Mukhiddin Kalonov

Navoiy davlat universiteti Kuzatuv kengashining ilk yig‘ilishi o‘tkazildi

18-yanvar kuni Oliy ta’lim, fan va innovatsiyalar vaziri Qo‘ng‘irotboy Sharipov raisligida Navoiy davlat universiteti Kuzatuv kengashining ilk yig‘ilishi bo‘lib o‘tdi. Yig‘ilishda universitetning akademik va moliyaviy mustaqillikka ega bo‘lishi munosabati bilan muhim hujjatlar, tashkiliy tuzilmalar va rejalar tasdiqlandi. Universitetning rivojlanishi uchun zarur bo‘lgan asosiy yo‘nalishlar belgilab olindi.

Batafsil: https://gov.uz/oz/edu/news/view/33310

Bizni kuzating

Facebook | Instagram | YouTube | Telegram

#kino

🎬“Ayol qismati” filmi talabalarni mushohada qilishga chorladi

Navoiy davlat universiteti Axborot-resurs markazida talabalarga “Ayol qismati” nomli badiiy film namoyish etildi.

Film namoyishidan so‘ng universitet rektori, professor Muxiddin Kalonov hamda rektor maslahatchisi B.Abdullayev talaba yoshlarning ushbu filmdan olgan taassurotlari bilan o‘rtoqlashdilar, o‘zlarining kerakli maslahatlarini va tavsiyalarini berib o‘tdilar.

Film real voqealarga asoslangan bo‘lib, voqealarning aksariyat tasvirlari aynan Navoiy viloyatida suratga olingan.

Unda bir ayolning boshidan kechgan mudhish voqealari “Sojida” ismli ayol misolida gavdalantirilgan. Bosh qahramon tomonidan soxta g’oyalarga aldanmaslik, vatanni sevish, oila va ayol baxtini yuqori darajada saqlash kabi tushunchalar real voqealar asosida ko‘rsatib berildi.

Ushbu kino tomoshabinda Vatanni asrab-avaylash, qadriga yetish, tinchlikni asrash va unga bo‘lgan shukronalik tuyg‘usini his etishga undaydi. Tinch, omon, baxtli hayot kechirish ham, aksincha uni barbod qilish ham har bir insonning o‘z qo‘lida. Shunday ekan ogohlik davr talabi bo‘lib turgan bir paytda bunday filmlar har qanday kishini sergak tortishga va ogoh bo‘lishga chorlaydi.

#live
#kino_kechasi

🎬Navoiy davlat universiteti rektori Muxiddin Kalonov talabalar bilan birga “Ayol qismati” filmini tomosha qilmoqda.

☄️Ayni paytda universitetning axborot-resurs markazida o‘zbek kinoijodkorlari tomonidan sahnalashtirilgan “Ayol qismati” nomli badiiy film namoyish etilmoqda. Talabalar bilan birga universitet rektori, professor Muxiddin Kalonov ham kinokartinani tomosha qilyapti.

#hamkorlik #memorandum

NDKTU bilan ilmiy-amaliy hamkorlik yangi bosqichda!

Navoiy davlat universiteti va Navoiy davlat konchilik va texnologiyalar universiteti o‘rtasida hamkorlik memorandumi imzolandi.

Tantanali uchrashuvda har ikkala oliy ta’lim muassasasining rektorlari — Muxiddin Kalonov va Baxtiyor Mardonov, prorektorlar, dekanlar va bo‘lim boshliqlari ishtirok etdi.

Ushbu memorandum oliy ta’lim muassasalari o‘rtasida ilmiy-texnik hamkorlikni yanada rivojlantirish, tajriba almashish va o‘quv jarayonlarini birgalikda samarali tashkil etishni ko‘zda tutadi.

Shuningdek, endilikda memorandum asosida Navoiy hududidagi sanoat va iqtisodiyot masalalariga oid qo‘shma ilmiy-tadqiqotlar olib boriladi, innovatsion yechimlarga tayangan texnologiyalar ishlab chiqariladi va amaliyotga tadbiq etish choralari ko‘riladi.

Ikkala universitetlar olimlari o‘rtasidagi yaqin hamkorlik, shubhasiz, Navoiy viloyatining har tomonlama rivojlanishida, malakali kadrlar yetishtirishda muhim ahamiyat kasb etadi.