Абдулла Орипов
СИНОВ
15
Ажабо, дунёда динлар барчаси
Аввалдан келишиб олгандай гўё
Инсоннинг умрини синовдир дейди.
Буни тушунмадим, афсус, кўп замон,
Наҳот маромига етмаган бу фан,
Наҳотки муаллиф ўзин синаса?
Англаш қийин эди унинг маъносин.
Аслида саноқсиз қавмлар аро
Сочилиб ётарди улуғ бир мантиқ.
Майли, ўрганиб ол сен юзлаб тилни,
Лекин тушунмаса дилингни биров
Бу ахир энг оғир синов эмасми?
Чиқсангу илмнинг чўққиларига
Керак бўлмаса гар бировга кашфинг –
Буниси ҳаммадан баттарроғи-ку.
Аллоҳ берган бўлса сенга истеъдод,
Бироқ яшаб юрсанг ҳиссизлар ичра,
Пишириб ермидинг истеъдодингни.
Биз билан тенг бўлгин дейдилар улар,
Олдинроққа ўтсанг еб ташлашади.
Нақадар шафқатсиз бундайин синов.
Яхшиям қўллайди Эгамнинг ўзи,
Азобга қўйса-да эсдан чиқармас.
Мисли ўткир тиғдек чархлаб боради.
Бироқ тугамайди ҳали имтиҳон.
Оёғингдан тортар ҳасадгўй аҳли.
Ёнғоқни талашган маймунлар мисол.
Ўтган даврларни, қатағонларни
Эслайсан ва лекин шукур ҳам дейсан:
Жаҳолат илмни йўқотолмабди.
Худойим бахш этган ирода-ю куч
Бир бор ютқазса-да ўн карра ютгай.
Шу тахлит юксалар тараққиёт ҳам.
Олис фалакларга қадами етиб,
Чумолининг тилин тушунди зако.
Қанча ҳаваскорлар унга халфадир.
Асли камолотнинг чегараси йўқ,
Жамъи сарҳадларни забт этгай инсон.
Фақат Парвардигор қўллаб турса бас.
Сен эса, кичкина қаричинг билан
Ўзинг тенгиларнинг бўйин ўлчаб юр.
Ундан баландроғин эплай олмайсан.
Пайт етиб, нокомил ўтмишинг эслаб,
Ногоҳ дуч келарсан надоматларга.
Шунда сен учун ҳам бошлангай синов.
✍2012 йил 9 апрель
@ONA_TILIM_MILLAT_RUHI
СИНОВ
15
Ажабо, дунёда динлар барчаси
Аввалдан келишиб олгандай гўё
Инсоннинг умрини синовдир дейди.
Буни тушунмадим, афсус, кўп замон,
Наҳот маромига етмаган бу фан,
Наҳотки муаллиф ўзин синаса?
Англаш қийин эди унинг маъносин.
Аслида саноқсиз қавмлар аро
Сочилиб ётарди улуғ бир мантиқ.
Майли, ўрганиб ол сен юзлаб тилни,
Лекин тушунмаса дилингни биров
Бу ахир энг оғир синов эмасми?
Чиқсангу илмнинг чўққиларига
Керак бўлмаса гар бировга кашфинг –
Буниси ҳаммадан баттарроғи-ку.
Аллоҳ берган бўлса сенга истеъдод,
Бироқ яшаб юрсанг ҳиссизлар ичра,
Пишириб ермидинг истеъдодингни.
Биз билан тенг бўлгин дейдилар улар,
Олдинроққа ўтсанг еб ташлашади.
Нақадар шафқатсиз бундайин синов.
Яхшиям қўллайди Эгамнинг ўзи,
Азобга қўйса-да эсдан чиқармас.
Мисли ўткир тиғдек чархлаб боради.
Бироқ тугамайди ҳали имтиҳон.
Оёғингдан тортар ҳасадгўй аҳли.
Ёнғоқни талашган маймунлар мисол.
Ўтган даврларни, қатағонларни
Эслайсан ва лекин шукур ҳам дейсан:
Жаҳолат илмни йўқотолмабди.
Худойим бахш этган ирода-ю куч
Бир бор ютқазса-да ўн карра ютгай.
Шу тахлит юксалар тараққиёт ҳам.
Олис фалакларга қадами етиб,
Чумолининг тилин тушунди зако.
Қанча ҳаваскорлар унга халфадир.
Асли камолотнинг чегараси йўқ,
Жамъи сарҳадларни забт этгай инсон.
Фақат Парвардигор қўллаб турса бас.
Сен эса, кичкина қаричинг билан
Ўзинг тенгиларнинг бўйин ўлчаб юр.
Ундан баландроғин эплай олмайсан.
Пайт етиб, нокомил ўтмишинг эслаб,
Ногоҳ дуч келарсан надоматларга.
Шунда сен учун ҳам бошлангай синов.
✍2012 йил 9 апрель
@ONA_TILIM_MILLAT_RUHI