Bir nemis professori huquq fanidan bo‘lib o‘tayotgan yozma imtihon paytida butun kursni mana shu bitta masala bilan mag`lub qilibdi:

— Ikki qo‘shnining masalasini hal qilish kerak. Birining uyida o‘sayotgan olma daraxti ikkinchisining uyidagi lola ekilgan boqqa egilgan bo‘lib, har olma tushganida chiroyli bo‘lib gullagan nimjon lola soplarini sindiradi...Talabalarga berilgan bu masala oddiy bo‘lib tuyulib, ayrimlari bog‘bonning yonini olsa, boshqalari gulchini himoya qila boshlashdi. Ular Germaniya qonunchiligida mavjud deyarli barcha tartib-qoidalarni birma-bir ayta boshlashdi. Natijada shu narsa ayon bo‘ldiki, olmalar kuzga yaqin to‘kilsa, lolalar bahorda gullarkan. Professor hayotda ro‘y bermaydigan masalani o‘rtaga tashlagan ekan. Talabalarning qarshiligiga, professor sovuqqonlik bilan:
— Har xil tartib-qoidalarni izlashdan avval, aqlni ozgina to‘g‘ri ishlatish kerak, — deb javob beribdi!