, Favqulodda vaziyatlar vazirligi, Milliy gvardiya, Transport vazirligi, Oliy taʼlim, fan va innovatsiyalar vazirligi hamda Maktabgacha va maktab taʼlimi vazirligi xodimlari ishtirok etishi rejalashtirilgan.

#tez_tibbiy_yordam #trening

✅ Telegram💬 Facebook 📹 Youtube 🌐Instagram

Ayni vaqtda Respublika tez tibbiy yordam markazi Buxoro viloyati filiali direktori va uning barcha oʻrinbosarlari Gʻijduvon, Olot, Buxoro shahar tez tibbiy yordam stansiyalarining ish faoliyati koʻzdan kechirildi.

Barcha boʻlimlarda tez tibbiy yordam boʻyicha elektron avtomatlashtirilgan boshqaruv tizimi boʻyicha chaqiriqlar qabul qilinib, chaqiriqqa oʻz vaqtida yetib borib, tibbiy xizmat koʻrsatib kelmoqda.

Xususan, tez tibbiy yordam xodimlari Filial direktorining tasdiqlagan navbatchilik jadvali asosida faoliyat koʻrsatmoqda.

Haydovchilar bilan mashina texnik sozligi koʻzdan kechirilib, sanitar ahvoli ishchi holatda ekanligi aniqlandi. Kuz-qish mavsumida xodimlar texnika xavfsizligiga rioya etgan holatda oʻz ish faoliyati davom ettirmoqda.

Dori-darmon zahirasi yetarli miqdordaligi koʻzdan kechirildi. Barcha xodimlar yana bir bor hushyorlikka chaqirildi.

Tungi oʻrganishlar davom etmoqda.

#tez_tibbiy_yordam #nazorat #Buxoro

✅ Telegram💬 Facebook 📹 Youtube 🌐Instagram

Tez tibbiy yordam brigadasi vaqtida yetib borgan

Ijtimoiy tarmoqlarda tez tibbiy yordam brigadasi xodimining mast holatda koʻchada yotgan fuqaroga birinchi yordam koʻrsatishdan bosh tortganiga doir xabar tarqatildi.

Xoʻsh, aslida voqea qanday boʻlgan edi?

Maʼlumotlarga koʻra, oʻsha kuni soat 08:55da Respublika tez tibbiy yordam markazi Toshkent shahar filiali Call-markaziga Yunusobod tumani, 4-daha, 1-uydan chaqiruv tushadi. Chaqiruvdan maqsad koʻchada yotgan fuqoroga tez tibbiy yordam koʻrsatish boʻlgan.

Tuman dispetcheri tomonidan soat 09:05da chaqiruv manziliga eng yaqin masofadagi 363-brigadaga bu haqda maʼlumot beriladi. Brigada oradan 6 daqiqa oʻtib, yaʼni oʻz vaqtida koʻrsatilgan manzilga yetib borgan.

Shifokor A. Ahmatov hamda feldsher I. Qurbonova bemorni birlamchi tibbiy koʻrikdan oʻtkazadi.

Keyin u shifokorlar tomonidan Respublika shoshilinch tibbiy yordam markaziga olib joʻnalgan. Yoʻl-yoʻlakay qondagi kislorod miqdori va nafas faoliyatini yaxshilash uchun namlantirilgan kislorod berib borildi. Qon bosimini koʻtarish va nafas faoliyatini yaxshilash uchun yana qator choralar koʻrilgan.

Bemor soat 09:54da Respublika shoshilinch tibbiy yordam markazi qabul boʻlimiga yetkazib kelingan.


Respublika tez yordam markazi
matbuot xizmati

#tez_tibbiy_yordam #rasmiy_munosabat

✅ Telegram💬 Facebook 📹 Youtube 🌐Instagram

Is gazidan zaharlanish boʻyicha oʻquv seminar boʻlib oʻtdi

Joriy yilning 1-fevralida Respublika tez tibbiy yordam markazi Respublika shoshilinch tibbiy yordam ilmiy markazi va Tibbiyot xodimlarining kasbiy malakasini rivojlantirish markazi bilan birgalikda dolzarb boʻlgan “Is gazidan oʻtkir zaharlanish” mavzusi boʻyicha oʻquv seminari tashkillashtirildi.

Oʻquv seminarda Rossiya Federatsiyasining I.I. Djanelidze nomidagi Sankt-Peterburg tez tibbiy yordam ilmiy-tadqiqot instituti, Akademik I.P. Pavlov nomidagi birinchi Sankt-Peterburg davlat tibbiyot universiteti hamda Respublika tez tibbiy yordam markazi Respublika shoshilinch tibbiy yordam ilmiy markazi mutaxassislari tomonidan is gazidan zaharlanish holatlari, klinik va diagnostik harakatlari, is gazidan zaharlanganlarga shifoxonagacha bosqichda tibbiy yordam koʻrsatish, toksilogik yordamni tashkillashtirish va boshqa mavzuga oid maʼruzalarni taqdim qilishdi.

Bugungi seminarda tez tibbiy yordam xizmati xodimlariga is gazidan zaharlangan insonlarga birinchi tibbiy yordamni berish, ularga toʻgʻri muolaja va dori vositalarini taqdim etish, shifoxonagacha boʻlgan bosqichda amalga oshirish lozim boʻlgan harakatlarni amalga oshirish boʻyicha muhokamalarga boy boʻldi.

Respublika tez tibbiy yordam markazi rahbariyati, masʼul xodimlari, hududiy filiallari rahbarlari hamda tuman stansiya va podstansiya boʻlimlari boshliqlari va tez tibbiy yordam brigadalari xodimlari faol ishtirok etib, kerakli savollarga javob olishdi.

Tez tibbiy yordam sohasiga boy bilimlarga oid shu kabi oʻquv seminarlar tashkillashtirilishi rejalashtirildi.

#tez_tibbiy_yordam #ilm #seminar #is_gazi

✅ Telegram💬 Facebook 📹 Youtube 🌐Instagram