#таклиф

* * *

Экинзор ёқаси
Бир жуфт сигир ўтлайди секин
Таёққа суянган хаёлчан бола
Қўлида китоб
Кўзларида оловланар шан!
Китоб бир олам
Борлиқ бир олам
Сигирлар ҳам мўъжиза унга.

Булут сузар
Осмонга санчилган тоғларни оша
Қуёш мизғимоқнинг тараддудида
Шафаққа кўмилган мағриб
Бола қалби очилган эшик
Саҳифалар шўнғийди аста
Бир жуфт сигир ўтлайди беғам.

Китобларнинг кетидан китоб...
Умр шиддат...
Фасллар лаҳза...
Ширин ҳорғинликни туйганча бола
Шафқатсиз ВАҚТнинг устидан кулар
Бир жуфт сигир ўтлайди ҳамон...

Акмал ТОШ

https://t.me/Najmiddin_Ermatov