Асрим менинг

Йўқ эрур сендан сира арзим менинг, асрим менинг,
Сенга пир топмас кўнгил қасрим менинг, асрим менинг.
Ухлаётган толейимни уйғотиб қўйган ўзинг,
Кўз очиб уйғотгувчи фаслим менинг, асрим менинг.

Тоқату сабру қарор баҳш айлаган менга сенинг,
Беқарор ўйнинг, каму касрим менинг, асрим менинг.
Кўнглима кўп ғулғула солган сенинг қилмишларинг,
Айтажак назмим менинг, насрим менинг, асрим менинг.

Кулдириб йиғлатганим, йиғлатиб ўйнатганим,
Ўйнатиб ўйлатганим наслим менинг – асрим менинг.
Дам юзингни қоплади абрисиё– савдо булут,
Дам қуёш нури бўлиб ҳасрим менинг, асрим менинг.

Сенда ердан кўкка учдим, сенда кўкда ерни қучдим,
Сенда шон топди диёр – аслим менинг, асрим менинг.
Қувваи ижод билан боз одамий дунёсини
Лол этиб, қилгин яна таслим менинг, асрим менинг.

Кечдию қанча улуғ, чўнг имтиҳон, сен устувор
Кўрганинг аҳлинг сенинг–ақлим менинг, асрим менинг.
Мен аёл қошида бош эгган эсам, айб этмангиз,
Кўкни хушнуд қилди хуш васлим менинг, асрим менинг.

Қилмаган бўлсам адо қарзимни гар, сендан, кечир,
Чунки кўп қарзим менинг, қарзим менинг, асрим менинг.

Форсчадан Мансур Жумаев таржимаси