Namangan davlat texnika universitetida mavsumiy ishga joylashtirish masalalariga bagʻishlangan uchrashuv tashkil etildi

Universitetda bolalar sogʻlomlashtirish oromgohlarida tarbiyachi va yetakchi lavozimlariga mavsumiy ishga qabul qilinadigan nomzodlar bilan maxsus uchrashuv boʻlib oʻtdi.

Uchrashuvda departamentning hududiy boshqarma boshligʻi, oromgoh direktorlari, universitet masʼullari, Yoshlar ittifoqi Boshlangʻich tashkiloti faollari va talaba-yoshlar ishtirok etdi.

Uchrashuv davomida masʼullar tomonidan oromgohlarda yaratilayotgan mavsumiy ishlar toʻgʻrisida talabalarga atroflicha tushunchalar berildi.

Talaba-yoshlar oʻzlarini qiziqtirgan savollarga batafsil javob olishdi. Shuningdek, koʻplab talabalar oromgohlarda mavsumiy ishlash istagini bildirdi.