NamMQI_Rasmiy | YANGILIKLAR

Institut axborot-resurs markazida Zulfiyaxonim tavalludining 110-yilligiga bagʻishlangan adabiy kecha boʻlib oʻtdi

Tadbirni axborot-resurs markazi direktori Ozoda Mamadaliyeva ochib berdi.

Kutubxona xodimlari shoira hayoti va ijodiga oid maʼlumotlar bilan boʻlishdi, talabalar ijrosida Zulfiyaxonim sheʼrlari yangradi.

Yakunda buyuk shoiraga bagʻishlangan hujjatli film namoyish etildi.

Institut yoshlar jamoasi respublika tanlovining viloyat bosqichida gʻoliblar safidan oʻrin egalladi

Oliy ta’lim, fan va innovatsiyalar vazirligi hamda O‘zbekiston Yozuvchilar uyushmasining qo‘shma qaroriga binoan respublika oliy ta’lim muassasalari o‘rtasida “Yurtim qadriyatlari” ko‘rik-tanlovi tashkil etish vazifasi belgilangan.

Namangan viloyatidagi oliy ta’lim muassasalari o‘rtasida “Yurtim qadriyatlari” ko‘rik-tanlovining hududiy bosqichi bo‘lib o‘tdi.

Murosasiz kechgan bahsda Namangan muhandislik-qurilish instituti yoshlaridan iborat "Qadriyatlar yetakchisi" jamoasi faxrli 3-oʻrinni qoʻlga kiritdi.

Talabalarimizga keyingi faoliyatlarida ham omad va zafarlar tilab qolamiz!

Prezident Shavkat Mirziyoyevning muborak Ramazon oyi kirib kelishi munosabati bilan Oʻzbekiston xalqiga tabrigi

Qadrli vatandoshlar!

Avvalo, siz, azizlarni, yurtimizdagi barcha mo‘min-musulmonlar va butun xalqimizni ezgulik, xayr-u saxovat va mehr-oqibat oyi bo‘lgan Ramazoni sharifning kirib kelishi bilan chin qalbimdan samimiy muborakbod etaman.

Ushbu qutlug‘ ayyomda mana shunday munavvar oyni el-yurtimiz bilan birgalikda tinch va osoyishta muhitda kutib olayotganimiz uchun Alloh taologa behisob shukronalar aytamiz.

NamMQI talabalari “Uchinchi renessans—yoshlar nigohida” loyihalar tanlovining gʻolib va sovrindorlari safidan oʻrin oldi

Toshkentda “Uchinchi renessans—yoshlar nigohida” loyihalar tanlovining yakuniy bosqichi boʻlib oʻtdi. Ushbu tanlovda 2 mingga yaqin talaba-yoshlar ishtirok etib, ularning eng saralari respublika bosqichiga yoʻl oldi.

Mazkur tanlovda Namangan muhandislik-qurilish instituti talabalari salmoqli yutuqlarga erishdi.

Jumladan, Qurilish fakulteti talabasi Azizbek Bahodirov “Oliygohda sifatli bilim olishdan talabalar manfaatdorligini oshirish uchun oʻquv jarayoni va metodikasini oʻzgartirish yoʻllari” yoʻnalishida birinchi oʻrinni, shu fakultetning yana bir talabasi Bunyodbek Joʻrabekov esa “Ajdodlar merosini oʻrganish va targʻib qilishda innovatsion yondoshuv” yoʻnalishida ikkinchi oʻrinni qoʻlga kiritdi.

Tanlov gʻolib va sovrindorlari diplom va qimmatbaho sovgʻalar—planshet, smartfon va smart soatlar bilan taqdirlandi.

Tabriklaymiz!